Zambia kujifunza upasuaji wa moyo Tanzania


Madaktari bingwa wa upasuaji wa moyo na mishipa ya damu kwa watoto wa Taasisi ya Moyo Jakaya Kikwete (JKCI) na mwenzao kutoka Hospitali ya Taifa ya Moyo ya nchini Zambia wakimfanyia  upasuaji wa kuhamisha mshipa wa damu unapeleka damu chafu kwenye moyo na kuuunganisha na mshipa unaopeleka damu hiyo kwenye mapafu moja kwa moja. Daktari huyo yupo JKCI kwa muda wa wiki moja kwaajili ya kujengewa uwezo baada ya kumaliza mafunzo ya upasuaji wa moyo nchini Israel kupitia Shirika la Okoa Moyo wa Mtoto (Save a Child’s Heart – SACH).


Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akizungumza na madaktari bingwa wa upasuaji wa moyo kwa watoto waliopata mafunzo ya upasuaji wa moyo nchini Israel kupitia Shirika la Okoa Moyo wa Mtoto (Save a Child’s Heart – SACH) Godwin Sharau wa JKCI na mwenzake Ziwa Mudaniso wa Hospitali ya Taifa ya Moyo ya nchini Zambia wakati daktari huyo alipofika JKCI kwaajili ya kujifunza huduma za upasuaji wa moyo kwa watoto zinazotolewa na Taasisi hiyo.

********************************************************************************************************************************************************************

 Hospitali ya Taifa ya Moyo ya nchini Zambia imemtuma daktari wa upasuaji wa moyo katika Taasisi ya Moyo Jakaya Kikwete (JKCI) kwaajili ya kuongeza ujuzi wa  upasuaji wa moyo.

Hospitali hiyo itaanza kutoa huduma za upasuaji wa moyo hivi karibuni hivyo inaandaa mkakati wa utekelezaji.

Hayo yamesemwa leo na Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge wakati akizunguma na mwandidhi wa habari hizi ofisini kwake jijini Dar es Salaam.

Dkt. Kisenge ambaye pia ni daktari bingwa wa magonjwa ya moyo alisema daktari huyo amekuja nchini kujifunza jinsi ya kuanza kutoa huduma ya upasuaji wa moyo pamoja na kujionea uwekezaji mkubwa uliofanywa na Serikali inayoongozwa na Rais Mhe. Dkt. Samia Suluhu Hassan.

Mkurugenzi huyo Mtendaji alisema daktari huyo anajifunza  vitu vya muhimu vinavyotakiwa kuwepo katika Hospitali kabla ya kuanza kutolewa kwa huduma ya upasuaji.

“Mwezi wa nne tulisaini mkataba na Hospitali ya Taifa ya Moyo ya nchini Zambia wa kuwatibu wagonjwa wa moyo na kuwajengea uwezo wataalamu wa afya wa kuwatibu wagonjwa hao”, alisisitiza Dkt. Kisenge.

 “Katika kuhakikisha Hospitali hii inaanza kutoa huduma za upasuaji wa moyo wiki ijayo madaktari wetu watatu ambao ni wa usingizi, wagonjwa wa dharura na mahututi na upasuaji watakwenda nchini Zambia kuona ni jinsi gani tutawajengea uwezo katika kutoa huduma za upasuaji wa moyo ili waanze  kutoa huduma hiyo”, alisema Dkt. Kisenge.

Dkt. Kisenge alisema nia ya Taasisi hiyo ni kusaidia nchi zote za Afrika Mashariki kufanya upasuaji mkubwa wa moyo kama unaofanywa JKCI  na zaidi ili watu wote waweze kupata huduma bobezi za matibabu ya magonjwa ya moyo inayostahili.  Kwa upande wake Daktari bingwa wa upasuaji wa moyo kwa watoto wa Taasisi ya Moyo Jakaya Kikwete (JKCI) Godwin Sharau alisema daktari huyo amekuja kujifunza jinsi atakavyoweza kufanya upasuaji wa moyo katika nchi yenye rasilimali  chache.

