Zaidi ya watu 150 wabainika na matatizo ya Moyo katika kambi ya uchunguzi Njombe

Afisa Muuguzi wa Taasisi ya Moyo Jakaya Kikwete (JKCI) Mahawa Asenga akimpima shinikizo la damu na mapigo ya moyo mwananchi aliyefika katika banda la JKCI Dar Group kwaajili ya kufanya uchunguzi wa afya wakati wa maonesho ya Usalama na Afya Mahali pa Kazi yaliyomalizika hivi karibuni  Mkoani Njombe. Jumla ya watu 386 wamefanyiwa uchunguzi wa afya katika maonesho hayo.

Afisa Muuguzi wa Taasisi ya Moyo Jakaya Kikwete (JKCI) Hospitali ya Dar Group Happiness Shirima akitoa elimu ya mtindo  bora wa maisha kujilinda na magonjwa ya moyo kwa wananchi wa Mkoa wa Njombe waliofika katika banda la JKCI Dar Group kwaajili ya kufanya uchunguzi wa afya wakati wa maonesho ya Usalama na Afya Mahali pa Kazi yaliyomalizika hivi karibuni Mkoani Njombe. Jumla ya watu 386 wamefanyiwa uchunguzi wa afya katika maonesho hayo.


 Daktari bingwa wa magonjwa ya moyo wa Taasisi ya Moyo Jakaya Kikwete (JKCI) Moses Manumbu akisikiliza mapigo ya moyo ya mwananchi aliyefika katika banda la JKCI Dar Group kwaajili ya kufanya uchunguzi wa afya wakati wa maonesho ya Usalama na Afya Mahali pa Kazi yaliyomalizika hivi karibuni Mkoani Njombe. Jumla ya watu 386 wamefanyiwa uchunguzi wa afya katika maonesho hayo.

****************************************************************************************************************************************************************************************

 Jumla ya watu 386 wamefanyiwa uchunguzi wa magonjwa ya moyo wakati wa kambi maalumu ya uchunguzi wa afya iliyofanywa  na wataalamu wa Taasisi ya Moyo Jakaya Kikwete (JKCI) Hospitali ya Dar Group.

Kambi hiyo ya siku sita ilifanyika kwenye maonesho ya Usalama na Afya Mahali pa Kazi yaliyomalizika hivi karibuni katika viwanja vya Shule ya Msingi Mji Mwema Mkoani Njombe.

Akizungumza na waandishi wa habari wakati wa kuhitimisha kambi hiyo daktari bingwa wa magonjwa ya moyo kutoka Taasisi ya Moyo Jakaya Kikwete (JKCI) Moses Manumbu alisema kati ya watu 386 waliowahudumia 158 wamekutwa na matatizo mbalimbali ya moyo na kupewa rufaa kwaajili ya kufanyiwa uchunguzi zaidi.

“Baada ya kuwafanyia vipimo tumebaini watu wengi kuwa na matatizo ya shinikizo la juu la damu bila ya wao kujua lakini pia wengine tumewakuta na matatizo ya mfumo wa umeme wa moyo na matatizo ya mishipa ya damu kuziba hivyo kuwapa rufaa kwaajili ya matibabu zaidi”, alisema Dkt. Moses.

Mtaalamu huyo wa magonjwa ya moyo alisema kwa upande wa watoto waliowahudumia waliwakuta na na matatizo ya moyo ya kuzaliwa nayo ambayo ni matundu na mishipa ya damu ya moyo kutokukaa katika mpangilio  wake na ugonjwa wa moyo unaosababishwa na bakteria wanaoshambulia valvu za moyo (Rheumatic Heart Diseases).

“Tunaendelea kuihamasisha jamii kufanya uchunguzi wa afya mara kwa mara na kujali afya zao kwani afya ndio mtaji wa maendelea, tukiwa na afya bora tutakuwa na uwezo wa kufanya kazi na kupata maendeleo”, alisema Dkt. Moses.

Kwa upande wake Bernadetha Kindu aliyefanyiwa uchunguzi wa afya katika banda la JKCI Dar Group alisema amekuwa akisumbuliwa na maumivu makali ya kichwa kwa muda mrefu bila ya kujua kama maumivu hayo ni dalili ya kuwa na ugonjwa wa shinikizo la juu la damu.

“Nawashauri wananchi wenzangu tukiona dalili zozote za ugonjwa tufike katika vituo vya afya kufanya uchunguzi, mimi nilichukulia kawaida na kutumia dawa bila ya ushauri wa daktari jambo ambalo halikuwa salama kwa afya yangu”, alisema Bernadetha.

Bernadetha alisema baada ya kuonana na daktari ameambiwa kuwa kutumia dawa bila kufanya uchunguzi wa afya kungeweza kumletea madhara makubwa kiafya lakini pia kuhatarisha maisha yake.

Naye Kazinja Ngoyai mkazi wa Songea alisema imekuwa rahisi kwake kufuata huduma bingwa bobezi za moyo katika Mkoa wa Njombe tofauti na angezifuata Dar es Salaam ingemgharimu na kuchukua muda wake mwingi.

“Tunaposikia fursa kama hizi tusiziache zipite, mfano mzuri ni mimi nimetumia masaa machache kutoka Songea hadi hapa kuja kupima moyo wangu lakini pia nimetumia gharama ndogo ya usafiri tofauti na ningezifuata Dar es Salaam”, alisema Ngoyai.

Comments

Post a Comment

Popular posts from this blog

Wanawake waaswa kulinda mioyo yao, kuepuka sukari na chumvi kupita kiasi

Image
Wahasibu wa Taasisi ya Moyo Jakaya Kikwete (JKCI) CPA. Ashura Ally na Edna Sanga wakifuatilia mada ya wakifuatilia mada ya    kumbukumbu gani umeiacha katika eneo lako la kazi kutokana na matendo yako mazuri uliyoyafanya iliyokuwa inatolewa katika mkutano wa Chama cha Wahasibu Wanawake Tanzania (TAWCA) unaofanyika jijini Arusha. Afisa Uuguzi wa Taasisi ya Moyo Jakaya Kikwete (JKCI) Idrisa Ndende akimpima kiwango cha sukari kwenye damu Mhasibu aliyefika katika banda la taasisi hiyo kwaajili ya kupata huduma za uchunguzi na matibabu ya moyo wakati wa    mkutano wa Chama cha Wahasibu Wanawake Tanzania (TAWCA) unaofanyika jijini Arusha. Mkurugenzi wa Fedha na Mipango wa Taasisi ya Moyo Jakaya Kikwete (JKCI) CPA. Agnes Kuhenga na Daktari Bingwa wa Magonjwa ya Moyo  Engerasia Kifai  wa taasisi hiyo  wakifuatilia mada ya  kumbukumbu gani umeiacha katika eneo lako la kazi kutokana na matendo yako mazuri uliyoyafanya iliyokuwa inatolewa  katika m...
Read more

Kutoka miaka 22 hadi kustaafu: Safari ya Lemmah yatoa somo kwa Watumishi wa Umma

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi mfano wa hundi ya zawadi ya kustaafu  aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI, Ghati Chacha. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi tuzo ya shukrani kutokana na mchango wake alioutoa katika taasisi hiyo aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah ambaye amestaafu kwa mujibu wa sheria wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI  Ghati Chacha. Mkurugenzi wa Utawala na Rasiliamali Watu wa Taasisi ya Moyo Jakaya Kikwete (JKCI) Ghati Chacha akimkabidhi cheti cha shukrani kutokan...
Read more