JKCI, HTAF na GGML waokoa maisha ya watoto 14 kupitia upasuaji wa moyo

Mkurugenzi wa Taasisi ya Moyo Jakaya Kikwete (JKCI) Hospitali ya Dar Group Dkt. Tulizo Shemu akimueleza Makamu wa Rais wa Geita Gold Mine Tanzania (GGML) Simon Shayo huduma za VIP zinazotolewa na taasisi hiyo wakati alipotembelea JKCI leo kwaajili ya kuona huduma za matibabu ya moyo zinazotolewa. GGML imetoa msaada wa shilingi milioni 56 kwa ajili ya upasuaji wa moyo kwa watoto 14 wanaotibiwa katika taasisi hiyo.

Mtendaji Mkuu wa Taasisi isiyo ya kiserikali ya Heart Team Africa Foundation (HTAF) Dkt. Naizihijwa Majani akitoa neno la shukrani kwa wafanyakazi wa Geita Gold Mine Tanzania (GGML) kwa kutoa msaada wa shilingi milioni 56 kwa ajili ya upasuaji wa moyo kwa watoto 14 wanaotibiwa katika Taasisi ya Moyo Jakaya Kikwete (JKCI).

 Wafanyakazi wa Taasisi ya Moyo Jakya Kikwete (JKCI) na Geita Gold Mine Tanzania (GGML) wakimsikiliza Makamu wa Rais wa GGML Simon Shayo wakati akiongea kuhusu ushirikiano uliopo baina ya JKCI na GGML.

Makamu wa Rais wa Geita Gold Mine Tanzania (GGML) Simon Shayo akimsikiliza Mtendaji Mkuu wa Taasisi isiyo ya kiserikali ya Heart Team Africa Foundation (HTAF) Dkt. Naizihijwa Majani akimueleza kuhusu hali ya mtoto aliyefanyiwa matibabu ya moyo katika Taasisi ya Moyo Jakaya Kikwete (JKCI) alipotembelea JKCI leo kwaajili ya kuona huduma za matibabu ya moyo zinazotolewa. GGML imetoa msaada wa shilingi milioni 56 kwa ajili ya upasuaji wa moyo kwa watoto 14 wanaotibiwa JKCI.

Wafanyakazi wa Taasisi ya Moyo Jakya Kikwete (JKCI) na Geita Gold Mine Tanzania (GGML) wakimsikiliza Makamu wa Rais wa GGML Simon Shayo wakati akiongea kuhusu ushirikiano uliopo baina ya JKCI na GGML.

Mkurugenzi wa Upasuaji wa Moyo wa Taasisi ya Moyo Jakaya Kikwete (JKCI) Dkt. Angela Muhozya  akitoa akitoa neno la shukrani kwa niaba ya Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge, kwa wafanyakazi wa Geita Gold Mine Tanzania (GGML) kwa kutoa msaada wa shilingi milioni 56 kwa ajili ya upasuaji wa moyo kwa watoto 14 wanaotibiwa katika Taasisi ya Moyo Jakaya Kikwete (JKCI).

Mkurugenzi wa Upasuaji wa Moyo wa Taasisi ya Moyo Jakaya Kikwete (JKCI) Dkt. Angela Muhozya na Mkurugenzi wa Taasisi ya Moyo Jakaya Kikwete (JKCI) Hospitali ya Dar Group Dkt. Tulizo Shemu wakimkabidhi zawadi ya Makamu wa Rais wa Geita Gold Mine Tanzania (GGML) Simon Shayo alipotembelea taasisi hiyo leo kwaajili ya kuona huduma za matibabu ya moyo zinazotolewa.

Mtendaji Mkuu Taasisi isiyo ya Kiserikali ya Heart Team Africa Foundation (HTAF) Dkt. Naizihijwa Majani akimkabidhi zawadi Makamu wa Rais wa Geita Gold Mine Tanzania (GGML) Simon Shayo alipotembelea Taasisi ya Moyo Jakaya Kikwete (JKCI) leo kwa ajili ya kuona huduma za matibabu ya moyo zinazotolewa.

