Dkt. Kisenge awapongeza Wafanyakazi JKCI, Asisitiza ufanisi na weledi kazini

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi mfano wa hundi ya shilingi milioni tano Mfanyakazi Hodari wa taasisi hiyo kwa mwaka wa fedha wa 2025/2026 Afisa Tawala Adila Musa wakati wa hafla ya kuwatambua na kuwapongeza wafanyakazi Hodari iliyofanyika jijini Dar es Salaam.

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi mfano wa hundi ya shilingi milioni mbili Mfanyakazi Hodari wa taasisi hiyo nafasi ya pili kwa mwaka wa fedha wa 2025/2026 Mkaguzi wa Hesabu za Ndani Sitty Hamis wakati wa hafla ya kuwatambua  na kuwapongeza wafanyakazi Hodari iliyofanyika jijini Dar es Salaam.

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi mfano wa hundi ya shilingi milioni moja na nusu Mfanyakazi Hodari wa taasisi hiyo nafasi ya tatu kwa mwaka wa fedha wa 2025/2026 Afisa Muuguzi Edna Kajuna wakati wa hafla ya kuwatambua na kuwapongeza wafanyakazi hodari iliyofanyika jijini Dar es Salaam.

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akiwa katika picha ya pamoja na viongozi wa taasisi hiyo pamoja na wafanyakazi Hodari wa mwaka wa fedha wa 2025/2026 mara baada ya kumalizika kwa hafla fupi ya kuwatambua na kuwapongeza wafanyakazi Hodari iliyofanyika katika ukumbi wa mikutano wa JKCI.

****************************************************************************************************************************************************************************************

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge, amewapongeza wafanyakazi wa taasisi hiyo kwa kujituma na kufanya kazi kwa weledi hususan katika kuwahudumia wagonjwa wenye uhitaji maalum wakiwemo wasiokuwa na uwezo wa kumudu gharama za matibabu.

Dkt. Kisenge aliyasema hayo hivi karibuni wakati wa mkutano wa wafanyakazi wa taasisi hiyo wa kuwatambua wafanyakazi hodari wa mwaka wa fedha 2025/2026 ambapo alisisitiza kuwa mafanikio ya taasisi hiyo yanatokana na mchango wa kila mfanyakazi.

Alieleza kuwa licha ya kutolewa kwa tuzo kwa baadhi ya wafanyakazi ukweli ni kwamba wafanyakazi wote ni hodari kutokana na mchango wao katika kuendeleza huduma za moyo nchini.

“Utaratibu wa kuchagua wafanyakazi bora ulifanyika kwa njia ya mfumo shirikishi wa kidijitali wa Best Employee System unaowezesha wafanyakazi kupiga kura kwa uwazi na haki”, alisema Dkt. Kisenge.

Aidha Dkt. Kisenge aliwataka viongozi wa taasisi hiyo kuwa karibu zaidi na wafanyakazi wanaowaongoza kwa kusikiliza changamoto zao na kuzitafutia ufumbuzi kwa wakati ili kuongeza ufanisi na ari ya kazi.

Pia alisisitiza umuhimu wa uwazi katika ukusanyaji na usimamizi wa mapato ya kila idara pamoja na kuongeza wigo wa utoaji huduma ikiwemo kufanya upasuaji hata wakati wa sikukuu na mwishoni mwa wiki.

Naye Mkurugenzi wa Utawala na Rasilimali Watu wa JKCI, Ghati Chacha alisema ushindani wa kumpata mfanyakazi hodari ulikuwa mkubwa akibainisha kuwa kwa mara ya kwanza mchakato huo pia umehusisha ngazi za menejimenti na wasimamizi wa vitengo ili kuimarisha uwajibikaji katika kada zote.

Aliongeza kuwa utaratibu wa kuchagua wafanyakazi bora unafanyika kila mwaka kupitia mfumo wa kidijitali wa Best Employee System ambapo kila kurugenzi huchagua wawakilishi wake kabla ya kushindanishwa katika ngazi ya taasisi.

