Huduma za kibingwa za Moyo zawafikia wakazi wa Njombe


Mganga Mkuu wa Mkoa wa Njombe Dkt. Juma Mfanga akizungumza na Wafanyakazi wa Taasisi ya Moyo Jakaya Kikwete (JKCI) Hospitali ya Dar Group walioko Mkoani Njombe wanaotoa huduma za uchunguzi na matibabu ya magonjwa mbalimbali kwenye maonesho ya Usalama na Afya Mahali pa Kazi yanayofanyika katika Viwanja vya Shule ya Msingi Mji Mwema vilivyopo mkoani humo.

Daktari bingwa wa Taasisi ya Moyo Jakaya Kikwete (JKCI) Moses Manumbu akimsikiliza mwananchi aliyefika katika banda la JKCI Hospitali ya Dar Group kwaajili ya kupata huduma za uchunguzi na matibabu ya magonjwa mbalimbali zinazotolewa na taasisi hiyo katika maonesho ya Usalama na Afya Mahali pa Kazi yanayofanyika katika Viwanja vya Shule ya Msingi Mji Mwema vilivyopo mjini Njombe.

Wananchi wakipata huduma za uchunguzi na matibabu ya magonjwa mbalimbali katika banda la Taasisi ya Moyo Jakaya Kikwete (JKCI) Hospitali ya Dar Group wakati wa maonesho ya Usalama na Afya Mahali pa Kazi yanayofanyika katika Viwanja vya Shule ya Msingi Mji Mwema vilivyopo mjini Njombe.

Na JKCI

*******************************************************************************************************

Wakazi wa Mkoa wa Njombe na mikoa jirani wametakiwa kujitokeza kwa wingi kupima afya zao zikiwemo za moyo, huduma inayotolewa na  Taasisi ya Moyo Jakaya Kikwete (JKCI) Hospitali ya Dar Group ili kujua hali ya afya zao na kupata elimu ya kujikinga na magonjwa yasiyoambukiza.

Huduma hizo zinatolewa katika Maonesho ya Usalama na Afya Mahali pa Kazi yanayofanyika katika viwanja vya Shule ya Msingi Mji Mwema vilivyopo mjini Njombe.

Akizungumza jana na wananchi waliofika kupata huduma hizo Mganga Mkuu wa Mkoa wa Njombe Dkt. Juma Mfanga alisema kambi hiyo itakuwa msaada mkubwa kwa wananchi wa mkoa huo kwani ni mara ya kwanza huduma maalumu za moyo kutolewa na wataalamu wa JKCI kupitia maonesho hayo katika mkoa huo.

“Tumefurahi kuona kupitia maonesho haya JKCI mmeleta kambi ya uchunguzi na matibabu ya magonjwa mbalimbali mkoani Njombe. Ni muhimu wananchi wa mkoa huu  wakatumia fursa hii kujua namba zao za afya na kupata elimu ya namna ya kujikinga na magonjwa yasiyoambukiza”, alisema Dkt. Mfanga.

Aliongeza kuwa Mkoa wa Njombe utaendelea kushirikiana na JKCI kuhakikisha huduma za kibingwa za moyo zinawafikia wananchi wengi zaidi na kupunguza adha ya kusafiri nje ya mkoa huo kutafuta huduma hizo.

Kwa upande wake Daktari kutoka JKCI Hospitali ya Dar Group  Elius Birago alisema huduma za uchunguzi na matibabu ya kibingwa ya magonjwa mbalimbali ikiwemo moyo ni huduma ambazo zinatolewa na taasisi hiyo katika maonesho hayo na kuwahimiza  wakazi wa Njombe kutumia fursa hiyo kujua namba zao za afya.

Dkt. Birago alisema ni muhimu kwa jamii kufahamu hali zao za kiafya na kuchukua hatua mapema za kujikinga na magonjwa ya moyo na magonjwa mengine yasiyoambukiza ambayo yamekuwa yakiongezeka kwa kasi na kuathili nguvu kazi ya taifa.

“Kutokana na ongezeko la watu wanaopata magonjwa yasiyoambukiza yakiwemo ya moyo, JKCI tumekuja na kampeni ya Jua Namba Zako za Afya ili kuihamasisha jamii kujua shinikizo la damu, kiwango cha sukari kwenye damu, uwiano wa urefu na uzito, mapigo ya moyo pamoja na mafuta mwilini”,  alisema Dkt. Birago.

Dkt. Birango alisema jamii ikifahamu viashiria hivyo mapema na kuchukua hatua stahiki itaweza kujikinga na magonjwa hayo na kuishi maisha yenye afya bora.

Taasisi ya Moyo Jakaya Kikwete (JKCI) imeendelea kuweka kambi maalumu za uchunguzi wa afya katika maeneo mbalimbali nchini ikiwa ni sehemu ya kampeni ya kuhamasisha jamii kupima afya zao ili  kujikinga na magonjwa yasiyoambukiza yakiwemo magonjwa ya moyo.



Comments

Post a Comment

Popular posts from this blog

JKCI na Burkina Faso zasaini makubaliano ya ushirikiano katika kutoa tiba ya magonjwa ya moyo

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore wakisaini hati ya makubaliano ya ushirikiano katika kutoa huduma bobezi za matibabu  ya moyo jana jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore wakibadilishana hati ya makubaliano ya ushirikiano katika kutoa huduma bobezi za matibabu ya moyo jana jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore wakionesha hati ya makubaliano ya ushirikiano katika kutoa huduma bobezi za matibabu ya moyo mara baada ya kuisaini jana jijini Dar es Salaam.  Mkurugenzi Mtendaji wa Taasisi ya Moyo Jakaya Kikwete (JKCI) Dkt. Pe...
Read more

Wanawake waaswa kulinda mioyo yao, kuepuka sukari na chumvi kupita kiasi

Image
Wahasibu wa Taasisi ya Moyo Jakaya Kikwete (JKCI) CPA. Ashura Ally na Edna Sanga wakifuatilia mada ya wakifuatilia mada ya    kumbukumbu gani umeiacha katika eneo lako la kazi kutokana na matendo yako mazuri uliyoyafanya iliyokuwa inatolewa katika mkutano wa Chama cha Wahasibu Wanawake Tanzania (TAWCA) unaofanyika jijini Arusha. Afisa Uuguzi wa Taasisi ya Moyo Jakaya Kikwete (JKCI) Idrisa Ndende akimpima kiwango cha sukari kwenye damu Mhasibu aliyefika katika banda la taasisi hiyo kwaajili ya kupata huduma za uchunguzi na matibabu ya moyo wakati wa    mkutano wa Chama cha Wahasibu Wanawake Tanzania (TAWCA) unaofanyika jijini Arusha. Mkurugenzi wa Fedha na Mipango wa Taasisi ya Moyo Jakaya Kikwete (JKCI) CPA. Agnes Kuhenga na Daktari Bingwa wa Magonjwa ya Moyo  Engerasia Kifai  wa taasisi hiyo  wakifuatilia mada ya  kumbukumbu gani umeiacha katika eneo lako la kazi kutokana na matendo yako mazuri uliyoyafanya iliyokuwa inatolewa  katika m...
Read more