77 Wapewa rufaa kufika JKCI kwaajili ya matibabu zaidi


Afisa Uuguzi wa Taasisi ya Moyo Jakaya Kikwete (JKCI) Odilia Njau akimpa elimu kuhusu shinikizo la damu mwananchi aliyetembelea banda la taasisi hiyo wakati wa kambi maalumu ya Mhe. Dkt. Samia Suluhu Hassan Outreach Services iliyokuwa ikifanyika katika maonesho ya Kimataifa ya usalama na afya mahali pa kazi na kumalizika jana jijini Arusha. Jumla ya watu 672 wamepatiwa huduma za uchunguzi na matibabu ya moyo.

 

Wananchi wa mkoa wa Arusha wakiendelea kupata huduma katika banda la Taasisi ya Moyo Jakaya Kikwete (JKCI) wakati wa kambi maalumu ya Mhe. Dkt. Samia Suluhu Hassan Outreach Services iliyokuwa ikifanyika katika maonesho ya Kimataifa ya usalama na afya mahali pa kazi na kumalizika jana jijini Arusha. Jumla ya watu 672 wamepatiwa huduma za uchunguzi na matibabu ya moyo.

*************************************************************************************************************

Watu 77 wamepewa rufaa kufika katika Taasisi ya Moyo Jakaya Kikwete (JKCI) kwaajili ya kufanyiwa vipimo vikubwa vya kuchunguza moyo na wengine kufanyiwa upasuaji wa moyo.

Rufaa hizo zimetolewa wakati wa kambi maalumu ya siku 8 ijulikanayo kama Mhe. Dkt. Samia Suluhu Hassan Outreach Services iliyokuwa ikifanyika katika maonesho ya kimataifa ya usalama na afya mahali pa kazi na kumalizika jana katika viwanja vya General tyre vilivyopo jijini Arusha.

Akizungumza na waandishi wa habari daktari bingwa wa magonjwa ya moyo wa Taasisi ya Moyo Jakaya Kikwete (JKCI) Dickson Minja alisema watu wengi waliowahudumia na kuwakuta na matatizo ya shinikizo la damu, sukari na magonjwa ya moyo walikuwa hawajijui na hawakuwa wakitumia dawa.

“Kupitia vipimo tulivyovifanya wakati wa maonesho haya, watu 147 tumewakutwa na shinikizo la damu ambapo kati yao watu 85 hawakuwa wanajua kama wana matatizo ya shinikizo la damu hivyo hawakuwa wanatumia dawa”,

“Watu 23 tuliwakuta na magonjwa ya moyo ambayo ni matatizo ya valvu za moyo (Rheumatic heart disease), changamoto za mfumo wa upelekaji wa damu kwenye moyo (Ischemic heart disease), moyo kutanuka, na shinikizo la juu la damu”, alisema Dkt. Dickson

Dkt. Dickson alisema katika maonesho hayo wameweza kuwafanyia vipimo vya magonjwa ya moyo, shinikizo la damu na sukari kwenye damu wananchi 672 ambapo kati yao watu 170 sawa na asilimia 25 wamekutwa na magonjwa mbalimbali ya moyo.

Wakizungumza kwa nyakati tofauti wananchi wa Arusha wameishukuru taasisi ya JKCI kwa kuwafikishia huduma karibu, kuwapa nafasi ya kupima afya na kupata elimu ya kujikinga na magonjwa ya moyo.

John Eliud alisema haikuwa rahisi kwake kuchukua uamuzi wa kupima moyo kutokana na mtindo wa maisha yake kwani amekuwa akitumia vilevi mbalimbali ambavyo mara nyingi amekuwa akiambiwa si salama kwa afya.

“Nawashukuru sana JKCI nimepima sukari, presha na moyo na vyote nimekuta viko sawa, daktari kanishauri kupunguza na baadaye kuacha kabisa kutumia vilevi ninavyotumia ili kuulinda moyo wangu”, alisema John

Naye Denis Nyakutanwa aliipongeza Taasisi ya JKCI kwa kazi kubwa inayofanya ya kutoa huduma za uchunguzi wa afya kwa jamii na kuiomba kuendelea kuwafikia wananchi kwani wengi wao hawana uwezo wa kuifikia kwaajili ya kufanya uchunguzi wa afya.

“Nawapongeza sana kwa kutufikia, lakini nimesikia gharama za matibabu ya moyo ni kubwa. Naiomba Serikali iangalie namna ya kuwezesha upatikanaji wa vifaa vya matibabu ya moyo kirahisi ili kupunguza gharama za matibabu ya moyo”, alisema Denis.

Comments

Post a Comment

Popular posts from this blog

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w...
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na wate...
Read more

Maabara ya JKCI yapata ithibati ya kimataifa (ISO 15189:2012)

Image
 Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge  akizunguma na waandishi wa habari leo jijini Dar es Salaam kuhusu maabara ya Taasisi hiyo kupata  ithibati ya viwango vya ubora wa kimataifa (ISO 15189:2012) katika kutoa huduma za vipimo vya magonjwa ya moyo pamoja na magonjwa mengine.Kulia ni Mkuu wa Kitengo cha Uhusiano na Mawasiliano wa JKCI Anna Nkinda. Kaimu Mkuu wa Maabara ya Taasisi ya Moyo Jakaya Kikwete (JKCI) Emmanuel Mgao akizungumza na waandishi wa habari leo jijini Dar es Salaam kuhusu maabara hiyo kukidhi vigezo vilivyowekwa kimataifa katika kutoa huduma na kupata  ithibati yenye namba ISO 15189:2012 . Wafanyakazi wa Maabara ya Taasisi ya Moyo Jakaya Kikwete (JKCI) wakimsikiliza Mkurugenzi Mtendaji wa Taasisi hiyo Dkt. Peter Kisenge  wakati akizunguma na waandishi wa habari leo jijini Dar es Salaam kuhusu maabara hiyo kupata  ithibati ya viwango vya ubora wa kimataifa (ISO 15189:2012) katika kutoa hudu...
Read more