JKCI na SACH wafanya upasuaji wa moyo kwa watoto 29 wa nchini Zambia

Afisa Uuguzi wa Taasisi ya Moyo Jakaya Kikwete (JKCI) Rosemarry Mpella akimsikiliza mtoto aliyelazwa katika chumba cha uangalizi maalumu (ICU) katika Hospitali ya Taifa ya Moyo Zambia (NHH) baada ya kufanyiwa upasuaji wa moyo katika kambi maalumu ya siku sita ya upasuaji wa moyo iliyokuwa ikifanywa na wataalamu wa JKCI kwa kushirikiana na wenzao wa NHH na Shirika la Okoa Moyo wa Mtoto (SACH) la nchini Israel.  Jumla ya watoto 29 wamefanyiwa upasuaji wa moyo.

Wataalamu wa magonjwa ya moyo kwa watoto wa Taasisi ya Moyo Jakaya Kikwete (JKCI) ya nchini Tanzania Dkt. Stella Mongella, Shirika la Okoa Moyo wa Mtoto (SACH) la nchini Israel Dkt. Assa Sagi na Hospitali ya Taifa ya Moyo Zambia (NHH) ya nchini Zambia Dkt. Evance Mulendele wakifanya upasuaji wa bila kufungua kifua kwa kutumia mtambo wa Cathlab kuziba tundu lililopo kwenye moyo wa mtoto wakati wa kambi maalumu ya siku sita iliyomalizika hivi karibuni katika Hospitali ya NHH. Jumla ya watoto 29 wamefanyiwa upasuaji wa moyo.

Mama wa mtoto aliyefanyiwa upasuaji wa moyo Magreth Mwanza akimjulia hali mtoto wake wakati wa kambi ya maalumu ya upasuaji wa moyo ya siku sita iliyokuwa ikifanywa na madaktari bingwa wa upasuaji wa upasuaji wa moyo kwa watoto kutoka Taasisi ya Moyo Jakaya Kikwete (JKCI) ya nchini Tanzania, Shirika la Okoa Moyo wa Mtoto (SACH) la nchini Israel na Hospitali ya Taifa ya Moyo Zambia (NHH) ya nchini Zambia. Jumla ya watoto 29 wamefanyiwa upasuaji wa moyo.


Madaktari bingwa wa upasuaji wa moyo kwa watoto kutoka Taasisi ya Moyo Jakaya Kikwete (JKCI) ya nchini Tanzania, Shirika la Okoa Moyo wa Mtoto (SACH) la nchini Israel na Hospitali ya Taifa ya Moyo Zambia (NHH) ya nchini Zambia wakiwa katika picha ya pamoja na watoto wenye magonjwa ya moyo wakati wa kambi maalumu ya upasuaji wa moyo kwa watoto iliyokuwa ikifanyika katika Hospitali ya NHH na kumalizika hivi karibuni mjini Lusaka nchini Zambia. Jumla ya watoto 29 wamefanyiwa upasuaji wa moyo.

Na JKCI

*************************************************************************************************

Watoto 29 wenye magonjwa ya moyo ya kuzaliwa nayo wa nchini Zambia wamefanyiwa upasuaji wa moyo na madaktari bingwa wa upasuaji wa moyo kwa watoto kutoka Taasisi ya Moyo Jakaya Kikwete (JKCI) ya nchini Tanzania na Shirika la Okoa Moyo wa Mtoto (SACH) la nchini Israel.

Upasuaji huo uliomalizika hivi karibuni mjini Lusaka nchini Zambia umefanyika wakati wa kambi maalumu ya upasuaji wa moyo kwa watoto ya siku sita katika Hospitali ya Taifa ya Moyo Zambia (NHH) na kutoa mafunzo kwa wataalamu wa hospitali hiyo.

Akizungumza wakati wa kuhitimisha kambi hiyo balozi wa Tanzania nchini Zambia Mhe. Luteni Generali Mathew Edward Mkingule aliwapongeza wataalamu wa JKCI kwa kazi nzuri waliyoifaya na kuiheshimisha nchi ya Tanzania kwa kuweza kUvuka mipaka na kutoa huduma za kibingwa bobezi za matibabu ya moyo kwa watoto wa nchini Zambia.

Mhe. Balozi Mkingule alisema wakati wa harakati za uhuru katika nchi za Afrika wahasisi walipambana kuhakikisha ukombozi wa bara la Afrika unapatika, sasa Tanzania ipo kwenye harakati ya vita vya kiuchumi kuhakikisha inazisaidia nchi za Afrika kupata ujuzi hivyo kuwa na Afrika yenye afya na uwezo wa kutoa huduma bingwa bobezi kwa jamii zao.

“Nazidi kuwaomba muendelee kushirikiana na Hospitali ya Taifa ya Moyo ya Zambia (NHH) kwa kuwapa mafunzo na msaada pale mnapoweza, ofisi ya ubalozi itafuatilia utekelezaji wa mkabata mliosaini nao ili yale yaliyoeleza katika mkataba muweze kuyafanyia kazi”, alisema Mhe. Balozi Mkingule

Akizungumzia kambi hiyo Daktari bingwa wa magonjwa ya moyo kwa watoto wa Taasisi ya Moyo Jakaya Kikwete (JKCI) Stella Mongela alisema watoto 10 wamefanyiwa upasuaji wa moyo wa kufungua kifua na watoto 19 wamefanyiwa upasuaji wa moyo kupitia tundu dogo kwenye paja kwa kutumia mtambo wa Cathlab.

Dkt. Stella alisema wototo wote waliofanyiwa upasuaji katika kambi hiyo wanaendelea vizuri na wengi wao baada ya upasuaji huo wamepona kabisa magonjwa ya moyo.

