Mhe. Makonda awahimiza wananchi wa Arusha kupima afya ya moyo

Waziri wa Habari, Utamaduni, Sanaa na Michezo Mhe. Paul Makonda akiangalia daftari maalumu la usajiri wa wagonjwa alipotembelea banda la Taasisi ya Moyo Jakaya Kikwete (JKCI) wakati wa kambi maalumu ya kupima na kutibu magonjwa ya binadamu inayofanyika katika uwanja wa Sheikh Amri Abeid uliopo jijini Arusha. Wapili kushoto ni Mkurugenzi Mtendaji wa JKCI Dkt. Peter Kisenge

Afisa Uuguzi wa Hospitali ya Arusha Lutheran Medical Centre (ALMC) ambayo inasimamiwa na Taasisi ya Moyo Jakaya Kikwete (JKCI) Nadia Zuberi akimuonesha majibu ya sukari kwenye damu mwananchi aliyefika kufanya uchunguzi wa afya katika banda la JKCI wakati wa kambi maalumu ya kupima na kutibu magonjwa ya binadamu inayofanyika katika uwanja wa Sheikh Amri Abeid uliopo jijini Arusha. 

Afisa Uuguzi wa Taasisi ya Moyo Jakaya Kikwete (JKCI) Hania Bwahama akimpima shinikizo la damu (BP) mwananchi aliyefika kufanya uchunguzi wa afya katika banda la Taasisi hiyo wakati wa kambi maalumu ya kupima na kutibu magonjwa ya binadamu inayofanyika katika uwanja wa Sheikh Amri Abeid uliopo jijini Arusha. 

Daktari wa Hospitali ya Arusha Lutheran Medical Centre (ALMC) ambayo inasimamiwa na Taasisi ya Moyo Jakaya Kikwete (JKCI) Ibrahim Gulamhessein akimpatia maelekezo mwananchi aliyefika kufanya uchunguzi wa afya katika banda la JKCI wakati wa kambi maalumu ya kupima na kutibu magonjwa ya binadamu inayofanyika katika uwanja wa Sheikh Amri Abeid uliopo jijini Arusha. 


Waziri wa Habari, Utamaduni, Sanaa na Michezo Mhe. Paul Makonda akiwa katika picha ya pamoja na wataalamu wa afya kutoka Taasisi ya Moyo Jakaya Kikwete (JKCI) alipotembelea banda la Taasisi hiyo wakati wa kambi maalumu ya kupima na kutibu magonjwa ya binadamu inayofanyika katika uwanja wa Sheikh Amri Abeid uliopo jijini Arusha.

Na JKCI

*******************************************************************************************************

Wananchi wa Mkoa wa Arusha na Mikoa ya jirani wametakiwa kujitokeza kupima moyo katika banda la Taasisi ya Moyo Jakaya kikwete (JKCI) linalotoa huduma bingwa bobezi za uchunguzi wa magonjwa ya moyo kwa kutumia teknolojia za kisasa.

Rai hiyo imetolewa leo na Mbunge wa Jimbo la Arusha Mjini Mhe. Paul Makonda wakati wa kambi maalumu ya kupima na kutibu magonjwa ya binadamu inayofanyika katika uwanja wa Sheikh Amri Abeid uliopo jijini Arusha.

Mhe. Makonda alisema JKCI ni Taasisi bora katika kutoa huduma bingwa bobezi za moyo Africa Mashariki na Kati hivyo wananchi watumie uwepo wa Taasisi hiyo kufanyiwa uchunguzi wa afya na kupata taarifa sahihi kuhusu afya zao.

“Msiposhiriki katika kambi hii kupata huduma bingwa za uchunguzi na matibabu ya moyo hapo baadaye mkikutwa na magonjwa haya mnaweza kutumia mtaji wenu wote kwaajili ya kupata matibabu, ni muhimu sasa mkapima”, alisema Mhe. Makonda

Mhe. Makonda alisema JKCI wamefungua tawi lake mkoani Arusha kwaajili ya watu wa kanda ya Kaskazini hivyo wale wote watakaogundulika kuwa na matatizo ya moyo kupitia kambi hiyo watatibiwa katika Hospitali ya Arusha Lutheran Medical Centre ambalo ni Tawi la JKCI.

