Wapelekeni watoto kupata matibabu ya kibingwa


Daktari bingwa wa magojwa ya moyo kwa watoto wa Taasisi ya Moyo Jakaya Kikwete (JKCI) Theophil Ludovic akimpima mtoto kipimo cha kuangalia jinsi moyo unavyofanya kazi (Echocardiography -ECHO) wakati wa kambi maalumu ya siku tano ijulikanayo kwa jina la Mhe. Dkt. Samia Suluhu Hassan Outreach inayofanyika katika Hospitali ya Rufaa ya Mkoa wa Saumbawanga.

Na: JKCI
*************************************************************************************************************

Wananchi wametakiwa kuwapeleka watoto kupata matibabu ya kibingwa pale zinapotokea kambi mbalimbali za matibabu ya moyo ili nao waweze kupata matibabu hayo.

Rai hiyo imetolewa jana na kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina alipotembelea huduma ya tiba mkoba ijulikanayo kwa jina la Mhe. Dkt. Samia Suluhu Hassan Outreach Services inayofanyika katika Hospitali ya Rufaa ya Mkoa wa Sumbawanga.

Asha ambaye pia ni mratibu wa huduma za afya ya uzazi na mtoto mkoani Rukwa alisema mwitikio wa kupata huduma za kibingwa za matibabu ya moyo umekuwa mkubwa kwa wananchi wa Sumbawanga lakini idadi kubwa ya watu waliojitokeza ni watu wazima na kuwasahau watoto.

“Tukigundua matatizo ya moyo kwa watoto mapema inakuwa rahisi kuwapa huduma kwa wakati tofauti na wakicheleweshwa kwani wapo baadhi yao wakivuka umri fulani kama hawakutibiwa inakuwa ngumu kuwatibu”, alisema Asha

Aidha Asha amewataka wananchi kujiunga na mfuko wa bima ya afya kuwekeza katika afya ili wanapohitaji huduma za matibabu ya kibingwa waweze kuzipata kwa urahisi.

“Tunamshukuru Rais wa Jamhuri ya Muungano wa Tanzania Mhe. Dkt. Samia Suluhu Hassan kwa kuruhusu huduma hii ya kibingwa kufanyika katika mikoa mbalimbali nchini kuwafikia wananchi na kuongeza ujuzi kwa wataalamu wa afya”, alisema Asha

Kwa upande wake Daktari bingwa wa magonjwa ya moyo wa Taasisi ya Moyo Jakaya Kikwete (JKCI) Salehe Mwinchete alisema hadi kufikia jana jumla ya watu 544 wanawake wakiwa 380 sawa na asilimia 90 na wanaume 164 sawa na asilimia 10 walikuwa wamepatiwa huduma katika kambi hiyo.

Dkt. Salehe alisema takwimu zinaonyesha hata katika miji midogo inayokuwa maradhi ya moyo yamekuwa yakiongezeka kwa kasi kwani hadi kufikia jana watu 40 walikuwa wamepatiwa rufaa kufika JKCI kwaajili ya uchunguzi zaidi.

“Watu 90 tumewakuta na maradhi mbalimbali ya moyo ikiwemo shinikizo la juu la damu, sukari, uzito mkubwa, kutanuka kwa moyo, matatizo ya umeme wa moyo, mishipa ya damu kuziba, moyo kushindwa kufanya kazi na matatizo ya valvu za moyo”, alisema Dkt. Salehe.

Dkt. Salehe alisema kupitia kambi hiyo wataacha utaalamu kwa madaktari wa Hospitali ya Rufaa ya Mkoa Sumbawanga hivyo kuwaomba kutumia utalamu huo kuwachunguza na kuwapatia matibabu mapema wagonjwa watakaokuwa na matatizo ya moyo.

Naye Mganga Mfawidhi Hospitali ya Rufaa ya Mkoa wa Sumbawanga Dkt. Ismail Macha alisema hospitali hiyo imekuwa na upungufu wa baadhi ya madaktari bingwa hivyo kushirikiana na Hospitali nyingine kufikisha huduma katika jamii.

“Tumeweka kambi ya wiki moja na madaktari bingwa wa magonjwa ya moyo kuwafikia wananchi wetu ambao wamekuwa wakihitaji huduma hii kwa muda mrefu”, alisema Dkt. Macha

Dkt. Macha aliwashukuru wataalamu wa JKCI kwa kufika Hospitali ya Rufaa ya Mkoa wa Sumbawanga kwaajili yakutoa huduma kwa wananchi pamoja na kuwajegea uwezo wataalamu wa afya wa hospitali hiyo.

Comments

Post a Comment

Popular posts from this blog

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w...
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na wate...
Read more

Maabara ya JKCI yapata ithibati ya kimataifa (ISO 15189:2012)

Image
 Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge  akizunguma na waandishi wa habari leo jijini Dar es Salaam kuhusu maabara ya Taasisi hiyo kupata  ithibati ya viwango vya ubora wa kimataifa (ISO 15189:2012) katika kutoa huduma za vipimo vya magonjwa ya moyo pamoja na magonjwa mengine.Kulia ni Mkuu wa Kitengo cha Uhusiano na Mawasiliano wa JKCI Anna Nkinda. Kaimu Mkuu wa Maabara ya Taasisi ya Moyo Jakaya Kikwete (JKCI) Emmanuel Mgao akizungumza na waandishi wa habari leo jijini Dar es Salaam kuhusu maabara hiyo kukidhi vigezo vilivyowekwa kimataifa katika kutoa huduma na kupata  ithibati yenye namba ISO 15189:2012 . Wafanyakazi wa Maabara ya Taasisi ya Moyo Jakaya Kikwete (JKCI) wakimsikiliza Mkurugenzi Mtendaji wa Taasisi hiyo Dkt. Peter Kisenge  wakati akizunguma na waandishi wa habari leo jijini Dar es Salaam kuhusu maabara hiyo kupata  ithibati ya viwango vya ubora wa kimataifa (ISO 15189:2012) katika kutoa hudu...
Read more