Wachezaji nchini kupimwa moyo




Mkurugenzi Mtendaji wa Taasisi ya Moyo Jakaya (JKCI) Dkt. Peter Kisenge na Rais wa Shirikisho la Mpira wa Miguu Tanzania (TFF) Wallace Karia wakiwa katika picha ya pamoja na wachezaji wa timu ya taifa ya mpira wa miguu ya wanawake (Twiga Stars) mara baada ya kusaini hati ya makubaliano ya programu ya upimaji wa magonjwa ya moyo kwa wanamichezo nchini jana jijini Dar es Salaam.

Mkurugenzi Mtendaji wa Taasisi ya Moyo Jakaya (JKCI) Dkt. Peter Kisenge na Rais wa Shirikisho la Mpira wa Miguu Tanzania (TFF) Wallace Karia wakibadilishana hati ya makubaliano ya programu ya upimaji wa magonjwa ya moyo kwa wanamichezo nchini  wakati wa hafla ya kusaini hati hiyo iliyofanyika jana jijini Dar es Salaam.

Mkurugenzi Mtendaji wa Taasisi ya Moyo Jakaya (JKCI) Dkt. Peter Kisenge na Rais wa Shirikisho la Mpira wa Miguu Tanzania (TFF) Wallace Karia wakisaini hati ya makubaliano ya programu ya upimaji wa magonjwa ya moyo kwa wanamichezo nchini  wakati wa hafla ya kusaini hati hiyo iliyofanyika jana jijini Dar es Salaam.

Wachezaji wa timu ya taifa ya mpira wa miguu ya wanawake (Twiga Stars) wakisikiliza wakati wa hafla fupi ya kusaini hati ya makubaliano ya program ya upimaji wa magonjwa ya moyo kwa wanamichezo nchini iliyofanyika jana katika Taasisi ya Moyo Jakaya Kikwete (JKCI) iliyopo jijini Dar es Salaam.

Na: JKCI

**********************************************************************************************

Taasisi ya Moyo Jakaya Kikwete (JKCI) yazindua programu ya upimaji wa magonjwa ya moyo kwa wanamichezo nchini.

Programu hiyo imezinduliwa jana katika Taasisi ya Moyo Jakaya Kikwete (JKCI) kwa ushirikiano na Shirikisho la Mpira wa Miguu Tanzania (TFF) na kuanza kutoa huduma za upimaji wa magonjwa ya moyo kwa wachezaji wa timu ya taifa ya mpira wa miguu wanawake (Twiga Stars).

Akizungumza wakati wa uzinduzi huo Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge alisema programu hiyo ijulikanayo kwa jina la Kadiolojia ya michezo imelenga kulinda afya za mioyo ya wanamichezo nchini.

“Programu hii ni ya kipekee na ya kwanza hapa nchini, itatoa huduma kwa wanamichezo wa ngazi ya kitaifa na ngazi zingine za michezo, wanajeshi wanaofanya mazoezi kila siku pamoja na watoto wa shule wanaoanza safari yao ya michezo”, alisema Dkt. Kisenge 

Dkt. Kisenge alisema uanzishwaji wa progamu hiyo ni sehemu ya kumuunga mkono Rais wa Jamhuri ya Muungano wa Tanzania Mhe. Dkt. Samia Suluhu Hassan kwa kuhamasisha michezo na kuunganisha taifa na mataifa mengine kupitia michezo.

