Watu 1,200 wafanyiwa uchunguzi wa magonjwa ya moyo maonesho ya SABASABA


Afisa huduma kwa Wateja Stephano Zavara wa Taasisi ya Moyo Jakaya Kikwete (JKCI) akimsikiliza mwananchi aliyefika katika banda la JKCI wakati wa maonesho ya 50 ya Kimataifa ya Biashara ya Dar es Salaam (SABASABA) yaliyokuwa yakifanyika katika viwanja vya Julius Kambarage Nyerere vilivyopo Barabara ya Kilwa jijini Dar es Salaam.



Afisa Uuguzi wa Taasisi ya Moyo Jakaya Kikwete (JKCI) Happy Malunde akiwaelezea umuhimu wa kulinda afya ya moyo wanafunzi waliofika katika banda la JKCI wakati wa maonesho ya 50 ya Kimataifa ya Biashara ya Dar es Salaam (SABASABA) yaliyokuwa yakifanyika katika viwanja vya Julius Kambarage Nyerere vilivyopo Barabara ya Kilwa jijini Dar es Salaam
 

Mteknolojia wa maabara wa Taasisi ya Moyo Jakaya Kikwete (JKCI) Jordan Megabe akichukua vipimo vya dkwa kutoka kwa mwananchi aliyefika katika banda la JKCI wakati wa maonesho ya 50 ya Kimataifa ya Biashara ya Dar es Salaam (SABASABA) yaliyokuwa yakifanyika katika viwanja vya Julius Kambarage Nyerere vilivyopo barabara ya Kilwa jijini Dar es Salaam.



Daktari Bingwa wa upasuaji wa moyo wa Taasisi ya Moyo Jakaya Kikwete (JKCI) Thabiti Ramadhani akizungumza na Naibu Kamishina Mkuu wa Kenya nchini Tanzania Balozi Mohamed Hussein alipotembelea banda la JKCI wakati wa maonesho ya 50 ya Kimataifa ya Biashara ya Dar es Salaam (SABASABA) yaliyokuwa yakifanyika katika viwanja vya Julius Kambarage Nyerere vilivyopo Barabara ya Kilwa jijini Dar es Salaam


**************************************************************************************
 Watu 1,200 waliotembelea maonesho ya 50 SABASABA wamefanyiwa uchunguzi wa magonjwa ya moyo na kupata elimu kuhusu magonjwa hayo.

Uchunguzi huo ulifanywa na wataalamu wa Taasisi ya Moyo Jakaya Kikwete (JKCI) wakati wa maonesho ya 50 ya Kimataifa ya Biashara ya Dar es Salaam (SABASABA) yaliyofanyika kwa siku 16 katika viwanja vya Julius Kambarage Nyerere vilivyopo barabara ya Kilwa jijini Dar es Salaam.

Akizungumza na waandishi wa habari wakati wa kuhitimisha maonesho hayo jijini Dar es Salaam Daktari Bingwa wa Upasuaji wa Moyo wa Taasisi ya Moyo Jakaya Kikwete (JKCI) Thabiti Ramadhani alisema mwitikio wa wananchi kufahamu afya zao ulikuwa mkubwa ambapo watu 510 walijitokeza kujua namba zao za afya.

“Watu wengi waliofika hapa hawakuwa wanajua kama wana matatizo ya kiafya kupitia kampeni yetu ya “Jua Namba Zako” tumeweza kubaini asilimia 75 ya watu waliojitokeza wana matatizo ya kiafya bila wao kujua ambapo wengi wamegundulika kuwa na kisukari, shinikizo la juu la damu, uzito mkubwa na magonjwa ya moyo”, alisema Dkt. Thabiti.

Dkt. Thabiti aliongeza kuwa ni muhimu wananchi kutumia fursa zinazopatikana wakati wa maonesho kama ya SABASABA kujitokeza kupima afya zao kwani huduma hizo huokoa muda na gharama.

“Katika maonesho haya tulikuwa tukitoa huduma za kupima utendaji wa moyo kwa kutumia mashine ya ECG (Electrocardiography) na kuangalia mfumo wa umeme unavyofanyakazi kwa kutumia machine ya ECHO (Echocardiogram) pamoja na kuangalia utendaji wa moyo wakati wa mazoezi (Stress test) na wale waliogundulika kuwa na matatizo walipatiwa matibabu na wengine kupewa rufaa”, alisema Dkt. Thabiti

Aidha Dkt. Thabiti aliwataka wananchi kuzingatia lishe bora ili kujikinga dhidi ya magonjwa yasiyoambukiza huku akisistiza umuhimu wa kupima homa ya ini na kupata chanjo dhidi ya ugonjwa huo.

“JKCI tunatoa huduma za kupima homa ya ini na chanjo yake ambapo katika maonesho haya watu 50 walijitokezaa kupima ugonjwa huo”, alisema Dkt. Thabiti.


Comments

Post a Comment

Popular posts from this blog

Kutoka miaka 22 hadi kustaafu: Safari ya Lemmah yatoa somo kwa Watumishi wa Umma

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi mfano wa hundi ya zawadi ya kustaafu  aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI, Ghati Chacha. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi tuzo ya shukrani kutokana na mchango wake alioutoa katika taasisi hiyo aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah ambaye amestaafu kwa mujibu wa sheria wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI  Ghati Chacha. Mkurugenzi wa Utawala na Rasiliamali Watu wa Taasisi ya Moyo Jakaya Kikwete (JKCI) Ghati Chacha akimkabidhi cheti cha shukrani kutokan...
Read more

Wanawake waaswa kulinda mioyo yao, kuepuka sukari na chumvi kupita kiasi

Image
Wahasibu wa Taasisi ya Moyo Jakaya Kikwete (JKCI) CPA. Ashura Ally na Edna Sanga wakifuatilia mada ya wakifuatilia mada ya    kumbukumbu gani umeiacha katika eneo lako la kazi kutokana na matendo yako mazuri uliyoyafanya iliyokuwa inatolewa katika mkutano wa Chama cha Wahasibu Wanawake Tanzania (TAWCA) unaofanyika jijini Arusha. Afisa Uuguzi wa Taasisi ya Moyo Jakaya Kikwete (JKCI) Idrisa Ndende akimpima kiwango cha sukari kwenye damu Mhasibu aliyefika katika banda la taasisi hiyo kwaajili ya kupata huduma za uchunguzi na matibabu ya moyo wakati wa    mkutano wa Chama cha Wahasibu Wanawake Tanzania (TAWCA) unaofanyika jijini Arusha. Mkurugenzi wa Fedha na Mipango wa Taasisi ya Moyo Jakaya Kikwete (JKCI) CPA. Agnes Kuhenga na Daktari Bingwa wa Magonjwa ya Moyo  Engerasia Kifai  wa taasisi hiyo  wakifuatilia mada ya  kumbukumbu gani umeiacha katika eneo lako la kazi kutokana na matendo yako mazuri uliyoyafanya iliyokuwa inatolewa  katika m...
Read more