Kwa upande wake Mkurugenzi Mtendaji wa Taasisi ya Moyo Jakaya Kikwete (JKCI) Peter Kisenge alisema JKCI imejipanga kuwahudumia watu wote wanaohitaji huduma za uchunguzi na matibabu ya magonjwa ya moyo hivyo wasisite kufika katika banda hilo kwaajili ya matibabu.

Dkt. Kisenge alisema kupitia kambi hiyo wataalamu mabingwa wabobezi wa magonjwa ya moyo kwa watoto na watu wazima wameshiriki kwa kutoa huduma lakini pia kutoa elimu ya namna ya kujikinga na magonjwa yasiyoambukiza yakiwemo magonjwa ya moyo.

“Tupo hapa madaktari wa kutosha kutoka JKCI makao makuu na JKCI Arusha Lutheran Medical Centre (ALMC), lengo letu ni kuhakikisha kuwa huduma za matibabu ya moyo zinawafikia wananchi wote”, alisema Dkt. Kisenge.

Aidha Dkt. Kisenge alisema JKCI tawi la Arusha Lutheran Medical Centre (ALMC) inaenda kuzindua huduma ya kuwafuata wagonjwa majumbani kwa kuwawekea kifaa maalumu kinachojulikana kwa jina la DOZEE ambacho kinawekwa chini ya godoro la mgonjwa akiwa nyumbani na kuweza kusoma shinikizo la damu, kiwango cha hewa mwilini, mapigo ya moyo na umeme wa moyo.


Comments

Post a Comment

Popular posts from this blog

Kutoka miaka 22 hadi kustaafu: Safari ya Lemmah yatoa somo kwa Watumishi wa Umma

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi mfano wa hundi ya zawadi ya kustaafu  aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI, Ghati Chacha. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi tuzo ya shukrani kutokana na mchango wake alioutoa katika taasisi hiyo aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah ambaye amestaafu kwa mujibu wa sheria wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI  Ghati Chacha. Mkurugenzi wa Utawala na Rasiliamali Watu wa Taasisi ya Moyo Jakaya Kikwete (JKCI) Ghati Chacha akimkabidhi cheti cha shukrani kutokan...
Read more

Wanawake waaswa kulinda mioyo yao, kuepuka sukari na chumvi kupita kiasi

Image
Wahasibu wa Taasisi ya Moyo Jakaya Kikwete (JKCI) CPA. Ashura Ally na Edna Sanga wakifuatilia mada ya wakifuatilia mada ya    kumbukumbu gani umeiacha katika eneo lako la kazi kutokana na matendo yako mazuri uliyoyafanya iliyokuwa inatolewa katika mkutano wa Chama cha Wahasibu Wanawake Tanzania (TAWCA) unaofanyika jijini Arusha. Afisa Uuguzi wa Taasisi ya Moyo Jakaya Kikwete (JKCI) Idrisa Ndende akimpima kiwango cha sukari kwenye damu Mhasibu aliyefika katika banda la taasisi hiyo kwaajili ya kupata huduma za uchunguzi na matibabu ya moyo wakati wa    mkutano wa Chama cha Wahasibu Wanawake Tanzania (TAWCA) unaofanyika jijini Arusha. Mkurugenzi wa Fedha na Mipango wa Taasisi ya Moyo Jakaya Kikwete (JKCI) CPA. Agnes Kuhenga na Daktari Bingwa wa Magonjwa ya Moyo  Engerasia Kifai  wa taasisi hiyo  wakifuatilia mada ya  kumbukumbu gani umeiacha katika eneo lako la kazi kutokana na matendo yako mazuri uliyoyafanya iliyokuwa inatolewa  katika m...
Read more