Wafanyakazi JKCI Dar Group wapewa onyo dhidi ya ubadhilifu wa mali za Umma



Mkurugenzi wa Taasisi ya Moyo Jakaya Kikwete (JKCI) Hospitali ya Dar Group Dkt. Tulizo Shemu akizungumza  na wafanyakazi wa Hospitali hiyo hiyo jana  jijini Dar es Salam wakati  wa hafla ya kuwatambua wafanyakazi bora kuelekea maadhimisho ya Sikukuu ya Wafanyakazi duniani.

Mkurugenzi wa Taasisi ya Moyo Jakaya Kikwete (JKCI) Hospitali ya Dar Group Dkt. Tulizo Shemu akiwa katika picha ya pamoja na wafanyakazi wa taasisi hiyo wakati  wa hafla ya kuwatambua wafanyakazi bora kuelekea maadhimisho ya Sikukuu ya Wafanyakazi Duniani.

Na JKCI

****************************************************************************************************

Wafanyakazi wa Taasisi ya Moyo Jakaya Kikwete (JKCI) Hospitali ya Dar Group wametakiwa kuepuka ubadhilifu katika matumizi ya mali za umma ikiwemo matumizi yasiyo sahihi ya vifaa vya ofisi pamoja na vitendo vya uhujumu uchumi vinavyoweza kuathiri utendaji wa kazi za taasisi.

Rai hiyo imetolewa  jana na Mkurugenzi wa JKCI Hospitali ya Dar Group, Dkt. Tulizo Shemu wakati wa hafla ya kukabidhi tuzo kwa wafanyakazi bora ikiwa ni sehemu ya maadhimisho ya Siku ya Wafanyakazi duniani.

Dkt. Shemu alisisitiza umuhimu wa watumishi wa umma kutumia kwa uangalifu rasilimali za ofisi ili kupunguza upotevu wa fedha za umma na kuongeza ufanisi katika utoaji wa huduma.

“Wewe Mfanyakazi usiwe chanzo cha upotevu wa mali za umma, epuka kununua vifaa vya ofisi kwa gharama zisizo na sababu na hakikisha unavitunza vizuri vifaa vyote vilivyonunuliwa.Ukibainika kufanya ubadhilifu au matumizi mabaya ya mali za umma hatua za kinidhamu zitachukuliwa ikiwemo kufikishwa TAKUKURU”,  alisema Dkt. Shemu.

Dkt. Shemu alisema kila mfanyakazi ana jukumu la kufanya kazi kwa bidii na kuepuka uzembe ili kuendelea kuboresha huduma kwa wagonjwa na kuongeza kuwa uhujumu uchumi hauhusiani tu na wizi wa fedha bali pia ni pamoja na kupokea mshahara bila kufanya kazi ipasavyo.

Kwa upande wake Kaimu Meneja Rasilimali Watu wa JKCI Hospitali ya Dar Group Neema Minja, aliwapongeza wafanyakazi kwa ushirikiano mzuri kazini na kuwataka kuongeza juhudi katika kuwahudumia wananchi kwa upendo na weledi.

“Licha ya baadhi ya wafanyakazi kupata zawadi za wafanyakazi hodarileo, nawasisitiza na nyie wengine kujituma kazini na kufanya kazi kwa upendo ili wagonjwa waendelee kufurahia huduma zetu”,  alisema Neema.

Nao baadhi ya wafanyakazi waliochaguliwa kuwa wafanyakazi hodari wa mwaka wa fedha  2025/26 walisema mafanikio hayo ni matokeo ya juhudi za pamoja na ushirikiano kazini.

Kwa upande wake Mhandisi wa Vifaa Tiba JKCI Dar Group Elpidius Prosper ambaye ni mfanyakazi hodari wa hospitali hiyo kwa mwaka wa fedha wa 2025/26 alisema ushindi huo ni motisha ya kuongeza juhudi zaidi kwani wafanyazi wote ni bora katika nafasi zao hivyo basi wafanye kazi kwa bidii ili wananchi waendelee kunufaika na huduma wanazozitoa.

“Kuchaguliwa kwangu kuwa meneja Tuzo hii ni matokeo ya mshikamano wa wafanyakazi wote kwani kidole kimoja hakivunji chawa hivyo basi tuendelee kushirikiana kwa bidii kwani kufanya kazi kwa pamoja kunaifanya taasisi yetu ifike mbali zaidi”, alisema CPA. Ashura Ally, Meneja wa Kitengo cha Fedha na Uhasibu wa JKCI Dar Group ambaye amechaguliwa kuwa meneja hodari wa mwaka wa fedha wa 2025/26.

Naye Mkuu wa Kitengo cha TEHAMA wa JKCI Dar Group, John Owenya  ambaye amechaguliwa kuwa Mkuu wa Kitengo hodari wa mwaka wa fedha 2025/26  alisema mafanikio ya kazi yanatokana na bidii na uwajibikaji wa kila mmoja aliwahimiza wafanyakazi kufanya kazi kwa ufanisi na  matokeo yake yataonekana na watu kuridhika na huduma unazozitoa.


Comments

Post a Comment

Popular posts from this blog

Wanawake waaswa kulinda mioyo yao, kuepuka sukari na chumvi kupita kiasi

Image
Wahasibu wa Taasisi ya Moyo Jakaya Kikwete (JKCI) CPA. Ashura Ally na Edna Sanga wakifuatilia mada ya wakifuatilia mada ya    kumbukumbu gani umeiacha katika eneo lako la kazi kutokana na matendo yako mazuri uliyoyafanya iliyokuwa inatolewa katika mkutano wa Chama cha Wahasibu Wanawake Tanzania (TAWCA) unaofanyika jijini Arusha. Afisa Uuguzi wa Taasisi ya Moyo Jakaya Kikwete (JKCI) Idrisa Ndende akimpima kiwango cha sukari kwenye damu Mhasibu aliyefika katika banda la taasisi hiyo kwaajili ya kupata huduma za uchunguzi na matibabu ya moyo wakati wa    mkutano wa Chama cha Wahasibu Wanawake Tanzania (TAWCA) unaofanyika jijini Arusha. Mkurugenzi wa Fedha na Mipango wa Taasisi ya Moyo Jakaya Kikwete (JKCI) CPA. Agnes Kuhenga na Daktari Bingwa wa Magonjwa ya Moyo  Engerasia Kifai  wa taasisi hiyo  wakifuatilia mada ya  kumbukumbu gani umeiacha katika eneo lako la kazi kutokana na matendo yako mazuri uliyoyafanya iliyokuwa inatolewa  katika m...
Read more

Kutoka miaka 22 hadi kustaafu: Safari ya Lemmah yatoa somo kwa Watumishi wa Umma

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi mfano wa hundi ya zawadi ya kustaafu  aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI, Ghati Chacha. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi tuzo ya shukrani kutokana na mchango wake alioutoa katika taasisi hiyo aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah ambaye amestaafu kwa mujibu wa sheria wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI  Ghati Chacha. Mkurugenzi wa Utawala na Rasiliamali Watu wa Taasisi ya Moyo Jakaya Kikwete (JKCI) Ghati Chacha akimkabidhi cheti cha shukrani kutokan...
Read more