JKCI yatoa elimu ya lishe kwa kutumia pyramid ya vyakula halisi

Afisa Lishe wa Taasisi ya Moyo Jakaya Kikwete (JKCI) Husna Faraji akiwafundisha watoto waliotembelea banda la Taasisi hiyo makundi ya vyakula na aina ya vyakula hivyo wakati wa maonesho ya 49 ya Biashara ya Kimataifa ya Dar es Salaam (Sabasaba) yanayoendelea katika viwanja vya Mwalimu Nyerere vilivyopo barabara ya Kilwa jijini Dar es Salaam.


 Afisa Utafiti wa Taasisi ya Moyo Jakaya Kikwete (JKCI) Makrina Komba akimpima mzunguko wa tumbo mwananchi alifika katika banda la Taasisi hiyo kwaajili ya kufanya uchunguzi wa magonjwa ya moyo wakati wa maonesho ya 49 ya Biashara ya Kimataifa ya Dar es Salaam (Sabasaba) yanayoendelea katika viwanja vya Mwalimu Nyerere barabara ya Kilwa jijini Dar es Salaam.

 Afisa Uuguzi kutoka Taasisi ya Moyo Jakaya Kikwete (JKCI) Hospitali ya Dar Group France Kapele akiwafundisha wanafunzi kutoka shule ya Maximilian namna ya kutoa huduma ya kwanza kwa mgonjwa wa dharura walipotembelea banda la Taasisi hiyo wakati wa maonesho ya 49 ya Biashara ya Kimataifa ya Dar es Salaam (Sabasaba) yanayoendelea katika viwanja vya Mwalimu Nyerete barabara ya Kilwa jijini Dar es Salaam.

********************************************************************************************************************************************************************************************************************************

Wananchi wanaotembelea banda la Taasisi ya Moyo Jakaya Kikwete (JKCI) lililopo katika Maonesho ya 49 ya Biashara ya Kimataifa ya Dar es Salaam wanapata elimu ya lishe bora inayotolewa kwa vitendo kwa kutumia shelfu “pyramid” yenye vyakula halisi kuelezea makundi ya vyakula, umuhimu wake na namna ya kuvitumia.

Akizungumza na waandishi wa habari leo jijini Dar es Salaam Mtaalamu wa Lishe wa taasisi hiyo Husna Faraji alisema elimu ya lishe ni muhimu kwani inatoa matibabu kwa watu mwenye changamoto za magonjwa ya moyo ambao mara nyingi wanapaswa kufuata ushauri wa mtaalamu wa lishe katika kuandaa vyakula wanavyotumia.

Husna alisena wapo  kwenye maonesho ya Sabasaba wanatoa ushauri wa lishe bora, kwani matumizi ya chakula yanapaswa kuendana na hali ya kiafya ya mtu, jukumu lao ni kuhakikisha wananchi wanakuwa na afya bora ndio maana wamewaletea shelfu hilo lenye vyakula halisi ili waweze kujifunza.

Wakizungumza kwa nyakati tofauti wananchi waliopata huduma hiyo walisema watanzania wengi wamekuwa wakitumia vyakula bila kuchanganya makundi yote ya vyakula kwani wengi wamekuwa wakila chakula ili washibe.

Eustack Moshi mkazi wa Dar es Salaam alisema kutokana na elimu ya lishe waliyoipata amegundua kuwa baadhi ya vyakula anavyotumia kwa wingi havina umuhimu katika mwili wake bali vinaweza kumsababishia kupata magonjwa yasiyoambukiza.

“Nimekuwa nikila vyakula vyenye mafuta mengi bila kujua madhara yake kwani Afisa lishe kanifundisha kuwa mafuta mengi yanaweza kusababisha kuziba kwa mishipa yangu ya damu na kuniletea shida za moyo,  Sasa nimeelimika na nitaanza kubadilisha mfumo wangu wa maisha katika masuala ya lishe,” alisema Eustack.

Naye Zainabu Hassani alisema amepata ushauri wa lishe bora katika Taasisi hiyo utakayomsaidia kupunguza uzito wake ili urefu wake uweze kuendana na uzito wake kwa kuzingatia lishe bora.

“Mtaalamu wa lishe amenishauri nile zaidi matunda na mboga za majani huku nikipunguza wanga na mafuta mengi kuweka sawa uzito wangu,” alisema Zainabu.

Taasisi ya Moyo Jakaya Kikwete (JKCI) inaendelea kutoa huduma mbalimbali za uchunguzi na matibabu ya moyo katika maonesho ya 49 ya Biashara ya Kimataifa ya Dar es Salaam (Sabasaba) wakiwa na kauli mbiu ya Afya ya Moyo Wako ni Jukumu Lao.


Comments

Post a Comment

Popular posts from this blog

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w...
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na wate...
Read more

Wafanyakazi waliohama JKCI waagwa

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuaga aliyekuwa Mhasibu wa Taasisi hiyo Mohamed Songoro wakati wa hafla fupi ya kuwaaga wafanyakazi wa JKCI waliopata uhamisho kwenda katika taasisi mbalimbali za umma leo jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuaga aliyekuwa Katibu Muhtasi wa Taasisi hiyo Faith Temba wakati wa hafla fupi ya kuwaaga wafanyakazi wa JKCI waliopata uhamisho kwenda katika taasisi mbalimbali za umma leo jijini Dar es Salaam. Aliyekuwa Mfamasia wa Taasisi ya Moyo Jakaya Kikwete (JKCI) Nelson Faustine akitoa neno la shukrani mara baada ya kuhamishiwa katika Hospitali ya Taifa Muhimbili (MNH) wakati wa hafla fupi ya kuwaaga wafanyakazi wa JKCI waliopata uhamisho kwenda katika taasisi mbalimbali za umma leo jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akizungumza na wafanyakazi wa taasisi hiyo waliopata uham...
Read more