Dkt. Peter Kisenge aongoza wataalamu wa JKCI kutibu magonjwa ya moyo Kisiwani Anjouan

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimpima mapigo ya moyo mkazi wa kisiwa cha Anjouan aliyefika katika hospitali ya Hombo kwaajili ya kupata huduma za matibabu ya moyo zinazotolewa kwa wananchi. Serikali ya Tanzania imetuma timu ya madaktari bingwa wa magonjwa mbalimbali kwaajili ya kutoa huduma za matibabu kwa wananchi wa kisiwa hicho.


Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimpima kipimo cha kuangalia jinsi moyo unavyofanya kazi mkazi wa kisiwa cha Anjouan aliyefika katika hospitali ya Hombo kwaajili ya kupata huduma za matibabu ya moyo zinazotolewa kwa wananchi. Serikali ya Tanzania imetuma timu ya madaktari bingwa wa magonjwa mbalimbali kwaajili ya kutoa huduma za matibabu kwa wananchi wa kisiwa hicho.

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimsikiliza mkazi wa  kisiwa cha Anjouan aliyefika katika hospitali ya Hombo kwaajili ya kupata huduma za matibabu ya moyo zinazotolewa kwa wananchi wa kisiwa hicho. Kulia ni Daktari wa taasisi hiyo Janeth Mmari.


Mtaalamu wa vipimo vya moyo Gerson Mpondo akimpima kipimo cha kuangalia mfumo wa umeme wa moyo mkazi wa kisiwa cha Anjouan aliyefika katika hospitali ya Hombo kwaajili ya kupata huduma za matibabu ya moyo zinazotolewa kwa wananchi wa kisiwa hicho. Serikali ya Tanzania imetuma timu ya madaktari bingwa wa magonjwa mbalimbali kwaajili ya kutoa huduma za matibabu kwa wananchi.

Wakazi wa   kisiwa cha Anjouan wakisubiri  kupata huduma za matibabu ya moyo zinazotolewa na wataalamu kutoka Taasisi ya Moyo Jakaya Kikwete (JKCI) katika katika kambi maalumu ya matibabu ya madaktari bingwa wa magonjwa mbalimbali kutoka Tanzania ambapo JKCI inatoa huduma katika hospitali ya Hombo.

***************************************************************************************************************************************************************************************************************

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge anaongoza jopo la wataalamu wa moyo kutoka Tanzania kwaajili ya kutoa huduma za kibingwa za matibabu ya moyo katika Hospitali ya Hombo iliyopo kisiwa cha Anjouan nchini Comoro.

Akizungumza kuhusu kambi hiyo leo kisiwani Anjouan Dkt. Kisenge alisema dhamira ya JKCI ni kuhakikisha wananchi wa Anjouan wanapata huduma bora za moyo kwa gharama nafuu na kwa wakati bila kulazimika kusafiri umbali mrefu kufuata matibabu hayo.

Dkt. Kisenge ambaye pia ni Mwenyekiti wa Kamati ya Utalii Tiba Taifa na daktari bingwa wa moyo alisema kwa siku ya kwanza ambayo ni leo wameanza kambi hiyo huku mwitikio wa wananchi ukiwa ni mkubwa.

“Siku ya kwanza ya leo tumeona wagonjwa 99 watoto wakiwa 39 na watu wazima 60 wagonjwa waliopewa rufaa ya kuja kutibiwa JKCI ni 20. Asilimia 80 ya wagonjwa tuliowaona wanamatatizo ya misuli ya moyo kutanuka”.

 “Tumekuja na timu kamili ya madaktari bingwa na wataalamu wa vipimo vya moyo. Tutaendelea kushirikiana na Serikali ya Comoro kuboresha huduma za moyo kwa wananchi, hasa katika maeneo yenye uhitaji mkubwa”, alisema Dkt. Kisenge.

Aliongeza kuwa kambi hiyo ya madaktari bingwa kutoka Tanzania itafanyika kwa muda wa siku nane, huku ikihusisha uchunguzi na matibabu ya magonjwa mbalimbali yakiwamo ya moyo pamoja na utoaji wa elimu ya kinga dhidi ya magonjwa yasiyoambukiza.

 Dkt. Kisenge alisema taasisi hiyo inawapokea wagonjwa wengi kutoka Visiwa vya Comoro ambapo kwa mwezi wanawaona wagonjwa zaidi 40. Kuwepo kwa wataalamu hao kisiwani Anjouan kutawasaidia wananchi wenye uwezo mdogo kiuchumi kupata huduma za uchunguzi na matibabu ya moyo bila gharama yoyote ile.

Akizungumza na wagonjwa waliofika katika hospitali hiyo kupata huduma za matibabu ya moyo Balozi wa Tanzania nchini Comoro Saidi Yakubu aliwapongeza kwa hatua waliyoichukuwa ya kufika katika hospitali hiyo kwaajili ya kupata huduma ya matibabu ya moyo.

 “Wagonjwa ni wengi kuna madaktari wengine wako njiani wanakuja kutoka Tanzania, nyie nyote mliopo hapa mtapata huduma na tutahakikisha wagonjwa wote wanapata huduma ya matibabu na dawa bila malipo yoyote yale”, alisema Mhe. Balozi Yakubi.

