Watu 537 wapimwa moyo Arusha kambi ya madaktari bingwa wabobezi

 

Daktari bingwa wa watoto wa Taasisi ya Moyo Jakaya Kikwete (JKCI) Rose Chengo akimpima mapigo ya moyo mtoto aliyeletwa na mzazi wake kupata huduma ya uchunguzi na matibabu ya moyo wakati wa kambi maalum ya madaktari bingwa na wabobezi wa magonjwa mbalimbali iliyomalizika hivi karibuni katika uwanja wa Sheikh Amri Abeid jijini Arusha.

Afisa Muuguzi  wa Taasisi ya Moyo Jakaya Kikwete (JKCI) Amad Mlilapi akimpima shinikizo la damu mkazi wa Arusha wakati wa kambi maalum ya madaktari bingwa na wabobezi wa magonjwa mbalimbali iliyomalizika hivi karibuni  katika uwanja wa Sheikh Amri Abeid.

Daktari wa Taasisi ya Moyo Jakaya Kikwete (JKCI) Bertha Massawe akimsomea majibu ya mfumo wa umeme wa moyo mwananchi aliyefika kupata huduma ya uchunguzi na matibabu ya moyo katika kambi maalum ya madaktari bingwa na wabobezi wa magonjwa mbalimbali iliyomalizika hivi karibuni katika uwanja wa Sheikh Amri Abeid jijini Arusha.

********************************************************************************************************************************************************************************************

Watu 537 wamepata huduma ya uchunguzi na matibabu ya moyo bila malipo katika kambi maalum ya madaktari bingwa na wabobezi wa magonjwa mbalimbali iliyofanyika katika uwanja wa Sheikh Amri Abeid jijini Arusha.

Hayo yamesemwa hivi karibuni na daktari bingwa wa magonjwa ya moyo wa Taasisi ya Moyo Jakaya Kikwete (JKCI) Mohamed Aloyce wakati wa kuhitimisha huduma ya upimaji na matibabu ya moyo katika kambi hiyo.

Dkt. Aloyce alisema kati ya watu waliopimwa 503 walikuwa ni watu wazima na watoto 34 ambapo wanawake walikuwa 366 na wanaume 171.

“Kati ya watu wote tuliowapima watu 376 ambao ni sawa na asilimia 70 walikutwa wakiwa na afya nzuri ya moyo huku 161 sawa na asilimia 30 walibainika kuwa na matatizo mbalimbali ya moyo ikiwemo mfumo wa umeme wa moyo, valvu, mishipa ya damu ya moyo na moyo kutanuka”.

“Takwimu hizi zinaonesha umuhimu wa kuendelea kutoa huduma  za uchunguzi na matibabu ya moyo mara kwa mara kwa wananchi ambao walikuwa hawafikiwi na huduma hii ya kibingwa”.

“Katika kambi hiyo wagonjwa 24 walikutwa na matatizo yaliyohitaji uchunguzi zaidi pamoja na kupata matibabu ya kibingwa katika Taasisi ya Moyo Jakaya Kikwete (JKCI) iliyopo Upanga jijini Dar es Salaam wagonjwa hawa watu wazima 15 na watoto 9 tumewapa rufaa”, alisema Dkt. Aloyce.

Kwa upande wake daktari bingwa wa watoto kutoka Taasisi ya Moyo Jakaya Kikwete (JKCI) Rose Chengo alisema baadhi ya watoto waliopimwa walikuwa wakikabiliwa na dalili kama kuchelewa kukuwa, kupungua uzito au kushindwa kushiriki shughuli za kawaida kulingana na umri wao.

 “Kwa baadhi ya watoto tuliowabaini matatizo ya moyo wazazi wao walieleza kuwa walikuwa hawajui kabisa sababu za watoto wao kudhoofika kiafya lakini kupitia vipimo tulibaini kuwa wana matatizo ya moyo ambayo yamekuwa yakichangia hali hiyo”, alisema Dkt. Chengo.

Comments

Post a Comment

Popular posts from this blog

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w...
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na wate...
Read more

Wafanyakazi waliohama JKCI waagwa

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuaga aliyekuwa Mhasibu wa Taasisi hiyo Mohamed Songoro wakati wa hafla fupi ya kuwaaga wafanyakazi wa JKCI waliopata uhamisho kwenda katika taasisi mbalimbali za umma leo jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuaga aliyekuwa Katibu Muhtasi wa Taasisi hiyo Faith Temba wakati wa hafla fupi ya kuwaaga wafanyakazi wa JKCI waliopata uhamisho kwenda katika taasisi mbalimbali za umma leo jijini Dar es Salaam. Aliyekuwa Mfamasia wa Taasisi ya Moyo Jakaya Kikwete (JKCI) Nelson Faustine akitoa neno la shukrani mara baada ya kuhamishiwa katika Hospitali ya Taifa Muhimbili (MNH) wakati wa hafla fupi ya kuwaaga wafanyakazi wa JKCI waliopata uhamisho kwenda katika taasisi mbalimbali za umma leo jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akizungumza na wafanyakazi wa taasisi hiyo waliopata uham...
Read more