SACCOS ya JKCI kutoa mkopo wa shilingi milioni 20


Mwenyekiti wa JKCI SACCOS Dkt. Tulizo Shem akizungumza na wanachama wa SACCOS hiyo wakati wa mkutano mkuu uliofanyika hivi karibuni kupitia taarifa za fedha za mwaka 2022 katika ukumbi wa mikutano wa Taasisi hiyo iliyopo jijini Dar es Salaam. 


Wanachama wa JKCI SACCOS wakifuatilia wakati wa mkutano mkuu wa SACCOS hiyo uliofanyika hivi karibuni kupitia taarifa za fedha za mwaka 2022 katika ukumbi wa mikutano wa Taasisi hiyo iliyopo jijini Dar es Salaam. 


Meneja wa Benki ya NMB tawi la Muhimbili Frank Makungu akizungumza na wanachama wa JKCI SACCOS wakati wa mkutano mkuu wa SACCOS hiyo uliofanyika hivi karibuni kupitia taarifa za fedha za mwaka 2022 katika ukumbi wa mikutano wa Taasisi hiyo iliyopo jijini Dar es Salaam.

  
Mwanachama wa JKCI SACCOS Maangaza Omary akichangia mada wakati wa mkutano mkuu wa SACCOS hiyo uliofanyika hivi karibuni kupitia taarifa za fedha za mwaka 2022 katika ukumbi wa mikutano wa JKCI iliyopo jijini Dar es Salaam.

Picha na: Khamis Mussa

*******************************************************************************************************************

Mfuko wa SACCOS ya Taasisi ya Moyo Jakaya Kikwete (JKCI) ina uwezo wa kukopesha wanachama wake hadi kiasi cha shilingi milioni ishirini endapo mwanachama atakidhi vigezo na masharti vilivyowekwa na SACCOS hiyo.

Hayo yalisemwa na mwenyekiti wa SACCOS hiyo ambaye ni Daktari bingwa wa magonjwa ya moyo wa JKCI Tulizo shem alipokuwa akizungumza na wanachama wa SACCOS hiyo hivi karibuni wakati wa mkutano uliofanyika katika ukumbi wa Taasisi hiyo jijini Dar es Salaam.

“Sasa hivi SACCOS yetu inauwezo wa kumpa mwanachama wake mkopo wa shilingi milioni ishirini endapo mwanachama huyo hisa zake zinauwezo wa kulipa rejesho la mkopo wake”, alisema Dkt. Shem

Akizungumzia muda wa kupata mkopo Dkt. Shem alisema kwa sasa mwanachama anaweze kupata mkopo ndani ya muda wa nusu saa endapo kama atakamilisha maombi ya mkopo kwa wakati.

“Mwanachama wa JKCI SACCOS anaweza kupata mkopo wake ndani ya dakika thelathini na atalipa marejesho yake ndani ya miezi tisa badala ya miezi sita kama ilivyokuwa hapo awali, tunafanya hivi ili wanachama wetu waweze kufanya maendeleo kupitia mikopo wanayochukua”, alisema Dkt Shem.

Akiongea kwa niaba ya Mkurugenzi Mtendaji wa Taasisi ya Moyo Jakaya Kikwete (JKCI) Mkurugenzi wa Idara ya Tiba ya Moyo Dkt. Tatizo Waane alisema wajumbe wa bodi wa SACCOS ya JKCI wanatakiwa kuangalia fursa mbalimbali zilizopo katika mazingira ya JKCI na kuzitumia kama chanzo cha kutunisha mfuko wa chama kwa kuwekeza katika fursa hizo.

“Wajumbe wa bodi ya SACCOS ya JKCI mnaweza kuwekeza katika usafi na mgahawa  huduma zinazotolewa hapa  ndani ya JKCI, kama SACCOS itawekeza katika maeneo haya  Taasisi itakuwa inailipa Saccos na  mapato  ya SACCOS yataongezeka”, alisema Dkt. Waane

Dkt. Waane alisema kwa sasa JKCI baada ya kupewa hospitali ya Dar Group idadi ya wafanyakazi imeongezeka hivyo ni wakati sasa viongozi wa SACCOS hiyo kufikisha taarifa kwa wafanyakazi hao ili nao waweze kuwa sehemu ya Saccos hiyo na kunufaika na mikopo inayotolewa.

“Tunaishukuru Serikali ya awamu ya sita kwani Novemba mwaka jana iliikabidhi JKCI hospitali ya Dar Group hivyo wafanyakazi wa Dar group nao waambiwe umuhimu wa kujiunga na SACCOS hii kuongeza idadi ya wanachama lakini pia kuikuza SACCOS”, alisema Dkt. Waane.

Naye Meneja wa Benki ya NMB tawi la Muhimbili Frank Makungu alisema SACCOS ya JKCI ina muda mfupi lakini inamafanikio makubwa hivyo kuwataka wanachama wa SACCOS hiyo kufuata masharti yaliyowekwa kuifanya SACCOS hiyo kuendelea kuwa katika ubora wake.

“Nimekuwa nikishauriana na viongozi wa SACCOS hii kuhusu mambo mbalimbali, leo nawashauri wanachama mkope kwenye SACCOS yenu, mlipe kwa wakati na muwe mabalozi wazuri wa kuisema vema SACCOS yenu kwa wengine kwani kwakufanya hivyo SACCOS yenu itakuwa”, alisema Makungu.

Akizungumzia uzoefu alionao katika vyama vya mikopo Afisa Ushirika Ofisi ya Msajili Msaidizi Olivia Kaiza alisema SACCOS nyingi zinashindwa kuendelea kwa sababu ya kutegemea posho katika kukata mapato ya Mfuko hivyo kuitaka JKCI kuhusisha mishahara kulipa mkopo kuliko kutegemea posho.

“Posho ni fedha ya ziada ambayo inaweza kusitishwa wakati wowote, nawashauri wajumbe wa bodi ya JKCI SACCOS kutotegemea posho kukata riba za mikopo bali mikopo ikatwe kwenye mishahara maana mshahara ni lazima mtu apate”, alisema Oliva.


Comments

Post a Comment

Popular posts from this blog

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w...
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na wate...
Read more

Maabara ya JKCI yapata ithibati ya kimataifa (ISO 15189:2012)

Image
 Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge  akizunguma na waandishi wa habari leo jijini Dar es Salaam kuhusu maabara ya Taasisi hiyo kupata  ithibati ya viwango vya ubora wa kimataifa (ISO 15189:2012) katika kutoa huduma za vipimo vya magonjwa ya moyo pamoja na magonjwa mengine.Kulia ni Mkuu wa Kitengo cha Uhusiano na Mawasiliano wa JKCI Anna Nkinda. Kaimu Mkuu wa Maabara ya Taasisi ya Moyo Jakaya Kikwete (JKCI) Emmanuel Mgao akizungumza na waandishi wa habari leo jijini Dar es Salaam kuhusu maabara hiyo kukidhi vigezo vilivyowekwa kimataifa katika kutoa huduma na kupata  ithibati yenye namba ISO 15189:2012 . Wafanyakazi wa Maabara ya Taasisi ya Moyo Jakaya Kikwete (JKCI) wakimsikiliza Mkurugenzi Mtendaji wa Taasisi hiyo Dkt. Peter Kisenge  wakati akizunguma na waandishi wa habari leo jijini Dar es Salaam kuhusu maabara hiyo kupata  ithibati ya viwango vya ubora wa kimataifa (ISO 15189:2012) katika kutoa hudu...
Read more