Sierra Leone wajifunza JKCI walivyopiga hatua kubwa katika matibabu ya moyo barani Afrika


Kaimu Mkuu wa Hospitali ya Taasisi ya Moyo Jakaya Kikwete (JKCI) Dar Group Dkt. Tulizo Shemu akiwaeleza wageni kutoka nchini Sierra Leonne huduma zinazotolewa katika kliniki na wodi za watu maalumu na wagonjwa kutoka nje ya nchi wakati walipotembelea Taasisi hiyo leo kwaajili ya kuona  huduma za matibabu ya moyo zinazotolewa na Taasisi hiyo  pamoja na kujifunza namna ambavyo JKCI imepiga hatua kubwa katika  matibabu ya moyo barani Afrika.

Mganga Mkuu wa Serikali ya Sierra Leonne Dkt. Sartie Mohamed Kenneth akizungumza na waandishi wa habari kuhusu ziara ya wajumbe kutoka nchini humo ambao walitembelea Taasisi ya Moyo Jakaya Kikwete (JKCI) leo kwaajili ya kuona huduma za matibabu ya moyo zinazotolewa pamoja na kujifunza namna ambavyo JKCI imepiga hatua kubwa katika matibabu ya moyo barani Afrika.

Msimamizi wa wodi ya watoto ya Taasisi ya Moyo Jakaya Kikwete (JKCI) Afisa Uuguzi Theresia Tarimo  akiwaeleza wageni  kutoka nchini Sierra Leonne huduma wanazozipata watoto waliolazwa katika wodi hiyo wakati wageni hao walitembelea Taasisi hiyo  leo kwaajili ya kuona huduma za matibabu ya moyo zinazotolewa pamoja na kujifunza namna ambavyo JKCI imepiga hatua kubwa katika  matibabu ya moyo barani Afrika.

Kaimu Mkuu wa Hospitali ya Taasisi ya Moyo Jakaya Kikwete (JKCI) Dar Group Dkt. Tulizo Shemu akiwa katika picha ya pamoja na wageni kutoka nchini Sierra Leonne na wafanyakazi wa Bohari Kuu ya Dawa (MSD) mara baada ya kumaliza ziara yao ya kuona huduma za matibabu ya moyo zinazotolewa na Taasisi hiyo pamoja na kujifunza namna ambavyo JKCI imepiga hatua kubwa katika matibabu ya moyo barani Afrika.


Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akizungumza na wageni kutoka nchini Sierra Leonne ambao walitembelea Taasisi hiyo leo kwaajili ya kuona huduma za matibabu ya moyo zinazotolewa pamoja na kujifunza namna ambavyo JKCI imepiga hatua kubwa katika  matibabu ya moyo barani Afrika. Kushoto ni Mganga Mkuu wa Serikali ya Sierra Leonne Dkt. Sartie Mohamed Kenneth.

*******************************************************************************************************************************************************************************************
Wataalamu kutoka Wizara ya Afya nchini Sierra Leone wametembelea Taasisi ya Moyo Jakaya Kikwete (JKCI) kwaajili ya kuona huduma za matibabu ya moyo zinazotolewa pamoja na kujifunza namna ambavyo taasisi hiyo imepiga hatua kubwa katika matibabu ya moyo barani Afrika.

Wakiwa katika Taasisi hiyo  wataalamu hao walijifunza namna  ambavyo matibabu ya moyo yalivyoimarika nchini kutokana na mambo matatu ikiwemo utayari wa Serikali kuwekeza kwenye matatibu ya moyo.

Mbinu zingine ni Bohari Kuu ya Dawa (MSD) kusambaza dawa kwenye taasisi hiyo na mfumo wa manunuzi na uendeshaji wa huduma za kifamasia unavyofanyika, ushirikiano wa watendaji ndani ya taasisi pamoja na matumizi ya mifumo ya Tehama kwenye matibabu.

