Wagonjwa watano wenye mishipa ya damu iliyoziba kwa asilimia 75 kufanyiwa upasuaji wa moyo



Wataalamu wa upasuaji wa moyo na mishipa ya damu wa Taasisi ya Moyo Jakaya Kikwete (JKCI) wakishirikiana na mwenzao kutoka Hospitali ya Jaslok iliyopo Mumbai nchini India Upendra Bhalerao kumfanyia mgonjwa upasuaji wa kupandikiza mshipa ya damu wa moyo bila kusimamisha moyo (off – Pump CABG) wakati wa kambi maalumu ya siku tano inayofanyika katika Taasisi hiyo iliyopo jijini Dar es Salaam.


Wataalamu wa upasuaji wa moyo na mishipa ya damu wa Taasisi ya Moyo Jakaya Kikwete (JKCI) wakiwa katika picha ya pamoja na wenzao kutoka Hospitali ya Jaslok iliyopo Mumbai nchini India wakati wa kambi maalumu ya siku tano ya upasuaji wa moyo wa kupandikiza mishipa ya damu ya moyo bila kusimamisha moyo (off – Pump CABG) inayofanyika katika Taasisi hiyo iliyopo jijini Dar es Salaam. Kushoto ni Mkurugenzi wa Taasisi ya Health & Wellness Companion Ltd (HWC) Dkt. Priyank Punatar

Picha na Hamis Mussa

******************************************************************************************************

Wagonjwa watano wenye mishipa ya damu iliyoziba kwa asilimia zaidi ya 75 kufanyiwa upasuaji wa kupandikiza mishipa ya damu ya moyo bila kusimamisha moyo (off – Pump CABG).

Upasuaji huo unafanyika katika kambi maalumu ya siku tano iliyoanza jana na kufanywa na wataalamu wa Taasisi ya Moyo Jakaya Kikwete (JKCI) kwa kushirikiana na wenzao kutoka Hospitali ya Jaslok iliyopo Mumbai nchini India.

Akizungumza na waandishi wa habari jana jijini Dar es Salaam Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya alisema kambi hiyo ni maalumu kwa wagonjwa ambao mishipa yao ya moyo imeziba hivyo kusababisha ufanyaji kazi wa mioyo yao kuwa chini ya asilimia 35.

“Wagonjwa tunaowafanyia upasuaji katika kambi hii mara nyingi utuchukua ugumu kidogo kuwafanyia upasuaji kutokana na ufanyaji kazi wa mioyo yao, hivyo ili waweze kuwa na matokeo mazuri mara nyingi wenzetu wanafanya upasuaji huu bila ya kuusimamisha moyo kama ambavyo tunaenda kufanya katika kambi hii”, alisema Dkt. Angela

Dkt. Angela alisema kupitia kambi hiyo wataalamu wa Taasisi ya Moyo Jakaya Kikwete (JKCI) watajengewa uwezo ambao utasaidia kutoa huduma kwa ufanisi zaidi kwa wagonjwa ambao mioyo yao imechoka kutokana na kuziba kwa mishipa ya damu kwa asilimia zaidi ya 75.

“Kambi hii itakuwa endelevu mpaka pale wataalamu wetu watakapoweza kutoa huduma hii bila ya kuusimamisha moyo kwani wagonjwa wanaohitaji huduma hii ni wengi lakini kutokana na hali zao tumekuwa tukiwaweka kwenye matibabu ya dawa kwa muda mrefu kusaidia kuboresha ufanyaji kazi wa mioyo yao”, alisema Dkt. Angela

Kwa upande wake Daktari bingwa wa upasuaji wa moyo na mishipa ya damu kutoka Hospitali ya Jaslok iliyopo Mumbai nchini India Upendra Bhalerao alisema ameona aungane na wataalamu wa JKCI kuwasaidia wagonjwa ambao kutokana na matatizo ya mishipa ya damu kuziba kwa asilimia zaidi ya 75 wanashindwa kujishughulisha na wakati mwingine hupoteza maisha.

“Wagonjwa tutakaowafanyia upasuaji kupitia kambi hii wataweza kufanya shughuli ndogondogo ambazo hapo awali walikuwa hawezi kuzifanya”, alisema Dkt. Bhalerao

Dkt. Bhalerao alisema kupitia kambi hiyo wataalamu watatoa huduma sambamba na kupata mafunzo yatakayosaidia kupunguza idadi ya vifo vinavyotokana na matatizo ya mishipa ya damu ya moyo kuziba.

