JKCI kuanza mchakato wa upandikizaji wa moyo

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi mfano wa moyo Mwenyekiti wa kamati ya upandikizaji wa moyo Dkt. Everist Nyawawa wakati wa uzinduzi wa kamati hiyo leo katika ukumbi wa JKCI uliopo jijini Dar es Salaam

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akiwajulia hali wanachama wa chama cha wagonjwa wa moyo nchini wakati wa uzinduzi wa kamati ya upandikizaji wa moyo uliofanyika leo katika ukumbi wa JKCI uliopo jijini Dar es Salaam

Baadhi ya wanachama wa chama cha wagonjwa wa moyo nchini wakisikiliza wakati wa uzinduzi wa kamati ya upandikizaji wa moyo uliofanyika leo katika ukumbi wa Taasisi ya Moyo Jakaya Kikwete (JKCI) uliopo jijini Dar es Salaam.


Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akiwa katika picha ya pamoja na wahariri wa vyombo vya habari mara baada kumalizika kwa uzinduzi wa kamati ya upandikizaji wa moyo leo katika ukumbi wa Taasisi hiyo uliopo jijini Dar es Salaam.

Picha na: JKCI

*************************************************************************************************

Taasisi ya Moyo Jakaya Kikwete (JKCI) imeanza mchakato wa kuanzisha huduma ya upandikizaji wa moyo inayotarajiwa kukamilika baada ya miaka mitano na kuanza kutoa huduma hiyo.

Kukamilika kwa mchakato huo kunatarajiwa kuendelea kuiweka Tanzania kwenye ramani ya nchi inayotoa huduma za juu za matibabu ya moyo katika ukanda wa Afrika Mashariki na Kati.

Akizungumza na waandishi wa habari leo jijini Dar es Salaam Mkurugenzi Mtendaji wa JKCI Dkt. Peter Kisenge alisema mchakato huo ni wakihistoria na utafungua ukurasa mpya katika utoaji wa huduma za matibabu ya moyo nchini.

Dkt. Kisenge alisema katika kuelekea maadhimisho ya Miaka 10 ya JKCI taasisi hiyo imeona ianze kuweka mikakati ya kutoa huduma ya kupandikiza moyo kwani ni huduma ambayo imekuwa ikitafutwa na wagonjwa wengi wa moyo katika bara la Afrika.

"Tayari tumezindua Kamati maalum ya upandikizaji wa moyo itakayosimamia maandalizi yote ya kitaalamu, kisheria na kiutendaji ndani ya kipindi cha miaka mitano. Hii ni hatua kubwa kwa nchi yetu na pia kwa nchi jirani ambazo hazina huduma hii," alisema Dkt. Kisenge.

Dkt. Kisenge alisema huduma hiyo ya upandikizaji wa moyo ina mchakato wa muda mrefu na maandalizi yakutosha katika maeneo mbalimbali ikiwemo uwekezaji wa vifaa tiba vya kisasa, mafunzo ya wataalamu, pamoja na utaratibu wa kisheria na kimaadili.

Kwa upande wake, Mwenyekiti wa Kamati ya Upandikizaji wa Moyo Taasisi ya Moyo Jakaya Kikwete (JKCI) Dkt. Evarist Nyawawa alisema utekelezaji wa mpango huo utafuata mifumo bora ya utoaji wa huduma hiyo kukidhi viwango vya kimataifa.

Dkt. Nyawawa ambaye pia ni bingwa wa upasuaji wa moyo katika Taasisi hiyo alisema takwimu zinaonesha watu zaidi ya 50,000 duniani wameshafanyiwa upandikizaji wa moyo na umekuwa wa mafanikio hivyo hata JKCI itaweza kutoa huduma hiyo.

Mpango huo ni sehemu ya jitihada za JKCI katika kuimarisha huduma za kitaifa na kimataifa za moyo kupunguza rufaa za nje ya nchi na kuifanya taasisi hiyo kuwa kitovu cha huduma za moyo ukanda ya Afrika Mashariki na kati.

Comments

Post a Comment

Popular posts from this blog

Wateja wa CRDB kutibiwa JKCI kwa punguzo la asilimia 50%

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakisaini mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.    Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakibadilishana mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.   Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakimjulia hali mtoto aliyelazwa katika wodi ya watoto wenye magonjwa ya moyo kabla ya hafla fupi ya kusaini mkataba wa makubaliano ya ushirikiano bain...
Read more

Wanawake wa JKCI SACCOS wanaongoza kwa kumiliki hisa

Image
Mwenyekiti wa Chama cha kuweka akiba na mikopo (SACCOS) cha Taasisi ya Moyo Jakaya Kikwete (JKCI) Dkt. Tulizo Shem akizungumza na wanachama wa SACCOS hiyo wakati wa mkutano mkuu wa mwaka uliofanyika leo katika ukumbi wa Taasisi hiyo iliyopo Jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) na mgeni rasmi katika mkutano mkuu wa mwaka wa wanachama wa Chama cha kuweka akiba na mikopo (SACCOS) cha JKCI akiwapongeza wanachama hao kwa kuweka jitihada za kuboresha mfuko wa SACCOS leo wakati wa mkutano huo uliofanyika katika ukumbi wa JKCI iliyopo jijini Dar es Salaam Afisa Ushirika Halmashauri ya Jiji la Dar es Salaam Mihayo Malunde akielezea namna fedha zinazokusanywa na Chama cha kuweka akiba na mikopo (SACCOS) cha JKCI zinaweza kuongeza uchumi wa wanachama wakati wa mkutano mkuu wa mwaka wa wanachama wa SACCOS ya Taasisi ya Moyo Jakaya Kikwete (JKCI) uliofanyika leo katika ukumbi wa JKCI iliyopo jijini Dar es Salaam Mjumbe wa Chama cha kuweka akiba na mikop...
Read more

JKCI, MOI NA MNH waitwa Comoro kutoa huduma za matibabu ya kibingwa

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuonyesha Waziri wa Ulinzi wa Comoro Mhe. Yousoufa Mohamed Ali    sehemu ya kusubiria wagonjwa wa kliniki maalumu ya VIP alipotembelea taasisi hiyo leo kwaajili ya kuona huduma mbalimbali za matibabu ya moyo zinazotolewa. Waziri wa Ulinzi wa Comoro Mhe. Yousoufa Mohamed Ali akizungumza na viongozi wa wizara ya Afya, Taasisi ya Moyo Jakaya Kikwete (JKCI), Taasisi ya Tiba ya Mifupa na Ubongo Muhimbili (MOI) na  Hospitali ya Taifa Muhimbili (MNH)  alipozitembelea hospitali hizo leo kwaajili ya kuona namna ambavyo zitawatuma wataalamu wake   kwenda kutoa huduma za matibabu ya kibingwa kwa wananchi wa Comoro.   Waziri wa Ulinzi wa Comoro Mhe. Yousoufa Mohamed Ali akiagana na Naibu Katibu Mkuu wa Wizara ya Afya Mhandisi Ismail Rumatila mara baada ya kukutana na viongozi wa wizara hiyo, Taasisi ya Moyo Jakaya Kikwete (JKCI), Taasisi ya Tiba ya Mifupa na Ubongo Muhimbili (MOI) na...
Read more