Tumaini jipya kwa watoto wenye magonjwa ya moyo: JKCI na China waunganisha nguv


Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi zawadi Mkurugenzi wa Fedha wa International Health Exchange and Cooperation Center kutoka nchini China, Yong Yu alipotembelea taasisi hiyo  kufuatilia utekelezaji wa ushirikiano katika matibabu ya moyo kwa watoto  ikiwa ni ahadi ya Rais wa nchi hiyo  Xi Jinping aliyoitoa katika Mkutano wa Ushirikiano kati ya China na Afrika (FOCAC) uliofanyika mwaka 2024.

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akipokea zawadi kutoka kwa Mkurugenzi wa Fedha wa International Health Exchange and Cooperation Center kutoka nchini China, Yong Yu alipotembelea taasisi hiyo  kufuatilia utekelezaji wa ushirikiano katika matibabu ya moyo kwa watoto ikiwa ni ahadi ya Rais wa nchi hiyo Xi Jinping aliyoitoa katika Mkutano wa Ushirikiano kati ya China na Afrika (FOCAC) uliofanyika mwaka 2024.


 Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akizungumza na viongozi wa International Health Exchange and Cooperation Center kutoka nchini China kuhusu ushirikiano wa matibabu ya magonjwa ya moyo kwa watoto kati ya Serikali ya Tanzania na Serikali ya Watu wa China utakaotekelezwa kupitia Taasisi ya Moyo Jakaya Kikwete (JKCI).


Wafanyakazi wa Taasisi ya Moyo Jakaya Kikwete (JKCI) wakimsikiliza Mkurugenzi wa Fedha wa International Health Exchange and Cooperation Center kutoka nchini China, Yong Yu akizungumza kuhusu utekelezaji wa ushirikiano katika matibabu ya moyo kwa watoto kati ya Tanzania na China  ikiwa ni ahadi ya Rais wa nchi hiyo  Xi Jinping aliyoitoa katika Mkutano wa Ushirikiano kati ya China na Afrika (FOCAC) uliofanyika mwaka 2024.


Viongozi wa International Health Exchange and Cooperation Center na madaktari bingwa kutoka Serikali ya Watu wa China wanaofanya kazi katika hospitali mbalimbali za Serikali hapa nchini wakimsikiliza Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akizungumza kuhusu utekelezaji wa ushirikiano wa China na Tanzania upande wa matibabu ya moyo kwa watoto.

*********************************************************************************************************************************************************************************************

Watoto wa Kitanzania wenye magonjwa ya moyo wanatarajiwa kunufaika na huduma za uchunguzi, matibabu na upasuaji wa moyo bila malipo, kupitia ushirikiano mpya kati ya Serikali ya Jamhuri ya Muungano wa Tanzania na Serikali ya Watu wa China unaotekelezwa kupitia Taasisi ya Moyo Jakaya Kikwete (JKCI).

Ushirikiano huo ni sehemu ya utekelezaji wa ahadi ya Rais wa China Xi Jinping aliyoitoa katika Mkutano wa Ushirikiano kati ya China na Afrika (FOCAC) uliofanyika mwaka 2024, akisisitiza kuimarishwa kwa ushirikiano wa sekta ya afya kati ya China na Tanzania.

Akizungumza na waandishi wa habari wakati viongozi kutoka International Health Exchange and Cooperation Center ya nchini China walipotembelea taasisi hiyo Mkurugenzi Mtendaji wa JKCI Dkt. Peter Kisenge alisema Serikali ya China imetuma timu ya wataalamu wa afya nchini kwa ajili ya maandalizi ya andiko la makubaliano ya ushirikiano (MoU), hatua itakayowezesha mpango huo kuanza rasmi mwaka ujao.

Alisema lengo la ushirikiano huo ni kujenga uwezo wa wataalamu wa afya wa Tanzania, kupitia mafunzo na elimu ya juu yatakayowawezesha kufikia viwango vya kimataifa katika matibabu ya magonjwa ya moyo.

“Wataalamu kutoka Serikali ya Watu wa China wamefika JKCI ili kuona kwa vitendo namna ya kuanza ushirikiano huu unaolenga kukuza taaluma za wataalamu wetu wa afya,” alisema Dkt. Kisenge.

Aliongeza kuwa kupitia mpango huo, uchunguzi wa awali wa magonjwa ya moyo utafanyika kwa watoto waliopo mashuleni na wale watakaobainika kuwa na matatizo ya moyo watapatiwa matibabu huku baadhi yao wakifanyiwa upasuaji wa moyo bila gharama yoyote.

Dkt. Kisenge ambaye pia ni daktari bingwa wa magonjwa ya moyo na mtaalamu wa kuzibua mishipa ya damu ya moyo alisema mafanikio hayo yametokana na uongozi thabiti wa Rais wa Jamhuri ya Muungano wa Tanzania Mhe. Dkt. Samia Suluhu Hassan katika kuimarisha huduma za ubingwa bobezi ndani ya nchi hatua iliyoiwezesha Tanzania kuvutia ushirikiano wa kimataifa katika sekta ya afya.

“Kupitia ushirikiano huu JKCI itanufaika kwa kupatiwa vifaa tiba vya kisasa vitakavyotolewa bila gharama, jambo litakaloimarisha zaidi huduma za upasuaji wa moyo nchini na kupunguza rufaa za nje,” alisema.

Aidha Dkt. Kisenge alisema ushirikiano huo utahusisha pia tafiti za magonjwa ya moyo zitakazosaidia kubaini mapema vihatarishi na kulinda afya za wananchi, hususan watoto.