“Jana baada ya kuhitimisha kambi watoto 9 waliofanyiwa upasuaji wa moyo kupitia tundu dogo kwenye paja tuliwaruhusu kurudi nyumbani baada ya hali zao kuendelea vizuri”, alisema Dkt. Stella.

Dkt. Stella alisema kupitia kambi hiyo wataalamu kutoka NHH wameweza kujifunza mambo mengi ikiwemo kufanya upasuaji mgumu wa moyo, kuhudumia wagonjwa waliofanyiwa upasuaji wa moyo waliopo katika chumba cha uangalizi maalumu (ICU) na kuwatambua watoto wenye magonjwa ya moyo kwa wakati.

Kwa upande wake Daktari bingwa wa magonjwa ya moyo kwa watoto kutoka Hospitali ya Taifa ya Moyo Zambia (NHH) Evance Mulendele alisema mafunzo waliyoyapata kupitia kambi hiyo yanaenda kuwaongezea ujuzi wataalamu wa Hospitali ya hiyo na kusaidia kupunguza idadi ya watoto wanaohitaji upasuaji wa moyo.

Dkt. Mulendele alisema idadi ya watoto wenye magonjwa ya moyo inazidi kuongezeka na uhitaji wa matibabu yakiwemo ya upasuaji wa moyo yameongezeka.

“Kupitia kambi hii tumeweza kujifunza mambo mengi, ninaamini wataalamu wetu katika kipindi cha miaka mitano sita ijayo watakuwa kama hawa wa JKCI walivyo, alisema Dkt. Mulendele.

Naye mama wa mtoto aliyefanyiwa upasuaji wa moyo katika kambi hiyo Margareth Mwanza aliwashukuru wataalamu wote walioshiriki kumfanyia upasuaji wa moyo mtoto wake na kuokoa maisha yake.

Margareth alisema awali alipoteza tumaini kutokana na hali ya mwanae ilivyokuwa ikibadilia kila kukicha ila baada ya mwanae kufanyiwa upasuaji hali yake imekaa vizuri.

“Nina umri mdogo na nimekutana na changamoto kubwa za magonjwa ya moyo kwa mwanangu, madaktari waliniambia alikuwa na tundu kwenye moyo na mishipa yake ya damu ilikuwa imeziba, nawashukuru sana mmemfanyia upasuaji mwanangu na sasa huyu hapa anaendelea vizuri”, alisema Margareth


Comments

Post a Comment

Popular posts from this blog

Wateja wa CRDB kutibiwa JKCI kwa punguzo la asilimia 50%

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakisaini mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.    Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakibadilishana mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.   Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakimjulia hali mtoto aliyelazwa katika wodi ya watoto wenye magonjwa ya moyo kabla ya hafla fupi ya kusaini mkataba wa makubaliano ya ushirikiano bain...
Read more

Wanawake wa JKCI SACCOS wanaongoza kwa kumiliki hisa

Image
Mwenyekiti wa Chama cha kuweka akiba na mikopo (SACCOS) cha Taasisi ya Moyo Jakaya Kikwete (JKCI) Dkt. Tulizo Shem akizungumza na wanachama wa SACCOS hiyo wakati wa mkutano mkuu wa mwaka uliofanyika leo katika ukumbi wa Taasisi hiyo iliyopo Jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) na mgeni rasmi katika mkutano mkuu wa mwaka wa wanachama wa Chama cha kuweka akiba na mikopo (SACCOS) cha JKCI akiwapongeza wanachama hao kwa kuweka jitihada za kuboresha mfuko wa SACCOS leo wakati wa mkutano huo uliofanyika katika ukumbi wa JKCI iliyopo jijini Dar es Salaam Afisa Ushirika Halmashauri ya Jiji la Dar es Salaam Mihayo Malunde akielezea namna fedha zinazokusanywa na Chama cha kuweka akiba na mikopo (SACCOS) cha JKCI zinaweza kuongeza uchumi wa wanachama wakati wa mkutano mkuu wa mwaka wa wanachama wa SACCOS ya Taasisi ya Moyo Jakaya Kikwete (JKCI) uliofanyika leo katika ukumbi wa JKCI iliyopo jijini Dar es Salaam Mjumbe wa Chama cha kuweka akiba na mikop...
Read more

JKCI, MOI NA MNH waitwa Comoro kutoa huduma za matibabu ya kibingwa

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuonyesha Waziri wa Ulinzi wa Comoro Mhe. Yousoufa Mohamed Ali    sehemu ya kusubiria wagonjwa wa kliniki maalumu ya VIP alipotembelea taasisi hiyo leo kwaajili ya kuona huduma mbalimbali za matibabu ya moyo zinazotolewa. Waziri wa Ulinzi wa Comoro Mhe. Yousoufa Mohamed Ali akizungumza na viongozi wa wizara ya Afya, Taasisi ya Moyo Jakaya Kikwete (JKCI), Taasisi ya Tiba ya Mifupa na Ubongo Muhimbili (MOI) na  Hospitali ya Taifa Muhimbili (MNH)  alipozitembelea hospitali hizo leo kwaajili ya kuona namna ambavyo zitawatuma wataalamu wake   kwenda kutoa huduma za matibabu ya kibingwa kwa wananchi wa Comoro.   Waziri wa Ulinzi wa Comoro Mhe. Yousoufa Mohamed Ali akiagana na Naibu Katibu Mkuu wa Wizara ya Afya Mhandisi Ismail Rumatila mara baada ya kukutana na viongozi wa wizara hiyo, Taasisi ya Moyo Jakaya Kikwete (JKCI), Taasisi ya Tiba ya Mifupa na Ubongo Muhimbili (MOI) na...
Read more