Heart Team Africa Foundation Yalenga Kuokoa Maisha ya Watoto Wenye Magonjwa ya Moyo

Mwenyekiti wa Bodi ya Heart Team Africa Foundation (HTAF) Mhe. Mussa Zungu akizungumza  wakati wa kikao cha kwanza cha bodi ya wakurugenzi wa Heart team Africa Foundation (HTAF) kilichofanyika Protea Hotel iliyopo Jijini Dar es Salaam.

Mwenyekiti wa Bodi ya Heart Team Africa Foundation (HTAF) Mhe. Mussa Zungu akiwa kwenye picha ya Pamoja na wajumbe wa bodi ya wakurugenzi wa shirika lisilo la kiserikali la Heart Team Africa Foundation (HTAF) baada ya kikao cha kwanza cha bodi ya wakurugenzi katika Hoteli ya Protea iliyopo jijini Dar es Salaam.

Wajumbe wa bodi ya wakurugenzi wa shirika lisilo la kiserikali Heart Team Africa Foundation (HTAF) wakimsikiliza Mtendaji Mkuu wa Heart Team Africa Foundation (HTAF) Dkt. Naizihijwa Majani wakati akitoa ripoti kuhusu taasisi hiyo katita hoteli ya Protea iliyopo jijini Dar es Salaam.


Mwenyekiti wa Bodi ya Heart Team Africa Foundation (HTAF) Mhe. Mussa Zungu na moja ya muasisi wa Heart Team Africa Foundation (HTAF) Dkt. Peter Kisenge wakisikiliza maoni ya wajumbe wa bodi ya wakurugenzi katika kikao cha kwanza cha Heart team Africa Foundation (HTAF) kilichofanyika Protea Hotel iliyopo Jijini Dar es Salaam.
 
*************************************************************************************************************************************************************************************************************************
Taasisi isiyo ya Kiserikali ya Heart Team Africa Foundation (HTAF) imetoa wito kwa wananchi kuunga mkono taasisi hiyo kwakuchangia matibabu ya magonjwa ya moyo kwa watoto na kuokoa maisha yao kwa wale wasioweza kumudu gharama za matibabu.

Hayo yamesemwa na Mwenyekiti wa Bodi ya Heart Team Africa Foundation (HTAF) Mhe. Mussa Zungu huku wakiwa na jukumu la kusimamia na kuratibu mikatati ya kuwasaidia wanachi wenye matatizo ya moyo hususani watoto.

 Akizungumza wakati wa mkutano wa taasisi hiyo hii leo Mwenyekiti wa Bodi ya Heart Team Africa Foundation (HTAF) Mhe. Mussa Zungu alisema kuwa zaidi ya watoto 13,800 huzaliwa kila mwaka wakiwa na matatizo ya moyo na wengi wao hawana uwezo wa kugharamia matibabu hayo.

 “Tunatakribani watoto elfu 13,800 kwa mwaka wanaozaliwa na shida ya moyo Mheshimiwa Rais Dkt. Samia anachangia asilimia 70 ya gharama za matibabu, gharama za kumtibu mtoto mmoja ni kati ya Shilingi milioni nane hadi tisa.” Alisema Mhe. Zungu.

 Aidha, alieleza kuwa taasisi hiyo inawasaidia watoto wenye magonjwa ya moyo kutokana na misaada ya wafadhili waliochangia zaidi ya Shilingi bilioni 3 na milioni 200 ili kusaidia matibabu ya watoto wenye matatizo ya moyo.

 “Bodi hii inaishi kutokana na michango ya wafadhili wa ndani na nje, tunawashukuru waliotuchangia bilioni 3 na milioni 200 kupitia harambee maalum ya kuchangia watoto wenye matatizo ya moyo,” aliongeza Zungu.

 Mhe. Zungu alitoa wito kwa Watanzania kuungana na Serikali katika kusaidia juhudi za kuokoa maisha ya watoto kupitia mchango wao wa hiari.

 “Hakuna sababu ya mtoto wa Kitanzania kufa kwa sababu ya ugonjwa wa moyo watanzania kushirikiana na Dkt. Samia na serikali yake tuunge mkono taasisi hii ili kuokoa maisha ya watoto wetu,” alisisitiza Mhe. Zungu.

 Nae Mtendaji Mkuu wa Heart Team Africa Foundation Dkt. Naizihijwa Majani alieleza kuwa katika mkutano huo wamejadili mkakati wa miaka minne wenye lengo la kusaidia wagonjwa wa moyo na kuisaidia Taasisi ya Moyo Jakaya Kikwete (JKCI) pamoja na taasisi nyingine katika tafiti kuhusu magonjwa ya moyo.

 “Leo tumepitia mpango mkakati wa miaka minne na wa mwaka mmoja jukumu letu kubwa ni kukusanya fedha kusaidia wasiokuwa na uwezo kwenye matibabu ya moyo na kufanya tafiti ili kusaidia Taasisi ya Moyo Jakaya Kikwete (JKCI) na taasisi nyingine,” alisema Dkt.Naiz.

