Wagonjwa 9 wenye matatizo ya mishipa mikubwa ya damu kutanuka na kupasuaji wafanyiwa upasuaji JKCI

Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya na Afisa Muuguzi wa Taasisi hiyo Mahawa Asenga wakimkabidhi mtaalamu wa kuendesha mashine ya kuusaidia moyo na mapafu kufanya kazi (Heart Lung Machine) kutoka Shirika la Cardio Start Internation la nchini Marekani Kim Bekker zawadi wakati wa hafla fupi ya kuhitimisha kambi maalumu ya upasuji wa moyo iliyokuwa ikifanyika katika Taasisi hiyo na kumalizika mwishoni mwa wiki. Jumla ya wagonjwa 9 wenye matatizo ya mishipa ya damu kutanuka au kuchanika wamefanyiwa upasuaji katika kambi hiyo.

Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akimkabidhi Rais wa Shirika la Cardio Star International la nchini Marekani Dkt. Miroslav Peev tuzo ya kutambua mchango wao katika kubadilisha ujuzi wakati wa hafla fupi ya kuhitimisha kambi maalumu ya upasuji wa moyo iliyokuwa ikifanyika katika Taasisi hiyo na kumalizika mwishoni mwa wiki. Jumla ya wagonjwa 9 wenye matatizo ya mishipa ya damu kutanuka au kuchanika wamefanyiwa upasuaji katika kambi hiyo.

Rais wa Shirika la Cardio Star International la nchini Marekani Dkt. Miroslav Peev akimkabidhi cheti ya ushiriki wa mafunzo ya kuhudumia wagonjwa wa dharura na mahututi Daktari kutoka Taasisi ya Moyo Jakaya Kikwete (JKCI) Mercy Elinisa wakati wa hafla ya fupi ya kuhitimisha kambi maalumu ya upasuaji wa moyo iliyokuwa ikifanyika katika Taasisi hiyo na kumalizika mwishoni mwa wiki. Jumla ya wagonjwa 9 wenye matatizo ya mishipa ya damu kutanuka au kuchanika wamefanyiwa upasuaji katika kambi hiyo.

Rais wa Shirika la Cardio Star International la nchini Marekani Dkt. Miroslav Peev akimkabidhi cheti ya ushiriki wa mafunzo ya kuhudumia wagonjwa wa dharura na mahututi Dkt. Elias Genge wakati wa hafla ya fupi ya kuhitimisha kambi maalumu ya upasuaji wa moyo iliyokuwa ikifanyika katika Taasisi ya Moyo Jakaya Kikwete (JKCI) na kumalizika mwishoni mwa wiki jijini Dar es Salaam. Jumla ya wagonjwa 9 wenye matatizo ya mishipa ya damu ya kutanuka au kuchanika wamefanyiwa upasuaji katika kambi hiyo.

Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya na Rais wa Shirika la Cardio Star International la nchini Marekani Dkt. Miroslav Peev wakiwa katika picha ya pamoja na wataalamu wa JKCI na wenzao wa Shirika la Cardio Star International mara baada ya kumalizika kwa kambi maalumu ya upasuaji wa mishipa ya damu ya moyo iliyokuwa ikifanyika JKCI na kumalizika mwishoni mwa wiki. Jumla ya wagonjwa 9 wenye matatizo ya mishipa ya damu kutanuka au kuchanika wamefanyiwa upasuaji katika kambi hiyo.

 Na JKCI

***************************************************************************************************

Wagonjwa tisa wenye matatizo ya mishipa mikubwa ya damu kutanuka na kupasuka wamefanyiwa upasuaji mkubwa wa kurekebisha na kupandikiza mishipa ya damu iliyohitaji kubadilishwa.

Upasuaji huo ulikuwa ukifanywa na wataalamu wa Taasisi ya Moyo Jakaya Kikwete (JKCI) kwa kushirikiana na wenzao kutoka Shirika la Cardiostart International la nchini Marekani umefanyika katika kambi maalumu ya siku tano na kumalizika mwishoni mwa wiki. 

Akizungumza wakati wa hafla fupi ya kuhitimisha kambi hiyo Mkurugenzi wa Upasuaji kutoka Taasisi ya Moyo Jakaya kikwete (JKCI) Dkt. Angela Muhozya alisema mbali na kufanyika kwa upasuaji huo mkubwa, kambi hiyo pia ililenga kutoa mafunzo ya vitendo kwa wataalamu wa afya ili kuongeza ujuzi na kubadilishana uzoefu na wenzao kutoka Marekani.

“Huu ni mwaka wa saba mfululizo wa ushirikiano wetu pamoja na Shirika la Cardiostart International, wataalamu hawa ni madaktari bingwa wanaotoa huduma katika kliniki maarufu za moyo nchini Marekani hivyo kwa kufanya kazi nao tunapata ujuzi mkubwa”, alisema Dkt. Angela.

Dkt. Angela alisema wataalamu hao pia walileta vifaa tiba vya kisasa vilivyotumika wakati wa upasuaji kuwasaidia wagonjwa kupata huduma bora na kupunguza gharama za matibabu.

“Kwa sasa JKCI ni kituo pekee kinachotoa huduma za upasuaji wa moyo na mishipa ya damu kwa viwango vya juu katika ukanda wa Afrika Mashariki na Kati ambapo wagonjwa kutoka nchi jirani ikiwemo Zambia, Zimbabwe, Malawi, Msumbiji, Comoro na zinginezo wamekuwa wakipatiwa huduma katika Taasisi yetu”, alisema Dkt. Angela

Kwa upande wake Rais wa Shirika la Cardiostart International la nchini Marekani Dkt. Miroslav Peev alisema mazingira mazuri ya kutolea huduma yaliyopo JKCI ndio yanayowafanya wataalamu kutoka shirika hilo kufika JKCI mara kwa mara kubadilisha ujuzi upande wa upasuaji wa moyo na mishipa ya damu pamoja na mafunzo ya kuhudumia wagonjwa wa dharura na mahututi ili kwa pamoja waweze kutoa huduma bora duniani kote.

