JKCI yawanoa wataalamu wa afya jinsi ya kufanya kipimo cha ECHO

Daktari wa watoto kutoka Hospitali ya KCMC Lightness Chuwa akiwaongoza madaktari wenzake kufanya kipimo cha kuangalia jinsi moyo unavyofanya kazi (Echocardiography – ECHO) wakati wa mafunzo ya siku tano kwa wataalamu wa afya kutoka Hospitali mbalimbali yanayofanyika katika Taasisi ya Moyo Jakaya Kikwete (JKCI) kwakushirikiana na Pediatric Association of Tanzania na German Tropical Pediatrics (GTP).

Mkufunzi kutoka Utrecht nchini Netherlands Dkt. Martijn Slieker akiwafundisha wataalamu wa afya kutoka Hospitali mbalimbali ndani na nje ya nchi namna ya kuyatambua magonjwa ya moyo kwa watoto wakati wa mafunzo ya siku tano ya kufanya kipimo cha kuangalia jinsi moyo unavyofanya kazi (Echocardiography – ECHO) yanayofanyika katika Taasisi ya Moyo Jakaya Kikwete (JKCI) kwa kushirikiana na Pediatric Association of Tanzania na German Tropical Pediatrics (GTP).


Wataalamu wa afya kutoka Hospitali mbalimbali nchini wakifanya kipimo cha kuangalia jinsi moyo unavyofanya kazi (Echocardiography - ECHO) wakati wa mafunzo ya siku tano yanayofanywa na Taasisi ya Moyo Jakaya Kikwete (JKCI) kwa kushirikiana na Pediatric Association of Tanzania na German Tropical Pediatrics (GTP).

Na: JKCI

**********************************************************************************************************

Wataalamu wa afya 23 kutoka Hospitali mbalimbali nchini na wawili kutoka nchini Kenya wameshiriki katika mafunzo ya kufanya kipimo cha Kuangalia jinsi moyo unavyofanya kazi (Echocardiography – Echo) kwa watoto.

Mafunzo hayo ya siku tano ni mafunzo ya awamu ya saba tangu kuanzishwa kwake mwaka 2018 yakifanywa na Taasisi ya Moyo Jakaya Kikwete (JKCI) kwa kushirikiana na Pediatric Association of Tanzania na German Tropical Pediatrics (GTP).

Akizungumza na mwandishi wa habari hii Daktari bingwa wa magonjwa ya moyo kwa watoto kutoka Taasisi ya Moyo Jakaya Kikwete (JKCI) Dkt. Naiz Majani alisema kila mwaka mafunzo hayo ufanyika lengo likiwa kuwasaidia wataalamu wa afya wanaotoa huduma kwa watoto kutambua magonjwa ya moyo kwa watoto mapema.

Mafunzo haya yamekuwa yakiudhuriwa na wataalamu wa afya kutoka Tanzania na nchi nyingine kama vile Ujerumani na Uholanzi ambapo mwaka huu tumepata wataalamu wa afya wawili kutoka nchini Kenya”, alisema Dkt. Naiz

Dkt. Naiz ambaye pia ni Mkuu wa Kitengo cha Ubora wa Huduma JKCI alisema mafanikio yaliyotokana na mafunzo hayo ni pamoja na kuwapa ujuzi wataalamu wa afya kutoka hospitali za wilaya na mkoa ambao sasa wamekuwa na uwezo wa kuyatambua magonjwa ya moyo kwa watoto mapema na kuwapa rufaa kufika JKCI mpema.

“Kuna hospitali za mikoa ambazo tumeshazitambua na kuwapa jukumu la kuendelea kufuatilila maendeleo ya watoto waliofanyiwa upasuaji wa moyo ili kuwapunguzia gharama watoto hao kufuata huduma za maendeleo yao baada ya upasuaji wa moyo huku JKCI”, alisema Dkt. Naiz

Kwa upande wake Daktari wa watoto kutoka Hospitali ya The Karen iliyopo nchini Kenya Patrick Lydia alisema hii imekuwa mara yake ya kwanza kushiriki mafunzo ya kufanya kipimo cha kuangalia jinsi moyo unavyofanya kazi baada ya kujaribu kuomba kushiriki mafunzo hayo mara mbili bila ya mafanikio kutokana na idadi ya washiriki inayotakiwa kutosheleza.

Dkt. Patrick alisema mafunzo kama hayo pia yanapatikana nchini Kenya lakini kutokana na idadi ya washiriki kuwa kubwa nafasi hizo hutolewa kwa kipaumbele kwa wataalamu wanaofanya kazi katika Hospitali za Serikali na wale wanaotoka hospitali binafsi husubiri kwa muda mrefu.

“Ninapenda kuwa daktari bingwa wa magonjwa ya moyo kwa watoto hivyo nikaona ni fursa kwangu mimi kuanza kupata mafunzo ambayo yatanifikisha katika malengo yangu ndio maana nikashiriki katika mafunzo haya kuona nitafaidika kwa kiasi gani”, alisema Dkt. Patrick






Comments

Post a Comment

Popular posts from this blog

Wataalamu wa JKCI kufanya upasuaji wa moyo nchini Zambia

Image
Balozi wa Tanzania nchini Zambia Mhe. Luteni Generali Mathew Edward Mkingule akiwa katika picha ya pamoja na wataalamu wa Taasisi ya Moyo Jakaya Kikwete (JKCI) katika uwanja wa ndege wa kimataifa wa Julius Nyerere (JNIA) kabla ya wataalamu hao kuanza safari  ya  kuelekea katika hospitali ya Taifa ya Moyo ya nchini Zambia kwaajili ya kufanya upasuaji wa moyo kwa watoto. Shirika la Okoa Moyo wa Mtoto (Save a Child’s Heart – SACH) la nchini Israel ndilo lililowezesha kufanyika kwa kambi hiyo ya upasuaji nchini Zambia. Balozi wa Tanzania nchini Zambia Mhe. Luteni  Generali Mathew  Edward  Mkingule akizungumza na wataalamu wa Taasisi ya Moyo Jakaya Kikwete (JKCI) leo katika uwanja wa ndege wa kimatifa wa Julius Nyerere  (JNIA)  kabla ya kuanza safari yao ya kwenda katika hospitali ya Taifa ya Moyo ya nchini Zambia kwaajili ya kufanya upasuaji wa moyo kwa watoto.  Shirika la Okoa Moyo wa Mtoto (Save a Child’s Heart – SACH) la nchini Israel ndilo lililowezesha kufanyika kwa kambi hiyo ya upa
Read more

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na watendaji wakuu wa Taas
Read more