Uwekezaji kwenye mifumo ya Tehama katika matibabu na utayari wa Serikali kuwekeza ni mambo aliyoyatajwa kuwa ni muhimu wakayafanyie kazi wanapokwenda kuanzisha taasisi ya moyo.

Mganga Mkuu wa Serikali ya Sierra Leone Dkt. Sarfie Kenneth ambaye aliongoza timu ya wataalamu hao 11 kuja nchini, alisema Tanzania kwenye eneo la matibabu imepiga hatua ndio maana wamekuja kujifunza.

Dkt. Keneth alisema ni muhimu kwa nchi za Afrika kushirikiana kufanya kazi kwa pamoja husasan kwenye uimarishaji wa sekta ya afya.

"Tiba nyingi za kibingwa zinafanyika nje ya mataifa ya Afrika hivyo kuwa na taasisi kama JKCI ni hatua kubwa ambapo pia tunapaswa kuweka ushirikiano, lakini tumeona utayari wa Serikali ni uti wa mgongo kwa kila kitu kufanyika", alisema Dkt. Keneth.

Kwa upande wake Mkurugenzi Mtendaji wa Taasisi ya Moyo Jakaya Kikwete (JKCI) Dkt.  Peter Kisenge alisema  matunda ya ziara hiyo ni kuvutia utalii tiba.

"Wenzetu wamekuja kujifunza namna ambavyo tumepiga hatua na tumewaeleza namna Serikali ilivyoamua kuwekeza kwenye matibabu kwa kuajiri wataalamu  na kununua vifaa, pia wamejifunza kuanza kuleta wagonjwa hapa nchini kutokana na ambavyo wameona huduma zinavyotolewa na hii ni sehemu ya utalii tiba”, alisema Dkt. Kisenge.

Naye Mkurugenzi wa Tiba Shirikishi wa JKCI Dkt. Delilah Kimambo alisema matibabu ya moyo si ya daktari peke yake bali ni ushirikiano wa wataalamu mbalimbali hivyo aliwaeleza wataalamu kutoka Sierra Leone ushirikiano wa wataalamu kwenye taasisi hiyo ndiyo kiungo muhimu kwa usalama wa wagonjwa.

Ziara hiyo ya wataalamu kutoka Wizara ya Afya  nchini Sierra Leone ilikuwa ni ya  kujifunza namna JKCI  ilivyopiga hatua na mbinu walizotumia kwa lengo la kwenda kutumia mbinu hizo kuanzisha taasisi kama hiyo nchini humo.


Comments

Post a Comment

Popular posts from this blog

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w...
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na wate...
Read more

Maabara ya JKCI yapata ithibati ya kimataifa (ISO 15189:2012)

Image
 Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge  akizunguma na waandishi wa habari leo jijini Dar es Salaam kuhusu maabara ya Taasisi hiyo kupata  ithibati ya viwango vya ubora wa kimataifa (ISO 15189:2012) katika kutoa huduma za vipimo vya magonjwa ya moyo pamoja na magonjwa mengine.Kulia ni Mkuu wa Kitengo cha Uhusiano na Mawasiliano wa JKCI Anna Nkinda. Kaimu Mkuu wa Maabara ya Taasisi ya Moyo Jakaya Kikwete (JKCI) Emmanuel Mgao akizungumza na waandishi wa habari leo jijini Dar es Salaam kuhusu maabara hiyo kukidhi vigezo vilivyowekwa kimataifa katika kutoa huduma na kupata  ithibati yenye namba ISO 15189:2012 . Wafanyakazi wa Maabara ya Taasisi ya Moyo Jakaya Kikwete (JKCI) wakimsikiliza Mkurugenzi Mtendaji wa Taasisi hiyo Dkt. Peter Kisenge  wakati akizunguma na waandishi wa habari leo jijini Dar es Salaam kuhusu maabara hiyo kupata  ithibati ya viwango vya ubora wa kimataifa (ISO 15189:2012) katika kutoa hudu...
Read more