JKCI, MSD kuwafuata wananchi Arusha kupima magonjwa ya moyo

Daktari wa Taasisi ya Moyo Jakaya Kikwete (JKCI) Janeth Mmari akimfafanulia mwananchi kuhusu magonjwa ya moyo mara baada ya kupata huduma za uchunguzi na matibabu ya moyo wakati wa kambi maalumu iliyofanywa na Taasisi hiyo kabla ya kuanza kwa mechi ya mpira wa miguu baina ya mashabiki wa timu za Simba na Yanga jana katika Uwanja wa mpira wa KMC uliopo Mwenge jijini Dar es Salaam.

****************************************************************************************************************************************************************************************************************** 

Taasisi ya Moyo Jakaya Kikwete (JKCI) kwa kushirikiana na Bohari ya Dawa (MSD)  itafanya kambi maalumu ya upimaji na matibabu ya magonjwa  mbalimbali yakiwemo ya moyo  kwa wananchi wa Mkoa wa Arusha na mikoa ya jirani kuanzia Desemba 29, 2025 hadi Januari 5, 2026, katika Hospitali ya Arusha Lutheran Medical Centre (ALMC).

Akizungumza na waandishi wa habari leo jijini Dar es Salaam, Mkurugenzi Mtendaji wa JKCI, Dkt. Peter Kisenge alisema taasisi hiyo imefanya upimaji wa magonjwa ya moyo katika mikoa zaidi ya 16, ambapo wagonjwa zaidi ya 23,000 walihudumiwa, huku mikoa ya Kanda ya Kaskazini ikionesha uhitaji mkubwa zaidi wa huduma hizo.

“Tunaenda kufanya upimaji na kutoa elimu ya afya ya moyo ili kuokoa wananchi wengi wasiendelee kupata madhara yatokanayo na magonjwa haya,” alisema Dkt. Kisenge.

Alisema kambi hiyo itahusisha upimaji wa magonjwa mbalimbali yakiwemo ya  moyo na magonjwa yasiyoambukiza, kwa watoto na watu wazima, na huduma zitatolewa kuanzia saa 2:00 asubuhi hadi saa 10:00 jioni.

Dkt. Kisenge aliongeza kuwa Hospitali ya Arusha Lutheran Medical Centre imeingia ushirikiano wa miaka 20 na JKCI, ambapo kuanzia Januari 1, 2026, hospitali hiyo itasimamiwa na JKCI kwa lengo la kusogeza huduma bora za moyo na matibabu ya magonjwa mengine karibu na wananchi wa Kanda ya Kaskazini.

“Tunaendelea kuonesha utu kwa kuwafuata wananchi walipo ili kuokoa maisha yao. Tunawasihi wananchi kuhakikisha wanazingatia afya ya mioyo yao na kubadili mitindo ya maisha,” alisisitiza.

Kwa upande wake Mkurugenzi wa Matibabu ya Moyo wa Taasisi ya Moyo Jakaya Kikwete (JKCI) Dkt. Tatizo Waane, alisema zaidi ya asilimia 25 ya wagonjwa wanaopata huduma JKCI wanatoka Kanda ya Kaskazini, hivyo ushirikiano huo utasaidia kwa kiasi kikubwa kusogeza huduma karibu na wananchi.

“Uwepo wetu Arusha utapunguza gharama za kufuata huduma mbali, kuboresha huduma za moyo na kujiandaa kwa ongezeko la watalii wanaotembelea mbuga za wanyama, Mlima Kilimanjaro pamoja na maandalizi ya mashindano ya AFCON,” alisema Dkt. Waane ambaye pia ni baktari bingwa wa moyo na mtaalamu wa kuzibua mishipa ya damu ya moyo iliyoziba.

