Tanzania yapeleka madaktari bingwa Anjouan – Ushirikiano wa Afya waongeza tumaini kwa wananchi


Balozi wa Tanzania nchini Comoro Mhe. Saidi Yakubu akiwa katika picha ya pamoja  na Madaktari Bingwa kutoka Tanzania na wataalamu wa afya wa hospitali ya Hombo  iliyopo kisiwani Anjouan mara baada ya kumaliza kuangalia maeneo watakayotolea huduma za kibingwa za matibabu ya magonjwa mbalimbali zitakazotolewa  katika hospitali hiyo.


Gavana wa Anjouan katika Muungano wa Visiwa vya Comoro Mhe. Dkt. Zaidou Youssouf akiwa katika picha ya pamoja na  Balozi wa Tanzania nchini Comoro Mhe. Saidi Yakubu na Madaktari Bingwa kutoka Tanzania wakiwamo wa moyo mara baada ya kukukutana na wataalamu hao leo ofisini kwake. Timu ya wataalamu wa afya  kutoka Tanzania iko kisiwani Anjouan kwaajili ya kutoa huduma za ubingwa bobezi za matibabu ya  magonjwa mbalimbali  kwa wananchi wa visiwa vya Comoro.

 Daktari bingwa wa magonjwa ya Moyo wa Taasisi ya Moyo Jakaya Kikwete (JKCI) Salehe Mwinchete akitoa neno la shukrani kwa Gavana wa kisiwa cha Anjouan katika Muungano wa Visiwa vya Comoro Dkt. Zaidou Youssouf wakati madaktari bingwa kutoka Tanzania walipomtembelea ofisini kwake kabla ya kuanza kutoa huduma kwa wananchi  katika hospitali tatu kubwa zilizopo kisiwani humo.

**********************************************************************************************************************************************************************************************

Serikali ya Tanzania imepeleka timu ya madaktari bingwa wa magonjwa mbalimbali kisiwani Anjouan vilivyopo Comoro  kwa lengo la kuendeleza ushirikiano wa afya baina ya mataifa hayo mawili na kuhakikisha wananchi wa visiwa hivyo wanapata huduma za kibingwa bobezi.

Akizungumza wakati wa mapokezi ya madaktari hao ofisini kwake jana  Gavana wa Anjouan katika Muungano wa Visiwa vya Comoro Mhe. Dkt. Zaidou Youssouf, aliishukuru Serikali ya Tanzania kwa kuwatuma wataalamu wake kwenda kuwasaidia wananchi wanaosumbuliwa na magonjwa yanayohitaji matibabu ya ubingwa bobezi.

Alisema kisiwa cha Anjouan kina idadi kubwa ya watu kuliko visiwa vingine vya Comoro na kuwataka wananchi kujitokeza kwa wingi kupima afya na kupata tiba stahiki.

“Tunamshukuru Rais wa Jamhuri ya Muungano wa Tanzania, Mhe. Dkt. Samia Suluhu Hassan, kwa kutuletea wataalamu hawa nchini kwetu. Hii ni ishara ya ushirikiano mzuri wa kidiplomasia uliopo kati ya nchi hizi mbili”, alisema Mhe. Gavana Dkt. Youssouf.

Aliongeza kuwa ingawa wananchi wengi wa Anjouan wanatoka kwenye familia zenye kipato cha chini, wamewapokea wataalamu wa afya wa Tanzania kwa mikono miwili na wameahidi kuwapa ushirikiano wa kutosha.

Kwa upande wake Balozi wa Tanzania nchini Comoro, Saidi Yakubu alishukuru kwa mapokezi mazuri waliyoyapata na kusema kuwa mwaka jana wataalamu kutoka Tanzania walifanya kambi kubwa ya uchunguzi na matibabu katika kisiwa cha Ngazidja kwa kutoa huduma za matibabu ya kibingwa saba, ambapo jumla ya watu 2,770 walihudumiwa.

“Mwaka huu kambi ni kubwa zaidi. Huduma za kibingwa 17 zitatolewa katika hospitali kuu tatu zilizopo kisiwani Anjouan. Aidha, Bohari ya Dawa Tanzania (MSD) imejumuishwa moja kwa moja na imekuja na dawa ambazo zitatolewa kwa wagonjwa wote. Dawa zitakazobaki zitaachwa kwenye hospitali ili ziendelee kutumika”, alisema Balozi Yakubu.

Aliongeza kuwa hadi sasa zaidi ya watu 1,000 wamejiandikisha kupokea huduma hizo ambazo pia zitahusisha elimu kwa umma kuhusu magonjwa yasiyoambukiza, katika maeneo matatu maalumu yaliyotengwa kwa wananchi.

