Magonjwa ya kinywa yatajwa kuongeza hatari ya kupata magonjwa ya moyo

Daktari wa kinywa kutoka Taasisi ya Moyo Jakaya Kikwete (JKCI) Hospitali ya Dar Group Aitham Mohamed akichunguza kinywa cha mwananchi aliyejitokeza kufanya uchunguzi wa afya wakati wa kambi maalumu ya siku mbili ya Tiba Mkoba ya Mhe. Dkt. Samia Suluhu Hassan Outreach Services inayofanywa na Hospitali hiyo katika viwanja vya Mbagala Zakhem vilivyopo Temeke jijini Dar es Salaam.

Afisa Uuguzi wa Taasisi ya Moyo Jakaya Kikwete (JKCI) Hospitali ya Dar Group Helman Nicholaus akipima mapigo ya moyo ya mwananchi aliyejitokeza kufanya uchunguzi wa afya wakati wa kambi maalumu ya siku mbili ya Tiba Mkoba ya Mhe. Dkt. Samia Suluhu Hassan Outreach Services inayofanywa na Hospitali hiyo katika viwanja vya Mbagala Zakhem vilivyopo Temeke jijini Dar es Salaam.


Daktari wa Taasisi ya Moyo Jakaya Kikwete (JKCI) Hospitali ya Dar Group Irene Ngowi akimshauri mwananchi wa Mbagala mara baada ya mwananchi huyo kufanya uchunguzi wa afya wakati wa kambi maalumu ya siku mbili ya Tiba Mkoba ya Mhe. Dkt. Samia Suluhu Hassan Outreach Services inayofanywa na Hospitali hiyo katika viwanja vya Mbagala Zakhem vilivyopo Temeke jijini Dar es Salaam.

Na JKCI

*************************************************************************************************

Magonjwa ya kinywa kwa watoto yakiwemo ya kuoza kwa meno na mafindofindo (Tonsillitis)  yanaweza kusababisha magonjwa ya valvu za moyo endapo hayatatibiwa kwa wakati.

Kauli hiyo imetolewa leo na Daktari wa Kinywa na Meno kutoka Taasisi ya Moyo Jakaya Kikwete (JKCI) Hospitali ya Dar Group Aitham Mohamed, wakati wa kambi maalumu ya siku mbili ya Tiba Mkoba ya Mhe. Dkt. Samia Suluhu Hassan Outreach Services inayoendelea katika Viwanja vya Mbagala Zakhem jijini Dar es Salaam.

Dkt. Aitham alisema kuna uhusiano mkubwa kati ya matatizo ya meno, kinywa na moyo, kwani kuharibika kwa meno husababisha kuwepo kwa bakteria ambao wanaweza kusambaa hadi kushambulia valvu za moyo na hivyo kusababisha magonjwa ya moyo.

“Tumekuwa tukiishauri jamii kulinda afya ya kinywa kwa kusafisha meno angalau mara mbili kwa siku. Hatua hii husaidia kuzuia kuharibika kwa meno na magonjwa ya kinywa yanayoweza kuhatarisha afya ya moyo”,  alisema Dkt. Aitham.

Aliongeza kuwa wagonjwa wanaofanyiwa upasuaji wa moyo wa kufungua kifua hupimwa afya ya kinywa kabla ya upasuaji, ili kuepusha maambukizi yanayoweza kusababishwa na bakteria baada ya upasuaji.

Kwa upande wake Daktari wa Upasuaji wa JKCI - Hospitali ya Dar Group Joyce Mkodo alisema katika kambi hiyo wataalamu wa upasuaji wameshiriki kutoa huduma kwa watu wenye changamoto za vidonda sugu.

“Tunafanya kambi hii kama sehemu ya kusherehekea mafanikio ya JKCI katika kipindi cha miaka 10 tangu ianze kutoa huduma za kibingwa za matibabu ya moyo. Wananchi wanapopata fursa kama hii wajitokeze kwa wingi, kwani wengi hawachunguzi afya zao hadi wanapopatwa na matatizo”,  alisema Dkt. Joyce.

Dkt. Joyce aliongeza kuwa wagonjwa watakaobainika kuwa na matatizo ya kiafya watapatiwa rufaa kwenda Hospitali ya JKCI Dar Group iliyopo TAZARA kwa uchunguzi zaidi na matibabu.