Baadhi ya wananchi waliopata huduma za matibabu ya moyo katika Hospitali ya Hombo walielezea kufurahia uwepo wa wataalamu wa JKCI, huku wakisema wamepata matibabu na ushauri wa kitaalamu waliokuwa wakiukosa kwa muda mrefu.

“Huduma zimekuwa bora sana. Tulipokelewa vizuri na madaktari wametupima kwa umakini. Tunashukuru Serikali ya Tanzania na madaktari wa JKCI kwa moyo wa huruma waliotuonesha”, alisema Fatima Bounou mkazi wa Domoni.

“Siku zote tulikuwa tukitafuta huduma ya moyo ya kitaalamu karibu nasi, lakini ilikuwa ngumu kupata, kutokana na ushirikiano uliopo baina ya Comoro na Tanzania tumepata matibabu bora bila gharama yoyote. Tunashukuru sana madaktari kwa kujitolea kwa moyo wote”,  alisema Ahmed Ali mkazi wa Mutsamudu.

“Huduma hizi ni za kipekee. Tulipokelewa kwa heshima na madaktari walitupa muda wao kuzungumza nasi moja kwa moja kuhusu afya yetu ya moyo. Ni faraja kubwa kuona Tanzania kupitia JKCI inatufikishia matibabu haya hapa nyumbani”,  alisema Amina Said mkazi wa Ouani.

Kambi hiyo inatarajiwa kuwafikia maelfu ya wananchi wa Anjouan huku JKCI ikiahidi kuendelea kutoa mafunzo ya pamoja kwa wataalamu wa afya wa Comoro ili kuimarisha huduma endelevu za moyo.


Comments

Post a Comment

Popular posts from this blog

Wateja wa CRDB kutibiwa JKCI kwa punguzo la asilimia 50%

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakisaini mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.    Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakibadilishana mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.   Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakimjulia hali mtoto aliyelazwa katika wodi ya watoto wenye magonjwa ya moyo kabla ya hafla fupi ya kusaini mkataba wa makubaliano ya ushirikiano bain...
Read more

Wanawake wa JKCI SACCOS wanaongoza kwa kumiliki hisa

Image
Mwenyekiti wa Chama cha kuweka akiba na mikopo (SACCOS) cha Taasisi ya Moyo Jakaya Kikwete (JKCI) Dkt. Tulizo Shem akizungumza na wanachama wa SACCOS hiyo wakati wa mkutano mkuu wa mwaka uliofanyika leo katika ukumbi wa Taasisi hiyo iliyopo Jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) na mgeni rasmi katika mkutano mkuu wa mwaka wa wanachama wa Chama cha kuweka akiba na mikopo (SACCOS) cha JKCI akiwapongeza wanachama hao kwa kuweka jitihada za kuboresha mfuko wa SACCOS leo wakati wa mkutano huo uliofanyika katika ukumbi wa JKCI iliyopo jijini Dar es Salaam Afisa Ushirika Halmashauri ya Jiji la Dar es Salaam Mihayo Malunde akielezea namna fedha zinazokusanywa na Chama cha kuweka akiba na mikopo (SACCOS) cha JKCI zinaweza kuongeza uchumi wa wanachama wakati wa mkutano mkuu wa mwaka wa wanachama wa SACCOS ya Taasisi ya Moyo Jakaya Kikwete (JKCI) uliofanyika leo katika ukumbi wa JKCI iliyopo jijini Dar es Salaam Mjumbe wa Chama cha kuweka akiba na mikop...
Read more

JKCI, MOI NA MNH waitwa Comoro kutoa huduma za matibabu ya kibingwa

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuonyesha Waziri wa Ulinzi wa Comoro Mhe. Yousoufa Mohamed Ali    sehemu ya kusubiria wagonjwa wa kliniki maalumu ya VIP alipotembelea taasisi hiyo leo kwaajili ya kuona huduma mbalimbali za matibabu ya moyo zinazotolewa. Waziri wa Ulinzi wa Comoro Mhe. Yousoufa Mohamed Ali akizungumza na viongozi wa wizara ya Afya, Taasisi ya Moyo Jakaya Kikwete (JKCI), Taasisi ya Tiba ya Mifupa na Ubongo Muhimbili (MOI) na  Hospitali ya Taifa Muhimbili (MNH)  alipozitembelea hospitali hizo leo kwaajili ya kuona namna ambavyo zitawatuma wataalamu wake   kwenda kutoa huduma za matibabu ya kibingwa kwa wananchi wa Comoro.   Waziri wa Ulinzi wa Comoro Mhe. Yousoufa Mohamed Ali akiagana na Naibu Katibu Mkuu wa Wizara ya Afya Mhandisi Ismail Rumatila mara baada ya kukutana na viongozi wa wizara hiyo, Taasisi ya Moyo Jakaya Kikwete (JKCI), Taasisi ya Tiba ya Mifupa na Ubongo Muhimbili (MOI) na...
Read more