Kwa mujibu wa Dkt. Kisenge, lengo la muda mrefu la ushirikiano huo  ni kuifanya Taasisi ya Moyo Jakaya Kikwete (JKCI) kuwa kituo kikubwa cha rufaa cha matibabu ya moyo barani Afrika na duniani.

Kwa upande wake Daktari bingwa wa magonjwa ya moyo kwa watoto kutoka Hospitali ya Shandong Provincial iliyopo nchini China ambaye pia anafanya kazi JKCI Zhao Lijian alisema ushirikiano huo ni hatua muhimu katika kuimarisha huduma za matibabu ya moyo kwa watoto barani Afrika hususan Tanzania.

Alisema timu ya wataalamu kutoka China imevutiwa na kiwango cha huduma kinachotolewa na JKCI hali iliyochangia Serikali ya China kuona umuhimu wa kushirikiana na taasisi hiyo ili kuboresha zaidi uchunguzi, matibabu na upasuaji wa moyo kwa watoto bila gharama.

“Ushirikiano huu utawapa wataalamu wa magonjwa ya moyo wa Tanzania fursa ya kubadilishana uzoefu wa kazi, kupata mafunzo ya vitendo na kutumia teknolojia za kisasa za matibabu ya moyo,” alisema Dkt. Zhao.

Aliongeza kuwa hatua hiyo itaongeza uwezo wa ndani na kuhakikisha huduma za ubingwa bobezi kwa watoto zinaendelea kutolewa hata baada ya kukamilika kwa programu ya ushirikiano.

Dkt. Zhao alisema China itaendelea kushirikiana kwa karibu na Serikali ya Tanzania na JKCI kuhakikisha watoto wanaogundulika kuwa na magonjwa ya moyo wanapata matibabu kwa wakati huku lengo kuu likiwa ni kuokoa maisha ya watoto, kuimarisha urafiki wa muda mrefu kati ya Tanzania na China, na kuchangia maendeleo ya sekta ya afya nchini.



Comments

Post a Comment

Popular posts from this blog

JKCI na Burkina Faso zasaini makubaliano ya ushirikiano katika kutoa tiba ya magonjwa ya moyo

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore wakisaini hati ya makubaliano ya ushirikiano katika kutoa huduma bobezi za matibabu  ya moyo jana jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore wakibadilishana hati ya makubaliano ya ushirikiano katika kutoa huduma bobezi za matibabu ya moyo jana jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore wakionesha hati ya makubaliano ya ushirikiano katika kutoa huduma bobezi za matibabu ya moyo mara baada ya kuisaini jana jijini Dar es Salaam.  Mkurugenzi Mtendaji wa Taasisi ya Moyo Jakaya Kikwete (JKCI) Dkt. Pe...
Read more

Wagonjwa wenye matatizo ya mishipa ya damu ya miguu kutanuka kutibiwa JKCI

Image
Wataalamu wa Taasisi ya Moyo Jakaya Kikwete (JKCI) wakifanya upasuaji kwa njia ya tundu dogo kwa kutumia mtambo wa Cathlab   kumzibua mgonjwa mshipa wa damu wa moyo ulioziba . ***************************************************************************************************************************************************************************************************************************** TAARIFA KWA WATAALAMU WA AFYA NCHINI KAMBI MAALUMU YA MATIBABU YA MAGONJWA YA MISHIPA YA DAMU YA MIGUU KUTANUKA (VARICOSE VEIN) Taasisi ya Moyo Jakaya Kikwete (JKCI) inawaomba wataalamu wa afya nchini   kutoka Hospitali za Wilaya, Mikoa na Rufaa kuwatuma wagonjwa wenye matatizo ya mishipa ya damu kutanuka kwenye miguu kwa jina la kitaalamu Varicose Vein waje kutibiwa katika kambi maalumu ya uchunguzi na matibabu ya kutanuka kwa mishipa hiyo. Matibabu hayo yatakayotolewa tarehe 12 hadi 15 Februari 2025 yatafanywa na   wataalamu wa JKCI kwa kushirikiana na wenzao kutoka Hosp...
Read more

Wanawake waaswa kulinda mioyo yao, kuepuka sukari na chumvi kupita kiasi

Image
Wahasibu wa Taasisi ya Moyo Jakaya Kikwete (JKCI) CPA. Ashura Ally na Edna Sanga wakifuatilia mada ya wakifuatilia mada ya    kumbukumbu gani umeiacha katika eneo lako la kazi kutokana na matendo yako mazuri uliyoyafanya iliyokuwa inatolewa katika mkutano wa Chama cha Wahasibu Wanawake Tanzania (TAWCA) unaofanyika jijini Arusha. Afisa Uuguzi wa Taasisi ya Moyo Jakaya Kikwete (JKCI) Idrisa Ndende akimpima kiwango cha sukari kwenye damu Mhasibu aliyefika katika banda la taasisi hiyo kwaajili ya kupata huduma za uchunguzi na matibabu ya moyo wakati wa    mkutano wa Chama cha Wahasibu Wanawake Tanzania (TAWCA) unaofanyika jijini Arusha. Mkurugenzi wa Fedha na Mipango wa Taasisi ya Moyo Jakaya Kikwete (JKCI) CPA. Agnes Kuhenga na Daktari Bingwa wa Magonjwa ya Moyo  Engerasia Kifai  wa taasisi hiyo  wakifuatilia mada ya  kumbukumbu gani umeiacha katika eneo lako la kazi kutokana na matendo yako mazuri uliyoyafanya iliyokuwa inatolewa  katika m...
Read more