 “Tutaendelea kutoa elimu ya magonjwa ya moyo kwa jamii na pia kuwajengea uwezo watumishi wa afya kutoka hospitali ya JKCI ili kuwasaidia watoto na watu wazima wanaopata matibabu ya moyo,” aliongeza Dkt.Naiz.

 Kwa upande wake Mkurugenzi Mtendaji wa Taasisi ya Moyo ya Jakaya Kikwete (JKCI), Dkt. Peter Kisenge alieleza kuwa uanzishwaji wa HTAF ni sehemu ya mkakati wa kusaidia watoto wasiokuwa na uwezo wa kulipia gharama za matibabu ya moyo.

 “Katika watoto 100 wanaozaliwa nchini kati ya mmoja au wawili huwa na magonjwa ya moyo na wengi hawana uwezo wa kulipia gharama za matibabu ndiyo maana bodi ya Taasisi ya Moyo Jakaya Kikwete iliridhia kuanzishwa kwa Taasisi isiyo ya kiserikali ya Heart Team Africa Foundation (HTAF) ili kusaidia watoto hao,” alisema Dkt. Kisenge.

 “Moja ya malengo yetu makubwa ni kutoa elimu kwa wananchi kuhusu afya ya moyo, kuhamasisha watu kuchangia ili kusaidia wasiokuwa na uwezo wa kulipia gharama za matibabu ya moyo,” aliongeza Dkt.Kisenge.

HTAF imeahidi kuendelea kushirikiana na wananchi pamoja na wadau wote wa afya ili kuhakikisha watoto wote wenye matatizo ya moyo wanapata matibabu, bila kujali uwezo wao wa kifedha.


Comments

Post a Comment

Popular posts from this blog

Wateja wa CRDB kutibiwa JKCI kwa punguzo la asilimia 50%

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakisaini mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.    Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakibadilishana mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.   Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakimjulia hali mtoto aliyelazwa katika wodi ya watoto wenye magonjwa ya moyo kabla ya hafla fupi ya kusaini mkataba wa makubaliano ya ushirikiano bain...
Read more

Wanawake wa JKCI SACCOS wanaongoza kwa kumiliki hisa

Image
Mwenyekiti wa Chama cha kuweka akiba na mikopo (SACCOS) cha Taasisi ya Moyo Jakaya Kikwete (JKCI) Dkt. Tulizo Shem akizungumza na wanachama wa SACCOS hiyo wakati wa mkutano mkuu wa mwaka uliofanyika leo katika ukumbi wa Taasisi hiyo iliyopo Jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) na mgeni rasmi katika mkutano mkuu wa mwaka wa wanachama wa Chama cha kuweka akiba na mikopo (SACCOS) cha JKCI akiwapongeza wanachama hao kwa kuweka jitihada za kuboresha mfuko wa SACCOS leo wakati wa mkutano huo uliofanyika katika ukumbi wa JKCI iliyopo jijini Dar es Salaam Afisa Ushirika Halmashauri ya Jiji la Dar es Salaam Mihayo Malunde akielezea namna fedha zinazokusanywa na Chama cha kuweka akiba na mikopo (SACCOS) cha JKCI zinaweza kuongeza uchumi wa wanachama wakati wa mkutano mkuu wa mwaka wa wanachama wa SACCOS ya Taasisi ya Moyo Jakaya Kikwete (JKCI) uliofanyika leo katika ukumbi wa JKCI iliyopo jijini Dar es Salaam Mjumbe wa Chama cha kuweka akiba na mikop...
Read more

JKCI, MOI NA MNH waitwa Comoro kutoa huduma za matibabu ya kibingwa

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuonyesha Waziri wa Ulinzi wa Comoro Mhe. Yousoufa Mohamed Ali    sehemu ya kusubiria wagonjwa wa kliniki maalumu ya VIP alipotembelea taasisi hiyo leo kwaajili ya kuona huduma mbalimbali za matibabu ya moyo zinazotolewa. Waziri wa Ulinzi wa Comoro Mhe. Yousoufa Mohamed Ali akizungumza na viongozi wa wizara ya Afya, Taasisi ya Moyo Jakaya Kikwete (JKCI), Taasisi ya Tiba ya Mifupa na Ubongo Muhimbili (MOI) na  Hospitali ya Taifa Muhimbili (MNH)  alipozitembelea hospitali hizo leo kwaajili ya kuona namna ambavyo zitawatuma wataalamu wake   kwenda kutoa huduma za matibabu ya kibingwa kwa wananchi wa Comoro.   Waziri wa Ulinzi wa Comoro Mhe. Yousoufa Mohamed Ali akiagana na Naibu Katibu Mkuu wa Wizara ya Afya Mhandisi Ismail Rumatila mara baada ya kukutana na viongozi wa wizara hiyo, Taasisi ya Moyo Jakaya Kikwete (JKCI), Taasisi ya Tiba ya Mifupa na Ubongo Muhimbili (MOI) na...
Read more