Wagonjwa 760 kunufaika na mpango wa bilioni 6.7 wa Serikali


Waziri wa Afya Mhe. Mohamed Mchengerwa (Mb) akisalimiana na Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge wakati wa kikao kazi na  wafanyakazi wa sekta ya afya wa mkoa wa Dar es Salaam kilichofanyika hivi karibuni katika Hospitali ya Taifa Muhimbili (MNH) iliyopo Jijini Dar es Salaam.

Waziri wa Afya Mhe. Mohamed Mchengerwa (Mb) akiwa katika picha ya pamoja na wakurugenzi wa Taasisi za Afya mara baada ya kumalizika kwa kikao kazi  watumishi wa sekta hiyo kilichofanyika hivi karibuni katika Hospitali ya Taifa Muhimbili (MNH) iliyopo jijini Dar es Salaam.

Waziri wa Afya Mhe. Mohamed Mchengerwa (Mb) akizungumza na wafanyakazi wa sekta ya afya wakati wa kikao kazi na watumishi hao kilichofanyika hivi karibuni  katika Hospitali ya Taifa Muhimbili (MNH) iliyopo jijini Dar es Salaam. 

Baadhi ya viongozi wa Taasisi ya Moyo Jakaya Kikwete (JKCI) wakimsikiliza Waziri wa Afya Mhe. Mohamed Mchengerwa (MB) wakati wa kikao kazi cha  watumishi wa sekta ya afya kilichofanyika hivi karibuni katika Hospitali ya Taifa Muhimbili (MNH) iliyopo jijini Dar es Salaam.

Picha na JKCI

Na JKCI

*************************************************************************************************

Serikali ya awamu ya sita imetenga kiasi cha shilingi bilioni 6.7 katika mwaka wa fedha 2025/2026 kwaajili ya kuwezesha upatikanaji wa huduma za ubingwa bobezi kwa wagonjwa wasiokuwa na uwezo wa kugharamia matibabu hayo.

Fedha hizo zimelenga kuwahudumia wagonjwa takribani 760 wanaotibiwa katika Hospitali ya Taifa na Taasisi zinazotoa huduma za  ubingwa bobezi ikiwemo Taasisi ya Moyo Jakaya Kikwete (JKCI).

Akizungumza hivi karibuni na  wafanyakazi wa sekta walioko mkoa wa Dar es Salaam Waziri wa Afya Mhe. Mohamed Mchengerwa alisema hatua hiyo ni muendelezo wa yaliyofanyika mwaka 2024/2025 ambapo serikali ilitenga kiasi cha shilingi bilioni nane zizizogharamia matibabu ya wagonjwa 677 wasiokuwa na uwezo wa kugharamia matibabu ya kibingwa.

Aidha Mhe. Mchengerwa alizitaka hospitali zote nchini  kuboresha ubora wa huduma na kuanza mchakato wa kupata ithibati za kimataifa zitakazowawezesha kutambulika kimataifa na kuiweka Tanzania katika ramani ya dunia katika kutoa huduma bora za afya.

Mhe. Mchengerwa alisema hospitali hizo zinatakiwa kuhakikisha zinatoa huduma bora salama na zenye kuwajali wagonjwa ili ziweze kupata ithibati itakayowasaidia kubeba soko la kimataifa, kutambuliwa kimataifa na kuongeza pato la taifa.

“Naipongeza Taasisi ya Moyo Jakaya Kikwete (JKCI) kwa kuanza mchakato wa kupata ithibati za kimataifa (ISO) katika kutoa huduma za ubingwa bobezi za magonjwa ya moyo nchini na nimesikia ipo katika hatua nzuri, hongereni sana”, alisema Mhe. Mchengerwa.

Mhe. Mchengerwa alizitaka hospitali hizo bingwa kuimarisha huduma za upatikanaji wa dawa kwa wagonjwa, kuimarisha afya na kinga zaidi kuliko tiba, kuimarisha utafiti, ubunifu na tiba shirikishi na kuongeza matumizi ya teknolojia za kisasa katika kutoa huduma.

“Kwa nini mgonjwa azunguke vitengo mbalimbali vya hospitali kufungua faili wakati teknolojia inaruhusu kufungua faili hilo mtandaoni. Ninawaomba kupitia TEHAMA anzisheni mfumo wa One Stop Digital Center mara moja ambao mgonjwa anaweza kufungua faili lake akiwa mtandaoni, akapata control namba ya malipo ya huduma akiwa mtandaoni, hii itapunguza foleni na muda wa kukaa hospitali”, alisema Mhe. Mchengerwa.