Naye Meneja Mawasiliano na Uhusiano wa Bohari ya Dawa (MSD), Etty Kusiluka, alisema katika kambi hiyo MSD itahakikisha upatikanaji wa dawa na vifaa tiba kwa wakati kupitia Kanda ya Kaskazini ya MSD iliyopo Kilimanjaro, ili kuhakikisha huduma za matibabu zinatolewa kikamilifu.

“Wakati JKCI inasogeza huduma kwa wananchi, sisi tutahakikisha vifaa na dawa muhimu vinapatikana ili kukamilisha matibabu yote yanayohitajika. Tuko tayari kwa ushirikiano huu,” alisema Etty.


Comments

Post a Comment

Popular posts from this blog

JKCI na Burkina Faso zasaini makubaliano ya ushirikiano katika kutoa tiba ya magonjwa ya moyo

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore wakisaini hati ya makubaliano ya ushirikiano katika kutoa huduma bobezi za matibabu  ya moyo jana jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore wakibadilishana hati ya makubaliano ya ushirikiano katika kutoa huduma bobezi za matibabu ya moyo jana jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore wakionesha hati ya makubaliano ya ushirikiano katika kutoa huduma bobezi za matibabu ya moyo mara baada ya kuisaini jana jijini Dar es Salaam.  Mkurugenzi Mtendaji wa Taasisi ya Moyo Jakaya Kikwete (JKCI) Dkt. Pe...
Read more

Wanawake waaswa kulinda mioyo yao, kuepuka sukari na chumvi kupita kiasi

Image
Wahasibu wa Taasisi ya Moyo Jakaya Kikwete (JKCI) CPA. Ashura Ally na Edna Sanga wakifuatilia mada ya wakifuatilia mada ya    kumbukumbu gani umeiacha katika eneo lako la kazi kutokana na matendo yako mazuri uliyoyafanya iliyokuwa inatolewa katika mkutano wa Chama cha Wahasibu Wanawake Tanzania (TAWCA) unaofanyika jijini Arusha. Afisa Uuguzi wa Taasisi ya Moyo Jakaya Kikwete (JKCI) Idrisa Ndende akimpima kiwango cha sukari kwenye damu Mhasibu aliyefika katika banda la taasisi hiyo kwaajili ya kupata huduma za uchunguzi na matibabu ya moyo wakati wa    mkutano wa Chama cha Wahasibu Wanawake Tanzania (TAWCA) unaofanyika jijini Arusha. Mkurugenzi wa Fedha na Mipango wa Taasisi ya Moyo Jakaya Kikwete (JKCI) CPA. Agnes Kuhenga na Daktari Bingwa wa Magonjwa ya Moyo  Engerasia Kifai  wa taasisi hiyo  wakifuatilia mada ya  kumbukumbu gani umeiacha katika eneo lako la kazi kutokana na matendo yako mazuri uliyoyafanya iliyokuwa inatolewa  katika m...
Read more

Msumbiji kushirikiana na JKCI katika tiba ya moyo

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi tuzo ya kumshukuru Mke wa Rais wa Msumbiji Mhe.   Mama Gueta Selemane Chapo kwa kutembelea taasisi hiyo na kuahidi kushirikiana nayo katika kutoa tiba ya magonjwa ya moyo alipotembelea taasisi hiyo leo jijini Dar es Salaam kwaajili ya kuona huduma za matibabu ya moyo zinazotolewa. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi zawadi   Mke wa Rais wa Msumbiji Mhe. Mama Gueta Selemane Chapo mara baada ya kumaliza ziara yake ya kutembelea taasisi hiyo leo jijini Dar es Salaam   kwaajili ya kuona huduma za matibabu ya moyo zinazotolewa. Mke wa Rais wa Msumbiji Mhe. Mama Gueta Selemane Chapo akiwa katika picha ya pamoja na Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge mara baada ya kumaliza ziara yake ya kutembelea taasisi hiyo leo jijini Dar es Salaam kwaajili ya kuona huduma za matibabu ya moyo zinazotolew...
Read more