********************************************************************************************************************************************************************************

Taasisi isiyo ya kiserikali ya Heart Team Africa Foundation (HTAF) imetoa wito kwa taasisi na kampuni binafsi nchini kushiriki kuchangia huduma za matibabu ya magonjwa ya moyo kwa watoto hususan wale wanaotoka katika familia zisizo na uwezo wa kumudu gharama kubwa za matibabu.

Wito huo umetolewa leo jijini Dar es Salaam na Mtendaji Mkuu wa HTAF, Dkt. Nazihijwa Majani wakati wa ziara ya viongozi wa kampuni ya uchimbaji wa madini ya dhahabu ya Geita Gold Mine (GGML) walipotembelea taasisi hiyo kwa ajili ya kuona huduma za matibabu ya moyo zInazotolewa.

Dkt. Nazihijwa ambaye pia ni daktarin bingwa wa magonjwa ya moyo kwa watoto alisema kampuni hiyo imetoa msaada wa shilingi milioni 56 kwa ajili ya matibabu ya watoto wenye matatizo ya moyo, msaada huo umefanikisha kugharamia upasuaji wa moyo kwa watoto 14 waliokuwa wanahitaji huduma hiyo kwa haraka ili kuokoa maisha yao.

“Tuna malengo ya kuwafikia watoto 420 mwaka huu wanaohitaji upasuaji wa moyo. Tunaendelea kutoa rai kwa wadau wengine kujitokeza kusaidia, kwani bado tunakabiliwa na changamoto ya uhaba wa malazi kwa watoto na wazazi wanaosubiri kupata huduma,” alisema.

Akizungumza kwa niaba ya Mkurugenzi Mtendaji wa Taasisi ya Moyo Jakaya Kikwete (JKCI) Mkurugenzi wa Upasuaji wa Moyo wa JKCI, Dkt. Angela Muhozya alisisitiza umuhimu wa kuanzishwa kwa Nyumba ya Matumaini kwaajili ya watoto wanaotoka mikoani kupata huduma za matibabu.

“Watoto na wazazi wanaotoka mbali na Dar es Salaam hukosa sehemu ya kukaa wakati wanasubiri kupata matibabu. Tunapopata msaada wa kimatibabu na miundombinu ya malazi tunagusa moja kwa moja maisha ya watoto wetu wa baadaye,” alisema Dkt. Angela.

Kwa upande wake Makamu wa Rais wa Mgodi wa Geita Gold Mine (GGML), Simon Shayo alisema GGM itaendelea kushirikiana na wadau mbalimbali katika kuboresha afya za watoto kupitia shughuli zake za uwajibikaji kwa jamii.

“Tunapenda kuona watoto wanakua wakiwa na afya njema. Tunaamini kuwekeza kwenye afya ni kuwekeza kwenye maisha na tutaendelea kushirikiana na JKCI kufanikisha azma hiyo,” alisema Shayo.

Wazazi wa watoto waliopatiwa huduma hiyo walitoa shukrani kwa Serikali ya awamu ya sita inayoongozwa na Mhe. Rais Dkt. Samia Suluhu Hassan, JKCI, HTAF na GGM kwa msaada uliowezesha watoto wao kupata matibabu ya kibingwa na kurejea katika hali nzuri ya afya.

“Nimehangaika muda mrefu kutafuta huduma za matibabu kwa mtoto wangu kwani alikuwa na shida ya kupumua na kushindwa kucheza vizuri na wenzake, lakini kupitia msaada huu mtoto wangu amefanyiwa upasuaji wa moyo na sasa anaendelea vizuri,” alisema Mariamu Rashidi kutoka Kondoa.

“Sijalipa hata senti moja kwa upasuaji wa moyo aliofanyiwa mwanangu ambao gharama yake ilikuwa ni shilingi milioni sita la laki tano. Namshukuru Mungu, Serikali, JKCI na GGML kwa msaada huu mkubwa. Naomba Watanzania wengine wajitokeze kusaidia watoto wanaohitaji kufanyiwa upasuaji kama mtoto wangu,” alisema Neema Wiliam.