Mhe. Balozi Yakubu alisema siku ya jana timu ya wataalamu ilitembelea hospitali kubwa tatu zitakazotumika kutoa huduma ambazo ni Hombo, Pomoni  na Bambao, kwaajili ya kuona vifaa vilivyopo na sehemu za kutolea huduma ya matibabu, huku wataalamu wengine wakitarajiwa kuwasili leo jioni.

Akizungumza kwa niaba ya wataalamu wenzake wa fya daktari bingwa wa magonjwa ya moyo kutoka Taasisi ya Moyo Jakaya Kikwete (JKCI) Salehe Mwinchete alisema timu hiyo iko tayari kutoa huduma bora kwa wananchi wa Anjouan kwa kutumia ujuzi waliobarikiwa na Mungu, huku akiahidi kutoa huduma zenye weledi na upendo.

Wataalamu wanaoshiriki katika kambi hiyo wanatoka katika taasisi na hospitali kubwa sita za Tanzania ambazo ni Taasisi ya Moyo Jakaya Kikwete (JKCI), Taasisi ya Tiba ya Mifupa na Ubongo Muhimbili (MOI), Hospitali ya Taifa Muhimbili (MNH), Hospitali ya Benjamin Mkapa (BMH), Taasisi ya Saratani Ocean Road pamoja na Bohari ya Dawa Tanzania (MSD).

Comments

Post a Comment

Popular posts from this blog

Wateja wa CRDB kutibiwa JKCI kwa punguzo la asilimia 50%

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakisaini mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.    Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakibadilishana mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.   Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakimjulia hali mtoto aliyelazwa katika wodi ya watoto wenye magonjwa ya moyo kabla ya hafla fupi ya kusaini mkataba wa makubaliano ya ushirikiano bain...
Read more

Wanawake wa JKCI SACCOS wanaongoza kwa kumiliki hisa

Image
Mwenyekiti wa Chama cha kuweka akiba na mikopo (SACCOS) cha Taasisi ya Moyo Jakaya Kikwete (JKCI) Dkt. Tulizo Shem akizungumza na wanachama wa SACCOS hiyo wakati wa mkutano mkuu wa mwaka uliofanyika leo katika ukumbi wa Taasisi hiyo iliyopo Jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) na mgeni rasmi katika mkutano mkuu wa mwaka wa wanachama wa Chama cha kuweka akiba na mikopo (SACCOS) cha JKCI akiwapongeza wanachama hao kwa kuweka jitihada za kuboresha mfuko wa SACCOS leo wakati wa mkutano huo uliofanyika katika ukumbi wa JKCI iliyopo jijini Dar es Salaam Afisa Ushirika Halmashauri ya Jiji la Dar es Salaam Mihayo Malunde akielezea namna fedha zinazokusanywa na Chama cha kuweka akiba na mikopo (SACCOS) cha JKCI zinaweza kuongeza uchumi wa wanachama wakati wa mkutano mkuu wa mwaka wa wanachama wa SACCOS ya Taasisi ya Moyo Jakaya Kikwete (JKCI) uliofanyika leo katika ukumbi wa JKCI iliyopo jijini Dar es Salaam Mjumbe wa Chama cha kuweka akiba na mikop...
Read more

JKCI, MOI NA MNH waitwa Comoro kutoa huduma za matibabu ya kibingwa

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuonyesha Waziri wa Ulinzi wa Comoro Mhe. Yousoufa Mohamed Ali    sehemu ya kusubiria wagonjwa wa kliniki maalumu ya VIP alipotembelea taasisi hiyo leo kwaajili ya kuona huduma mbalimbali za matibabu ya moyo zinazotolewa. Waziri wa Ulinzi wa Comoro Mhe. Yousoufa Mohamed Ali akizungumza na viongozi wa wizara ya Afya, Taasisi ya Moyo Jakaya Kikwete (JKCI), Taasisi ya Tiba ya Mifupa na Ubongo Muhimbili (MOI) na  Hospitali ya Taifa Muhimbili (MNH)  alipozitembelea hospitali hizo leo kwaajili ya kuona namna ambavyo zitawatuma wataalamu wake   kwenda kutoa huduma za matibabu ya kibingwa kwa wananchi wa Comoro.   Waziri wa Ulinzi wa Comoro Mhe. Yousoufa Mohamed Ali akiagana na Naibu Katibu Mkuu wa Wizara ya Afya Mhandisi Ismail Rumatila mara baada ya kukutana na viongozi wa wizara hiyo, Taasisi ya Moyo Jakaya Kikwete (JKCI), Taasisi ya Tiba ya Mifupa na Ubongo Muhimbili (MOI) na...
Read more