Dkt. Peev alisema wataalamu wa JKCI na wenzao kutoka hospitali nyingine walioudhuria mafunzo ya kutoa huduma kwa wagonjwa wa dharura na mahututi wataenda kuimarisha huduma za afya katika hospitali zao na ndani ya nchi wote wakiwa na lengo la kusaidia kuokoa maisha.

“Wito wangu kwa watalaamu wa afya ambao wamepata mafunzo wakati wa kambi hii, muende kutumia mafunzo hayo ili kuweza kuwaokoa wagonjwa ambao wanamatatizo mbalimbali ya afya kwani wanapofika katika hospitali zenu wanakuwa na imani nanyi katika kuokoa maisha yao”, alisema Dkt. Peev

Naye daktari aliyepata mafunzo kupitia kambi hiyo kutoka Taasisi ya Moyo Jakaya Kikwete (JKCI) Doto Sebastian aliwashukuru wataalamu kutoka Shirika la Cardiostart International kwa kuwapa ujuzi mpya katika kutoa huduma kwa wagonjwa wa dharura na mahututi pamoja na mafunzo kwa wataalamu wa upasuaji wa moyo na mishipa ya damu. 

Dkt. Doto alisema mafunzo ya mara kwa mara kwa wataalamu wa afya yanawasaidia kupata utaalamu mpya lakini pia yanawasaidia kuweza kutoa huduma itakayoendana na maendeleo ya sayansi na teknolojia.

“Dunia ya sasa imebadilika kutokana na maendeleo ya sayansi na teknolojia, kama utasoma tu darasani na kutoa huduma bila ya kupata mafunzo ya mara kwa mara utaachwa nyuma ni muhimu wataalamu wenzangu wakisikia kuna mafunzo ya kuongeza ujuzi wajitokeze ili wote tuwe katika mstari mmoja wakati wa kutoa huduma”, alisema Dkt. Doto

 


Comments

Post a Comment

Popular posts from this blog

Wateja wa CRDB kutibiwa JKCI kwa punguzo la asilimia 50%

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakisaini mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.    Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakibadilishana mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.   Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakimjulia hali mtoto aliyelazwa katika wodi ya watoto wenye magonjwa ya moyo kabla ya hafla fupi ya kusaini mkataba wa makubaliano ya ushirikiano bain...
Read more

Wanawake wa JKCI SACCOS wanaongoza kwa kumiliki hisa

Image
Mwenyekiti wa Chama cha kuweka akiba na mikopo (SACCOS) cha Taasisi ya Moyo Jakaya Kikwete (JKCI) Dkt. Tulizo Shem akizungumza na wanachama wa SACCOS hiyo wakati wa mkutano mkuu wa mwaka uliofanyika leo katika ukumbi wa Taasisi hiyo iliyopo Jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) na mgeni rasmi katika mkutano mkuu wa mwaka wa wanachama wa Chama cha kuweka akiba na mikopo (SACCOS) cha JKCI akiwapongeza wanachama hao kwa kuweka jitihada za kuboresha mfuko wa SACCOS leo wakati wa mkutano huo uliofanyika katika ukumbi wa JKCI iliyopo jijini Dar es Salaam Afisa Ushirika Halmashauri ya Jiji la Dar es Salaam Mihayo Malunde akielezea namna fedha zinazokusanywa na Chama cha kuweka akiba na mikopo (SACCOS) cha JKCI zinaweza kuongeza uchumi wa wanachama wakati wa mkutano mkuu wa mwaka wa wanachama wa SACCOS ya Taasisi ya Moyo Jakaya Kikwete (JKCI) uliofanyika leo katika ukumbi wa JKCI iliyopo jijini Dar es Salaam Mjumbe wa Chama cha kuweka akiba na mikop...
Read more

JKCI, MOI NA MNH waitwa Comoro kutoa huduma za matibabu ya kibingwa

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuonyesha Waziri wa Ulinzi wa Comoro Mhe. Yousoufa Mohamed Ali    sehemu ya kusubiria wagonjwa wa kliniki maalumu ya VIP alipotembelea taasisi hiyo leo kwaajili ya kuona huduma mbalimbali za matibabu ya moyo zinazotolewa. Waziri wa Ulinzi wa Comoro Mhe. Yousoufa Mohamed Ali akizungumza na viongozi wa wizara ya Afya, Taasisi ya Moyo Jakaya Kikwete (JKCI), Taasisi ya Tiba ya Mifupa na Ubongo Muhimbili (MOI) na  Hospitali ya Taifa Muhimbili (MNH)  alipozitembelea hospitali hizo leo kwaajili ya kuona namna ambavyo zitawatuma wataalamu wake   kwenda kutoa huduma za matibabu ya kibingwa kwa wananchi wa Comoro.   Waziri wa Ulinzi wa Comoro Mhe. Yousoufa Mohamed Ali akiagana na Naibu Katibu Mkuu wa Wizara ya Afya Mhandisi Ismail Rumatila mara baada ya kukutana na viongozi wa wizara hiyo, Taasisi ya Moyo Jakaya Kikwete (JKCI), Taasisi ya Tiba ya Mifupa na Ubongo Muhimbili (MOI) na...
Read more