Dkt. Peter Kisenge awasaidia madaktari wa Anjouan kuboresha uchunguzi na matibabu ya Moyo


Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akiwafundisha madaktari wa hospitali ya Hombo iliyopo Kisiwa cha Anjoan  namna  ya kupata mwonekano bora wa moyo wakati wa kufanya kipimo cha kuangalia jinsi moyo unavyofanya kazi  ili kuboresha usahihi wa matokeo. Mfunzo hayo ameyatoa katika kambi maalumu ya madaktari bingwa wa magonjwa mbalimbali kutoka Tanzania inayofanyika kisiwani humo.

Balozi wa Tanzania nchini Comoro Mhe. Saidi Yakubu akizungumza na daktari bingwa wa magonjwa ya wanawake kutoka Hospitali ya Taifa Muhimbi (MNH) Vincent Tarimo wakati wa kambi maalumu ya madaktari bingwa wa magonjwa mbalimbali kutoka Tanzania wanaotoa huduma za matibabu katika hospitali kubwa tatu zilizopo kisiwani Anjoan.

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimwelekeza daktari wa Hospitali ya Hombo iliyopo kisiwani Anjouan Misdjal Ali dawa nzuri za kuwatibu wagonjwa wenye matatizo ya shambulio la moyo wakati wa kambi maalumu ya madaktari bingwa wa magonjwa mbalimbali kutoa Tanzania inayofanyika katika Hospitali hiyo. Kulia ni Daktari kutoka JKCI Janeth Mmari.

Balozi wa Tanzania nchini Comoro Mhe. Saidi Yakubu akizungumza na daktari bingwa wa magonjwa ya wanawake kutoka Hospitali ya Taifa Muhimbi (MNH) Vincent Tarimo wakati wa kambi maalumu ya madaktari bingwa wa magonjwa mbalimbali kutoka Tanzania wanaotoa huduma za matibabu katika hospitali kubwa tatu zilizopo kisiwani Anjoan.


 Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimwelekeza daktari wa Hospitali ya Hombo iliyopo kisiwani Anjouan Misdjal Ali dawa nzuri za kuwatibu wagonjwa wenye matatizo ya shambuli la moyo wakati wa kambi maalumu ya madaktari bingwa wa magonjwa mbalimbali kutoa Tanzania inayofanyika katika Hospitali hiyo.

***********************************************************************************************************************************************************************************

Madaktari wa Hospitali ya Hombo iliyopo katika Kisiwa cha Anjouan nchini Comoro wamepatiwa mafunzo maalumu ya jinsi ya kufanya vipimo vya moyo kwa ufanisi na kutoa matibabu kwa wagonjwa wenye matatizo makubwa ya moyo.

Mafunzo hayo yametolewa na Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge ambaye pia ni daktari bingwa wa magonjwa ya moyo na mtaalamu wa kuzibua mishipa ya damu ya moyo iliyoziba pamoja na kupandikiza vifaa visaidizi vya moyo.

Dkt. Kisenge alisema mafunzo hayo yanalenga kuongeza uwezo wa madaktari wa ndani kufanya uchunguzi wa awali wa magonjwa ya moyo, kuyatambua mapema na kuyatibu kwa ufanisi badala ya wagonjwa kusafiri hadi nchi nyingine kufuata huduma hizo.

Alieleza kuwa mafunzo hayo yatasaidia kuimarisha huduma za moyo katika Hospitali ya Hombo kwa kuhakikisha madaktari wake wanafahamu matumizi ya mashine za uchunguziwa moyo  kama Echocardiogram (Echo) na Electrocardiogram (ECG) pamoja na namna ya kusoma majibu yake kwa usahihi.

“Tunataka madaktari wa Comoro waweze kutoa huduma bora za moyo katika vituo vyao, bila kulazimika kutegemea wataalamu kutoka nje mara kwa mara. Hii itapunguza gharama, kuokoa muda na kuboresha afya za wananchi wengi zaidi”,  alisema Dkt. Kisenge.

Kwa upande wao, baadhi ya madaktari wa Hospitali ya Hombo walisema wamefurahishwa kufanya kazi na Dkt. Kisenge kwani kupitia mafunzo hayo wamejifunza mambo mapya mengi, ikiwemo njia sahihi za kufanya vipimo vya Echo, kusoma matokeo yake na kutoa dawa zinazofaa kwa wagonjwa wa moyo kulingana na hali zao.

“Tumefurahi sana kushirikiana na Dkt. Kisenge. Ameongeza uelewa wetu wa jinsi ya kuchunguza wagonjwa wa moyo kwa undani na namna ya kuwasaidia wagonjwa kwa kutumia dawa sahihi. Tunamshukuru yeye na timu ya JKCI kwa kutuletea maarifa haya muhimu”, alisema Daktari bingwa wa magonjwa ya moyo kwa watoto Daniel Oiridi.