“Tutaendelea kushirikiana na Taasisi hii na kuweka kambi za matibabu ya mishipa ya damu mara kwa mara ili ujuzi huu uweze kuwafikia wataalamu wa JKCI na hapo baadaye waweze kufanya upasuaji wa namna hii bila ya kuusimamisha moyo”, alisema Dkt. Bhalerao

Naye Mkurugenzi wa Taasisi ya Health & Wellness Companion Ltd (HWC) iliyofanikisha ujio wa wataalamu hao Dkt. Priyank Punatar alisema ujio wa wataalamu hao unaakisi dhamira ya pamoja ya kuwezesha huduma bingwa za kiwango cha kimataifa kuwafikia wataalamu wote.

Dkt. Punatar alisema kupitia ushirikiano huo wamelenga kufikisha huduma za juu za upasuaji wa moyo kupatikana kwa urahisi, kwa gharama nafuu, na kwa karibu bila kulazimika kusafiri nje ya nchi.

“HWC tunaamini huduma bora za afya ni haki ya kila mtu na si fursa kwa wachache, kambi hii ni hatua muhimu katika kuimarisha uwezo wa huduma za afya nchini huku tukihakikisha wagonjwa wetu wanapata huduma zinazokidhi viwango vya kimataifa”, alisema Dkt. Punatar

Comments

Post a Comment

Popular posts from this blog

JKCI na Burkina Faso zasaini makubaliano ya ushirikiano katika kutoa tiba ya magonjwa ya moyo

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore wakisaini hati ya makubaliano ya ushirikiano katika kutoa huduma bobezi za matibabu  ya moyo jana jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore wakibadilishana hati ya makubaliano ya ushirikiano katika kutoa huduma bobezi za matibabu ya moyo jana jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore wakionesha hati ya makubaliano ya ushirikiano katika kutoa huduma bobezi za matibabu ya moyo mara baada ya kuisaini jana jijini Dar es Salaam.  Mkurugenzi Mtendaji wa Taasisi ya Moyo Jakaya Kikwete (JKCI) Dkt. Pe...
Read more

Wanawake waaswa kulinda mioyo yao, kuepuka sukari na chumvi kupita kiasi

Image
Wahasibu wa Taasisi ya Moyo Jakaya Kikwete (JKCI) CPA. Ashura Ally na Edna Sanga wakifuatilia mada ya wakifuatilia mada ya    kumbukumbu gani umeiacha katika eneo lako la kazi kutokana na matendo yako mazuri uliyoyafanya iliyokuwa inatolewa katika mkutano wa Chama cha Wahasibu Wanawake Tanzania (TAWCA) unaofanyika jijini Arusha. Afisa Uuguzi wa Taasisi ya Moyo Jakaya Kikwete (JKCI) Idrisa Ndende akimpima kiwango cha sukari kwenye damu Mhasibu aliyefika katika banda la taasisi hiyo kwaajili ya kupata huduma za uchunguzi na matibabu ya moyo wakati wa    mkutano wa Chama cha Wahasibu Wanawake Tanzania (TAWCA) unaofanyika jijini Arusha. Mkurugenzi wa Fedha na Mipango wa Taasisi ya Moyo Jakaya Kikwete (JKCI) CPA. Agnes Kuhenga na Daktari Bingwa wa Magonjwa ya Moyo  Engerasia Kifai  wa taasisi hiyo  wakifuatilia mada ya  kumbukumbu gani umeiacha katika eneo lako la kazi kutokana na matendo yako mazuri uliyoyafanya iliyokuwa inatolewa  katika m...
Read more

Msumbiji kushirikiana na JKCI katika tiba ya moyo

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi tuzo ya kumshukuru Mke wa Rais wa Msumbiji Mhe.   Mama Gueta Selemane Chapo kwa kutembelea taasisi hiyo na kuahidi kushirikiana nayo katika kutoa tiba ya magonjwa ya moyo alipotembelea taasisi hiyo leo jijini Dar es Salaam kwaajili ya kuona huduma za matibabu ya moyo zinazotolewa. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi zawadi   Mke wa Rais wa Msumbiji Mhe. Mama Gueta Selemane Chapo mara baada ya kumaliza ziara yake ya kutembelea taasisi hiyo leo jijini Dar es Salaam   kwaajili ya kuona huduma za matibabu ya moyo zinazotolewa. Mke wa Rais wa Msumbiji Mhe. Mama Gueta Selemane Chapo akiwa katika picha ya pamoja na Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge mara baada ya kumaliza ziara yake ya kutembelea taasisi hiyo leo jijini Dar es Salaam kwaajili ya kuona huduma za matibabu ya moyo zinazotolew...
Read more