“Rais wetu Mhe. Dkt. Samia Suluhu Hassan amekuwa mstari wa mbele kuhakikisha michezo inafanyika kwa hamasa katika ngazi za kitaifa na kimataifa hata kuanzisha kampeni ya goli la mama, sisi hatuna budi kumuunga mkono kwa kuhakikisha wanamichezo wetu wana afya bora ya mioyo yao na kuzuia vifo vya ghafla vinavyoweza kusababishwa na mshtuko wa moyo wa ghafla wawapo uwanjani”,

“Takwimu zinaonyesha kuwa takribani mchezaji mmoja kati ya 50,000 hupoteza maisha kila mwaka kutokana na tatizo hilo, wengine hushindwa hata kufika hospitalini na mara nyingi vifo hivi hutokea mbele ya mashabiki kwenye viwanja vya michezo na huacha jamii ikiwa katika huzuni na mshangao”, alisema Dkt. Kisenge

Kwa upande wake Rais wa Shirikisho la Mpiara wa Miguu Tanzania (TFF) Wallace Karia alisema kwa muda mrefu kumekuwa na changamoto kubwa ya vijana hasa mashuleni na katika timu za mitaani kupoteza maisha ghafla uwanjani kutokana na matatizo ya moyo ambayo hayajawahi kugunduliwa mapema.

Kwa kutambua hilo TFF pamoja na Chama cha Makadtari wa Michezo Tanzania wameungana rasmi na JKCI katika kuanzisha na kusimamia kwa pamoja Programu ya upimaji wa magonjwa ya moyo kwa wanamichezo wakiwemo wa ligi kuu na ligi daraja la kwanza.

Wallace alisema Progarmu hiyo itahusisha mafunzo maalum kwa madaktari wa timu na wataalamu wa afya kuhusu magonjwa ya moyo yanayohusiana na michezo na kutimiza ndogo ambayo imekuwa ikisubiriwa kwa kipindi kirefu katika historia ya michezo nchini.

“Tanzania tunajiandaa kwa mashindano makubwa – CHAN 2025 na AFCON 2027, ambayo ni nafasi ya kipekee kwa taifa letu kuonesha uwezo wake katika kandanda na pia kuwekeza katika afya ya wachezaji wetu. TFF inatambua kuwa mafanikio katika michezo hayawezi kupatikana bila kuwa na wachezaji wenye afya bora hasa afya ya moyo”, alisema Wallace

Wallace alisema Shirikisho la Mpira wa Miguu Barani Afrika (CAF) na Shirikisho la Soka Duniani (FIFA) wamekuwa wakisisitiza juu ya umuhimu wa uchunguzi wa moyo kabla ya wachezaji kushiriki mashindano yoyote, hii ikiwa ni sehemu ya sera za kimataifa za ulinzi wa maisha ya wachezaji.

“Sisi kama TFF, hatuwezi kubaki nyuma, tunajiunga na vyama vyote vya mpira duniani katika utekelezaji wa sera hii na kuanzisha sera mpya kua kila mwanamichezo kabla ya kujiunga na michezo lazima achunguzwe afya ya moyo nakuendelea kuchunguzwa kwa vipindi tofauti na hii ifanyike kwa ngazi zote hadi mashuleni”, alisema Wallace


Comments

Post a Comment

Popular posts from this blog

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w...
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na wate...
Read more

Wafanyakazi waliohama JKCI waagwa

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuaga aliyekuwa Mhasibu wa Taasisi hiyo Mohamed Songoro wakati wa hafla fupi ya kuwaaga wafanyakazi wa JKCI waliopata uhamisho kwenda katika taasisi mbalimbali za umma leo jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuaga aliyekuwa Katibu Muhtasi wa Taasisi hiyo Faith Temba wakati wa hafla fupi ya kuwaaga wafanyakazi wa JKCI waliopata uhamisho kwenda katika taasisi mbalimbali za umma leo jijini Dar es Salaam. Aliyekuwa Mfamasia wa Taasisi ya Moyo Jakaya Kikwete (JKCI) Nelson Faustine akitoa neno la shukrani mara baada ya kuhamishiwa katika Hospitali ya Taifa Muhimbili (MNH) wakati wa hafla fupi ya kuwaaga wafanyakazi wa JKCI waliopata uhamisho kwenda katika taasisi mbalimbali za umma leo jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akizungumza na wafanyakazi wa taasisi hiyo waliopata uham...
Read more