Kwa upande wake Mfanyakazi Hodari wa mwaka wa fedha 2025/2026 Afisa Utawala Adila Musa aliwashukuru wafanyakazi wenzake kwa imani waliyoonyesha kwake huku akisema ushindi huo ni wa pamoja kwani kila mfanyakazi ana mchango katika mafanikio ya taasisi.

Akizungumza kwa niaba ya wafanyakazi wa taasisi hiyo Mkuu wa Kitengo cha Magonjwa ya Moyo kwa Watoto Dkt. Sulende Kubhoja aliwahimiza wafanyakazi Hodari waliochaguliwa kuwa mfano bora kwa wenzao kwa kuendelea kufanya kazi kwa bidii na weledi huku akisisitiza kwa wafanyakazi wengine ambao hawakuchaguliwa umuhimu wa kuthamini na kusherehekea mafanikio ya wenzao.

Wafanyakazi hodari wa mwaka huu waliochaguliwa katika taasisi hiyo wote ni wanawake jambo linaloonesha kwa mchango mkubwa wa wanawake katika kuendesha na kuimarisha huduma za afya pamoja na kufanikisha malengo ya taasisi.

Afisa Utawala Adila Musa alishika nafasi ya kwanza kama Mfanyakazi Hodari wa mwaka wa fedha 2025/2026 akifuatiwa na Mkaguzi wa Hesabu za Ndani Sitty Hamis aliyeshika nafasi ya pili na Afisa Muuguzi Edna Kajuna aliyeshika nafasi ya tatu hatua inayoonesha wazi ufanisi na umahiri wa wanawake katika nyadhifa mbalimbali za kitaaluma ndani ya taasisi hiyo.

Comments

Post a Comment

Popular posts from this blog

Wanawake waaswa kulinda mioyo yao, kuepuka sukari na chumvi kupita kiasi

Image
Wahasibu wa Taasisi ya Moyo Jakaya Kikwete (JKCI) CPA. Ashura Ally na Edna Sanga wakifuatilia mada ya wakifuatilia mada ya    kumbukumbu gani umeiacha katika eneo lako la kazi kutokana na matendo yako mazuri uliyoyafanya iliyokuwa inatolewa katika mkutano wa Chama cha Wahasibu Wanawake Tanzania (TAWCA) unaofanyika jijini Arusha. Afisa Uuguzi wa Taasisi ya Moyo Jakaya Kikwete (JKCI) Idrisa Ndende akimpima kiwango cha sukari kwenye damu Mhasibu aliyefika katika banda la taasisi hiyo kwaajili ya kupata huduma za uchunguzi na matibabu ya moyo wakati wa    mkutano wa Chama cha Wahasibu Wanawake Tanzania (TAWCA) unaofanyika jijini Arusha. Mkurugenzi wa Fedha na Mipango wa Taasisi ya Moyo Jakaya Kikwete (JKCI) CPA. Agnes Kuhenga na Daktari Bingwa wa Magonjwa ya Moyo  Engerasia Kifai  wa taasisi hiyo  wakifuatilia mada ya  kumbukumbu gani umeiacha katika eneo lako la kazi kutokana na matendo yako mazuri uliyoyafanya iliyokuwa inatolewa  katika m...
Read more

Kutoka miaka 22 hadi kustaafu: Safari ya Lemmah yatoa somo kwa Watumishi wa Umma

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi mfano wa hundi ya zawadi ya kustaafu  aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI, Ghati Chacha. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi tuzo ya shukrani kutokana na mchango wake alioutoa katika taasisi hiyo aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah ambaye amestaafu kwa mujibu wa sheria wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI  Ghati Chacha. Mkurugenzi wa Utawala na Rasiliamali Watu wa Taasisi ya Moyo Jakaya Kikwete (JKCI) Ghati Chacha akimkabidhi cheti cha shukrani kutokan...
Read more