Maabara ya JKCI yapata ithibati ya kimataifa (ISO 15189:2012)

 Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge  akizunguma na waandishi wa habari leo jijini Dar es Salaam kuhusu maabara ya Taasisi hiyo kupata  ithibati ya viwango vya ubora wa kimataifa (ISO 15189:2012) katika kutoa huduma za vipimo vya magonjwa ya moyo pamoja na magonjwa mengine.Kulia ni Mkuu wa Kitengo cha Uhusiano na Mawasiliano wa JKCI Anna Nkinda.

Kaimu Mkuu wa Maabara ya Taasisi ya Moyo Jakaya Kikwete (JKCI) Emmanuel Mgao akizungumza na waandishi wa habari leo jijini Dar es Salaam kuhusu maabara hiyo kukidhi vigezo vilivyowekwa kimataifa katika kutoa huduma na kupata ithibati yenye namba ISO 15189:2012.

Wafanyakazi wa Maabara ya Taasisi ya Moyo Jakaya Kikwete (JKCI) wakimsikiliza Mkurugenzi Mtendaji wa Taasisi hiyo Dkt. Peter Kisenge  wakati akizunguma na waandishi wa habari leo jijini Dar es Salaam kuhusu maabara hiyo kupata  ithibati ya viwango vya ubora wa kimataifa (ISO 15189:2012) katika kutoa huduma za vipimo vya magonjwa ya moyo pamoja na magonjwa mengine.

****************************************************************************************************************************************************************************************************

Maabara ya Taasisi ya Moyo Jakaya Kikwete (JKCI) imepata ithibati ya viwango vya ubora wa kimataifa katika kutoa huduma za vipimo vya magonjwa ya moyo pamoja na magonjwa mengine.

Shirika la Kimataifa la Viwango (ISO) ndilo lililotoa ithibati hiyo yenye namba ISO 15189:2012 kwa maabara ya JKCI yenye mashine za kisasa inayotoa vipimo zaidi ya 86 vya uchunguzi wa magonjwa mbalimbali yakiwemo ya moyo.

Akizungumza na waandishi wa habari leo jijini Dar es Salaam Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge  alisema kutolewa kwa ithibati hiyo kunamaanisha majibu ya vipimo vyote vinavyotolewa na maabara hiyo vinaaminika kimataifa na vinaweza kutumika popote pale duniani.

Dkt.Kisenge ambaye pia ni daktari bingwa wa magonjwa ya moyo alisema upatikanaji wa ithibati hiyo unaonesha usalama kwa wagonjwa wanaopatiwa huduma za matibabu ya moyo na hasa kwa wagonjwa watu wazima na watoto waofanyiwa upasuaji mkubwa wa moyo.

“Tunaishukuru Wizara ya Afya kwa ushirikano wanaotupatia katika kufanikisha matibabu ya moyo nchini na hasa upande wa maabara”.

“Tumekuwa tukipokea vipimo vya maabara kutoka hospitali na maabara zingine ambazo hazifanyi vipimo vikubwa vya uchunguzi wa magonjwa ya moyo na magonjwa mengine, ninawaomba wale ambao hawawezi kufanya vipimo hivyo wavilete JKCI tutavifanya kwa uharaka na gharama naafuu”.

“Jengo letu la utawala na vipimo limekamilika na limeanza kutumika, siku chache zijazo tutafungua maabara kubwa ya kisasa katika jengo hilo hivyo basi wagonjwa wetu pamoja na wadau wetu wanaofanya vipimo kwetu watarajie kupata huduma bora zaidi”, alisema Dkt. Kisenge.

Dkt. Kisenge alimshukuru Rais wa Jamhuri ya Muungano wa Tanzania Mhe.Dkt. Samia Suluhu Hassan kwa kuiwezesha Taasisi hiyo kuwa na maabara ya kisasa yenye wataalamu wa kutosha ambao wanatoa huduma za kiwango cha kimataifa katika kufanya uchunguzi wa magonjwa mbalimbali.

Kwa upande wake Kaimu Mkuu wa maabara hiyo Emmanuel Mgao alisema hadi kupata ithibati hiyo maabara ilifanyiwa ukaguzi na bodi ya ukaguzi wa maabara ya Kusini mwa Jangwa la Sahara (Southern African Development Community Accreditation Services - SADCAS) na kukidhi vigezo vilivyowekwa kimataifa kwa  maabara katika kutoa huduma.

“Maabara hii ilianza kufanya kazi mwaka 2019, baada ya  miaka sita imeweza kukidhi viwango vya kimataifa, tutahakikisha ubora wa huduma tunazozitoa unawasaidia wagonjwa wetu kupata matibabu sahihi na kwa wakati kutokana na matatizo waliyonayo”, alisema Mgao.


Comments

Post a Comment

Popular posts from this blog

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w...
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na wate...
Read more