Dkt. Godwin alisema amefurahi kukutana na daktari ambaye ametoka katika mafunzo hivi karibuni nchini Israeli mahali ambapo yeye pia alipata mafunzo miaka kumi iliyopita na hii imemfanya kukaa naye kwa ukaribu na kufanya kwa pamoja yale waliyojifunza katika upasuaji mkubwa wa moyo kwa watoto.

“Ni mara yangu ya kwanza kukutana na daktari huyu tumefanya kazi pamoja na tumebadilishana mawazo ,pia nimemweleza changamoto tulizokutana nazo katika kuanzisha upasuaji mkubwa wa moyo kwa watoto na  njia ambazo tulitumia kutatua changamoto hizo  ili kujijenga katika upasuji huu wa moyo”.

“Naamini kwa ushirikiano huu tutawainua na wao kuanzisha  huduma ya upasuaji mkubwa wa moyo kwa watoto ili watoto walioko nchini Zambia wenye matatizo ya moyo wapate matibabu kwa karibu”, alisema Dkt.Godwin.

Aidha Dkt. Godwin aliushukuru uongozi wa Shirika la Okoa Moyo wa Mtoto (Save a Child’s Heart – SACH) lililoko nchini Israel kwa kuwa sehemu ya kuwajengea uwezo wataalam wa afya kutoka nchi mbalimbali za Afrika.

Naye daktari bingwa wa upasuaji wa moyo kwa watoto kutoka Hospitali ya Taifa ya Moyo ya nchini Zambia Ziwa Mudaniso alisema amekuwa na muda mzuri wa kujifunza  kwa madaktari wa JKCI katika kutoa huduma za upasuaji wa moyo kwa watoto.

“Nimefika JKCI kwa ajili ya kujifunza namna madakltari hawa wanavyofanya kazi na ninaahidi kufanya haya pindi nitakaporudi Zambia, kutumia vifaa tiba vilivyopo kuwahudumia watoto wanaohitaji kufanyiwa upasuaji wa moyo”, alisema Dkt. Ziwa.

Daktari huyo yupo katika Taasisi ya Moyo Jakaya Kikwete (JKCI) kwa muda wa wiki moja kwaajili ya kujengewa uwezo baada ya kumaliza mafunzo ya upasuaji wa moyo katika Hospitali ya Wolfson iliyopo nchini Israel kupitia ufadhili ya Shirika la Okoa Moyo wa Mtoto (Save a Child’s Heart – SACH).



Comments

Post a Comment

Popular posts from this blog

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w...
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na wate...
Read more

Maabara ya JKCI yapata ithibati ya kimataifa (ISO 15189:2012)

Image
 Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge  akizunguma na waandishi wa habari leo jijini Dar es Salaam kuhusu maabara ya Taasisi hiyo kupata  ithibati ya viwango vya ubora wa kimataifa (ISO 15189:2012) katika kutoa huduma za vipimo vya magonjwa ya moyo pamoja na magonjwa mengine.Kulia ni Mkuu wa Kitengo cha Uhusiano na Mawasiliano wa JKCI Anna Nkinda. Kaimu Mkuu wa Maabara ya Taasisi ya Moyo Jakaya Kikwete (JKCI) Emmanuel Mgao akizungumza na waandishi wa habari leo jijini Dar es Salaam kuhusu maabara hiyo kukidhi vigezo vilivyowekwa kimataifa katika kutoa huduma na kupata  ithibati yenye namba ISO 15189:2012 . Wafanyakazi wa Maabara ya Taasisi ya Moyo Jakaya Kikwete (JKCI) wakimsikiliza Mkurugenzi Mtendaji wa Taasisi hiyo Dkt. Peter Kisenge  wakati akizunguma na waandishi wa habari leo jijini Dar es Salaam kuhusu maabara hiyo kupata  ithibati ya viwango vya ubora wa kimataifa (ISO 15189:2012) katika kutoa hudu...
Read more