Msomali aishukuru JKCI kwa upasuaji wa mtoto wake

 

Daktari bingwa wa magonjwa ya moyo kwa watoto Evelyn Furumbe na  Afisa Muuguzi Mariam Makapu wa Taasisi ya Moyo Jakaya Kikwete (JKCI) wakimuhudumia mtoto kutoka nchini Somalia ambaye amefanyiwa upasuaji wa kuzibwa tundu la moyo katika Taasisi hiyo ambaye ameruhusiwa kutoka wodini leo tarehe 07/11/2022. Kulia ni bibi wa mtoto huyo Halimo Isse.

 Daktari bingwa wa magonjwa ya moyo kwa watoto Evelyn Furumbe na Afisa Muuguzi wa Taasisi ya Moyo Jakaya Kikwete (JKCI) Mariam Makapu wakimuhudumia mtoto kutoka nchini Somalia ambaye alifanyiwa upasuaji wa kufungua kifua na kuzibwa tundu la moyo katika Taasisi hiyo, mtoto huyo  ameruhusiwa  kutoka wodini leo tarehe 07/11/2022.

Hirs Ally ambaye ni baba mdogo wa mtoto aliyefanyiwa upasuaji wa moyo kutoka nchini Somalia akimtazama kwa furaha mtoto huyo mara baada ya kuruhusiwa kutoka wodini katika Taasisi ya Moyo Jakaya Kikwete (JKCI) alikokuwa anapatiwa matibabu.

*******************************************************************************************************************************************************************************************************************

Raia wa Somalia ameshukuru kwa huduma ya upasuaji wa kuziba tundu la moyo aliofanyiwa mtoto wake mwenye umri wa mwaka mmoja na miezi miwili katika Taasisi ya Moyo Jakaya Kikwete (JKCI).

Shukrani hizo amezitoa leo jijini Dar es Salaam wakati akiongea na mwandishi wa habari hizi mara baada ya mtoto huyo kuruhusiwa kutoka wodini ambako alikuwa anapatiwa matibabu.

Hirs Ally ambaye ni baba mdogo wa mtoto alisema baba wa mtoto huyo aliyeko nchini Somalia alipata taarifa ya kupatikana kwa huduma ya upasuaji wa moyo JKCI na hivyo kumtuma mtoto huyo aliyeambatana na  bibi yake kuja hapa nchini kwa ajili ya kupatiwa matibabu.

“Tunashukuru huduma tuliyoipata ni nzuri kuna vifaa vya kutosha pia madaktari na wauguzi ni marafiki kila unachowauliza wanakujibu na wanakwambia kila kitu ambacho mtoto anaenda kufanyiwa,”.

“Tuliamua kumleta mtoto wetu JKCI kwani gharama za matibabu ni ndogo ukilinganisha na nchini Somalia pia kuna wataalamu wenye ujuzi wa hali ya juu na vifaa viko vya kutosha, ninawasihi wazazi wenye watoto ambao wanamatatizo ya moyo wawalete hapa kwa ajili ya matibabu,”alisema Hirs.

Kwa upande wake daktari bingwa wa magonjwa ya moyo kwa watoto wa Taasisi ya Moyo Jakaya Kikwete (JKCI) Evelyn Furumbe alisema walimpokea mtoto huyo mwenye umri wa mwaka mmoja na miezi miwili tarehe 10/10/2022 na baada ya kumfanyia vipimo waligundua moyo wake una tundu.

Dkt. Evelyn alisema tarehe 11/10/2022 mtoto alifanyiwa upasuaji wa kuziba tundu hilo ambapo hadi sasa anaendelea vizuri na leo hii ameruhusiwa na atarudi kwa ajili ya kliniki baada ya wiki mbili ili kuangalia maendeleo yake.

“Mtoto alikuwa na tundu ambalo linakuwa kati ya mshipa wa kupeleka damu kwenye mwili (Aorta) na wa kupeleka damu kwenye mapafu (Pulmonary) hili tundu mtoto akizaliwa huwa linafunga lakini la kwake halikufunga na lilikuwa na ukubwa wa milimita 6. Pia alikuwa na nyama chini ya Valvu ambayo ilikuwa inasababisha damu kupita kwa kasi katika Aorta na kusababisha mlango wa Aorta kuharibika na kuanza kuvuja damu hivyo basi tiba yake ilikuwa ni  kukata nyama na kuziba  tundu,”.

“Watoto wenye shida kama hizi huwa tunawapokea mara kwa mara na wanafanyiwa upasuaji na kupona na kuendelea na maisha kama watoto wengine,” alisema Dkt. Evelyn.


 

 


Comments

Post a Comment

Popular posts from this blog

Wataalamu wa JKCI kufanya upasuaji wa moyo nchini Zambia

Image
Balozi wa Tanzania nchini Zambia Mhe. Luteni Generali Mathew Edward Mkingule akiwa katika picha ya pamoja na wataalamu wa Taasisi ya Moyo Jakaya Kikwete (JKCI) katika uwanja wa ndege wa kimataifa wa Julius Nyerere (JNIA) kabla ya wataalamu hao kuanza safari  ya  kuelekea katika hospitali ya Taifa ya Moyo ya nchini Zambia kwaajili ya kufanya upasuaji wa moyo kwa watoto. Shirika la Okoa Moyo wa Mtoto (Save a Child’s Heart – SACH) la nchini Israel ndilo lililowezesha kufanyika kwa kambi hiyo ya upasuaji nchini Zambia. Balozi wa Tanzania nchini Zambia Mhe. Luteni  Generali Mathew  Edward  Mkingule akizungumza na wataalamu wa Taasisi ya Moyo Jakaya Kikwete (JKCI) leo katika uwanja wa ndege wa kimatifa wa Julius Nyerere  (JNIA)  kabla ya kuanza safari yao ya kwenda katika hospitali ya Taifa ya Moyo ya nchini Zambia kwaajili ya kufanya upasuaji wa moyo kwa watoto.  Shirika la Okoa Moyo wa Mtoto (Save a Child’s Heart – SACH) la nchini Israel ndilo lililowezesha kufanyika kwa kambi hiyo ya upa
Read more

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w
Read more

JKCI yamshukuru Rais Dkt.Samia kwa kuwapa magari

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akikata utepe wakati wa kuzindua magari mawili yaliyotolewa na Rais wa Jamhuri ya Muungano wa Tanzania Mhe. Dkt. Samia Suluhu Hassan kwaajili ya kutoa huduma kwa wagonjwa wanaotibiwa JKCI. Kushoto ni Mkurugenzi Mtendaji wa JKCI Dkt. Peter Kisenge. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akiwa ndani ya gari la kuhudumia wagonjwa lililotolewa na Rais wa Jamhuri ya Muungano wa Tanzania Mhe. Dkt. Samia Suluhu Hassan na kuzinduliwa leo na Kaimu Mwenyekiti wa Bodi ya Wadhamini ya Taasisi hiyo Asha Izina. Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa Habari mara baada ya uzinduzi wa magari mawili yaliyotolewa na Rais wa Jamhuri ya Muungano wa Tanzania Mhe. Dkt. Samia Suluhu Hassan kwaajili ya kutoa huduma kwa wagonjwa wanaotibiwa katika Taasisi hiyo iliyopo jijini Dar es Salaam. ***************
Read more