Naye Ibrahim Ndube  mkazi wa Mbagala alisema amefurahia huduma hizo akibainisha kuwa ni faraja kubwa kuona taasisi kubwa kama JKCI inawafikia wananchi wa kipato cha chini.

“Huduma nilizopata hapa ni nzuri sana. Nimeonana na madaktari wa kinywa, mgongo na moyo. Nawapongeza kwa huduma bora na elimu nzuri kuhusu afya. Mtaji wa maisha ni afya, hivyo vijana wenzangu msisite kupima afya zenu”, alisema Ndube.

Kambi hiyo maalumu ya siku mbili inatoa huduma za uchunguzi na matibabu ya magonjwa ya moyo, sukari, shinikizo la damu, henia, vidonda vya muda mrefu, uti wa mgongo, maungio ya mifupa, pamoja na matibabu ya kinywa na meno.


Comments

Post a Comment

Popular posts from this blog

Wateja wa CRDB kutibiwa JKCI kwa punguzo la asilimia 50%

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakisaini mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.    Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakibadilishana mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.   Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakimjulia hali mtoto aliyelazwa katika wodi ya watoto wenye magonjwa ya moyo kabla ya hafla fupi ya kusaini mkataba wa makubaliano ya ushirikiano bain...
Read more

Wanawake wa JKCI SACCOS wanaongoza kwa kumiliki hisa

Image
Mwenyekiti wa Chama cha kuweka akiba na mikopo (SACCOS) cha Taasisi ya Moyo Jakaya Kikwete (JKCI) Dkt. Tulizo Shem akizungumza na wanachama wa SACCOS hiyo wakati wa mkutano mkuu wa mwaka uliofanyika leo katika ukumbi wa Taasisi hiyo iliyopo Jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) na mgeni rasmi katika mkutano mkuu wa mwaka wa wanachama wa Chama cha kuweka akiba na mikopo (SACCOS) cha JKCI akiwapongeza wanachama hao kwa kuweka jitihada za kuboresha mfuko wa SACCOS leo wakati wa mkutano huo uliofanyika katika ukumbi wa JKCI iliyopo jijini Dar es Salaam Afisa Ushirika Halmashauri ya Jiji la Dar es Salaam Mihayo Malunde akielezea namna fedha zinazokusanywa na Chama cha kuweka akiba na mikopo (SACCOS) cha JKCI zinaweza kuongeza uchumi wa wanachama wakati wa mkutano mkuu wa mwaka wa wanachama wa SACCOS ya Taasisi ya Moyo Jakaya Kikwete (JKCI) uliofanyika leo katika ukumbi wa JKCI iliyopo jijini Dar es Salaam Mjumbe wa Chama cha kuweka akiba na mikop...
Read more

JKCI, MOI NA MNH waitwa Comoro kutoa huduma za matibabu ya kibingwa

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuonyesha Waziri wa Ulinzi wa Comoro Mhe. Yousoufa Mohamed Ali    sehemu ya kusubiria wagonjwa wa kliniki maalumu ya VIP alipotembelea taasisi hiyo leo kwaajili ya kuona huduma mbalimbali za matibabu ya moyo zinazotolewa. Waziri wa Ulinzi wa Comoro Mhe. Yousoufa Mohamed Ali akizungumza na viongozi wa wizara ya Afya, Taasisi ya Moyo Jakaya Kikwete (JKCI), Taasisi ya Tiba ya Mifupa na Ubongo Muhimbili (MOI) na  Hospitali ya Taifa Muhimbili (MNH)  alipozitembelea hospitali hizo leo kwaajili ya kuona namna ambavyo zitawatuma wataalamu wake   kwenda kutoa huduma za matibabu ya kibingwa kwa wananchi wa Comoro.   Waziri wa Ulinzi wa Comoro Mhe. Yousoufa Mohamed Ali akiagana na Naibu Katibu Mkuu wa Wizara ya Afya Mhandisi Ismail Rumatila mara baada ya kukutana na viongozi wa wizara hiyo, Taasisi ya Moyo Jakaya Kikwete (JKCI), Taasisi ya Tiba ya Mifupa na Ubongo Muhimbili (MOI) na...
Read more