Naye Dkt. Misdjal Ali mmoja wa madaktari waliopatiwa mafunzo hayo, alisema amejifunza mambo mengi ya kitaalamu ikiwemo jinsi yakupata mwonekano bora wa moyo wakati wa kufanya kipimo cha kuangalia jinsi moyo unavyofanya kazi  (Echocardiography) ili kuboresha usahihi wa matokeo

“Kupitia mafunzo ya Dkt. Kisenge nimeongeza uwezo wangu wa kufanya vipimo vya moyo kwa ufanisi zaidi. Sasa naweza kubaini matatizo ya moyo mapema na kusaidia wagonjwa kupata tiba sahihi kwa wakati”, alisema Dkt. Misdjal Ali.

Taasisi ya Moyo Jakaya Kikwete (JKCI) imekuwa ikitoa mafunzo kama hayo wakati wa kambi maalumu za matibabu ya magonjwa ya moyo inayozifanya ndani na nje ya nchi, kwa lengo la kuboresha huduma za afya na kuongeza uwezo wa wataalamu wa ndani katika kutibu magonjwa ya moyo.

Comments

Post a Comment

Popular posts from this blog

Wateja wa CRDB kutibiwa JKCI kwa punguzo la asilimia 50%

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakisaini mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.    Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakibadilishana mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.   Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakimjulia hali mtoto aliyelazwa katika wodi ya watoto wenye magonjwa ya moyo kabla ya hafla fupi ya kusaini mkataba wa makubaliano ya ushirikiano bain...
Read more

Wanawake wa JKCI SACCOS wanaongoza kwa kumiliki hisa

Image
Mwenyekiti wa Chama cha kuweka akiba na mikopo (SACCOS) cha Taasisi ya Moyo Jakaya Kikwete (JKCI) Dkt. Tulizo Shem akizungumza na wanachama wa SACCOS hiyo wakati wa mkutano mkuu wa mwaka uliofanyika leo katika ukumbi wa Taasisi hiyo iliyopo Jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) na mgeni rasmi katika mkutano mkuu wa mwaka wa wanachama wa Chama cha kuweka akiba na mikopo (SACCOS) cha JKCI akiwapongeza wanachama hao kwa kuweka jitihada za kuboresha mfuko wa SACCOS leo wakati wa mkutano huo uliofanyika katika ukumbi wa JKCI iliyopo jijini Dar es Salaam Afisa Ushirika Halmashauri ya Jiji la Dar es Salaam Mihayo Malunde akielezea namna fedha zinazokusanywa na Chama cha kuweka akiba na mikopo (SACCOS) cha JKCI zinaweza kuongeza uchumi wa wanachama wakati wa mkutano mkuu wa mwaka wa wanachama wa SACCOS ya Taasisi ya Moyo Jakaya Kikwete (JKCI) uliofanyika leo katika ukumbi wa JKCI iliyopo jijini Dar es Salaam Mjumbe wa Chama cha kuweka akiba na mikop...
Read more

JKCI, MOI NA MNH waitwa Comoro kutoa huduma za matibabu ya kibingwa

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuonyesha Waziri wa Ulinzi wa Comoro Mhe. Yousoufa Mohamed Ali    sehemu ya kusubiria wagonjwa wa kliniki maalumu ya VIP alipotembelea taasisi hiyo leo kwaajili ya kuona huduma mbalimbali za matibabu ya moyo zinazotolewa. Waziri wa Ulinzi wa Comoro Mhe. Yousoufa Mohamed Ali akizungumza na viongozi wa wizara ya Afya, Taasisi ya Moyo Jakaya Kikwete (JKCI), Taasisi ya Tiba ya Mifupa na Ubongo Muhimbili (MOI) na  Hospitali ya Taifa Muhimbili (MNH)  alipozitembelea hospitali hizo leo kwaajili ya kuona namna ambavyo zitawatuma wataalamu wake   kwenda kutoa huduma za matibabu ya kibingwa kwa wananchi wa Comoro.   Waziri wa Ulinzi wa Comoro Mhe. Yousoufa Mohamed Ali akiagana na Naibu Katibu Mkuu wa Wizara ya Afya Mhandisi Ismail Rumatila mara baada ya kukutana na viongozi wa wizara hiyo, Taasisi ya Moyo Jakaya Kikwete (JKCI), Taasisi ya Tiba ya Mifupa na Ubongo Muhimbili (MOI) na...
Read more