Kwa upande wake Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge alisema  mambo mengi yaliyosemwa na Mhe. Waziri katika hotuba yake JKCI imeshayafanyia kazi ikiwemo hatua za kupata ithibati za kimataifa, mambo ya kuendesha taasisi kimtandao na masuala mbalimbali ya wafanyakazi.

“Tumefurahi leo kukutana na Mhe. Waziri wa afya kwa mara ya kwanza tangu ateuliwe, tunashukuru kwa maelekezo yake na tunaahidi kuwa JKCI tutayatekeleza yale yote aliyoyasema”, alisema Dkt. Kisenge

Dkt. Kisenge alisema JKCI inaahidi kuendelea kuwahudumia vizuri wagonjwa wake na kuyafuata yote aliyoyaelekeza Mhe. Waziri wakiwa na lengo la kufikisha huduma bora kwa wananchi na kufuta kabisa haja ya wagonjwa kwenda nje ya nchi kupata huduma za ubingwa bobezi za moyo.



Comments

Post a Comment

Popular posts from this blog

JKCI na Burkina Faso zasaini makubaliano ya ushirikiano katika kutoa tiba ya magonjwa ya moyo

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore wakisaini hati ya makubaliano ya ushirikiano katika kutoa huduma bobezi za matibabu  ya moyo jana jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore wakibadilishana hati ya makubaliano ya ushirikiano katika kutoa huduma bobezi za matibabu ya moyo jana jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore wakionesha hati ya makubaliano ya ushirikiano katika kutoa huduma bobezi za matibabu ya moyo mara baada ya kuisaini jana jijini Dar es Salaam.  Mkurugenzi Mtendaji wa Taasisi ya Moyo Jakaya Kikwete (JKCI) Dkt. Pe...
Read more

Wagonjwa wenye matatizo ya mishipa ya damu ya miguu kutanuka kutibiwa JKCI

Image
Wataalamu wa Taasisi ya Moyo Jakaya Kikwete (JKCI) wakifanya upasuaji kwa njia ya tundu dogo kwa kutumia mtambo wa Cathlab   kumzibua mgonjwa mshipa wa damu wa moyo ulioziba . ***************************************************************************************************************************************************************************************************************************** TAARIFA KWA WATAALAMU WA AFYA NCHINI KAMBI MAALUMU YA MATIBABU YA MAGONJWA YA MISHIPA YA DAMU YA MIGUU KUTANUKA (VARICOSE VEIN) Taasisi ya Moyo Jakaya Kikwete (JKCI) inawaomba wataalamu wa afya nchini   kutoka Hospitali za Wilaya, Mikoa na Rufaa kuwatuma wagonjwa wenye matatizo ya mishipa ya damu kutanuka kwenye miguu kwa jina la kitaalamu Varicose Vein waje kutibiwa katika kambi maalumu ya uchunguzi na matibabu ya kutanuka kwa mishipa hiyo. Matibabu hayo yatakayotolewa tarehe 12 hadi 15 Februari 2025 yatafanywa na   wataalamu wa JKCI kwa kushirikiana na wenzao kutoka Hosp...
Read more

Wanawake waaswa kulinda mioyo yao, kuepuka sukari na chumvi kupita kiasi

Image
Wahasibu wa Taasisi ya Moyo Jakaya Kikwete (JKCI) CPA. Ashura Ally na Edna Sanga wakifuatilia mada ya wakifuatilia mada ya    kumbukumbu gani umeiacha katika eneo lako la kazi kutokana na matendo yako mazuri uliyoyafanya iliyokuwa inatolewa katika mkutano wa Chama cha Wahasibu Wanawake Tanzania (TAWCA) unaofanyika jijini Arusha. Afisa Uuguzi wa Taasisi ya Moyo Jakaya Kikwete (JKCI) Idrisa Ndende akimpima kiwango cha sukari kwenye damu Mhasibu aliyefika katika banda la taasisi hiyo kwaajili ya kupata huduma za uchunguzi na matibabu ya moyo wakati wa    mkutano wa Chama cha Wahasibu Wanawake Tanzania (TAWCA) unaofanyika jijini Arusha. Mkurugenzi wa Fedha na Mipango wa Taasisi ya Moyo Jakaya Kikwete (JKCI) CPA. Agnes Kuhenga na Daktari Bingwa wa Magonjwa ya Moyo  Engerasia Kifai  wa taasisi hiyo  wakifuatilia mada ya  kumbukumbu gani umeiacha katika eneo lako la kazi kutokana na matendo yako mazuri uliyoyafanya iliyokuwa inatolewa  katika m...
Read more