Kampeni ya Jua Namba Zako yawafikia Maafisa Utawala na Rasilimali Watu nchini

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akitoa mada kuhusu magonjwa ya moyo kwa maafisa Utawala na Rasilimali watu wakati wa Mkutano Mkuu wa pili Jumuishi wa Jumuiya za Wataalamu wa Utawala na Usimamizi wa Rasilimali watu katika Utumishi wa Umma Tanzania unaofanyika katika Kituo cha Mikutano cha Kimataifa Arusha (AICC).

Mkurugenzi wa Tiba Shirikishi wa Hospitali ya Arusha Lutheran Medical Centre (ALMC) inayosimamiwa na Taasisi ya Moyo Jakaya Kikwete (JKCI) Dkt. Salehe Mwinchete akielezea huduma ambazo Hospitali hiyo inazitoa kwa maafisa Utawala na Rasilimali watu wakati wa Mkutano Mkuu wa pili Jumuishi wa Jumuiya za Wataalamu wa Utawala na Usimamizi wa Rasilimali watu katika Utumishi wa Umma Tanzania unaofanyika katika Kituo cha Mikutano cha Kimataifa Arusha (AICC).

Afisa Muuguzi wa Hospitali ya Arusha Lutheran Medical Centre (ALMC) inayosimamiwa na Taasisi ya Moyo Jakaya Kikwete (JKCI) Anna Faustine akimpima sukari kwenye damu Afisa Utawala aliyefika katika kliniki ya JKCI wakati wa Mkutano Mkuu wa pili Jumuishi wa Jumuiya za Wataalamu wa Utawala na Usimamizi wa Rasilimali watu katika Utumishi wa Umma Tanzania unaofanyika katika Kituo cha Mikutano cha Kimataifa Arusha (AICC).

Daktari wa Taasisi ya Moyo Jakaya Kikwete (JKCI) Janeth Mmari akimpatia ushauri wa wa kitaalamu mara baada ya kumfanyia uchunguzi wa afya Afisa Utawala aliyefika katika kliniki ya JKCI wakati wa Mkutano Mkuu wa pili Jumuishi wa Jumuiya za Wataalamu wa Utawala na Usimamizi wa Rasilimali watu katika Utumishi wa Umma Tanzania unaofanyika katika Kituo cha Mikutano cha Kimataifa Arusha (AICC).

Picha na: JKCI

*******************************************************************************************

Taasisi ya Moyo Jakaya Kikwete (JKCI) yafikisha kampeni ya Jua Namba Zako kwa maafisa Utawala na Rasilimali Watu wanaoshiriki Mkutano Mkuu wa pili Jumuishi wa Jumuiya za Wataalamu wa Utawala na Usimamizi wa Rasilimali watu katika Utumishi wa Umma Tanzania.

Kupitia Mkutano huo unaofanyika katika Kituo cha Mikutano cha Kimataifa Arusha (AICC) JKCI inatoa huduma za uchunguzi wa viashiria vya magonjwa ya moyo kwa wataalamu hao huku ikitoa elimu kuhusu namna ya kujikinga na magonjwa yasiyoambukiza yakiwemo ya moyo.

Akizungumza jana wakati wa mkutano huo Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge alisema JKCI imetoa elimu kuwahimiza maafisa Utawala na Rasiliamli Watu nchini kupima afya zao mara kwa mara na kujua namba zoa za afya.

“Lengo letu kuu ni kuihamasisha jamii kujua namba zao, kupima na kuchukua hatua, haya yote yatatimia kama jamii itapima shinikizo la damu, uzito, urefu, sukari katika damu, mapigo ya moyo na mafuta katika damu kwani vitu hivi vinachangia kwa kiasi kikubwa magonjwa yasiyoambukiza yakiwemo ya moyo” alisema Dkt. Kisenge

Dkt. Kisenge aliwaambia maafisa Utawala na Rasilimali Watu wakijua namba zoa mapema watajizuia kupata maathiriko makubwa yanayoweza kujitokeza na kuathiri utendaji kazi wao.

“Sambamba na malengo ya mkutano huu, kubadilishana uzoefu, kujadili changamoto, na kuboresha utendaji kazi katika sekta ya umma pia tumieni muda huu kujua namba zenu kwani JKCI tunataka kuhakikisha tumepunguza idadi ya watu wanaopata magonjwa ya moyo”, alisema Dkt. Kisenge

Kwa upande wake Afisa Utumishi Mkuu kutoka Mamlaka ya Maji Safi na Usafi wa Mazingira Bukoba Rosada Mbowe aliwashukuru wataalamu wa JKCI kufikisha huduma hizo katika mkutano huo kwani umetoa fursa kwao kupima afya zao.

Rosada alisema kutokana na yeye kuishi Bukoba ingekuwa ngumu kwake kufika JKCI kufanya uchunguzi kama ambao amefanyika, labda ingemlazimu kufanya vipimo hivyo kama angekutana na changamoto za kiafya.

“Utaratibu huu wa kuchunguza afya kabla ya kuumwa ni mzuri, inatubidi tuwe tunafanya hivi mara kwa mara kwani inakuweka kuwa salama, unajijua vizuri na kuchukua hatua mapema kutokana na ushauri wa wataalamu wa afya”, alisema Rosada

Naye Afisa Utawala kutoka Wizara ya Habari Utamaduni Sanaa na Michezo Muguha Titus Muguha alisema amekuwa na utaratibu wa kupima shinikizo la damu mara kwa mara hivyo akaona ni wakati sasa kukutana na wataalamu wa JKCI kupata uhakika wa vipimo hivyo.

 “Mambo ni mengi na maisha yamebadilika, ni muhimu kufanya uchunguzi wa afya ikiwezekana JKCI iandae waraka wa kushauri uongozi wa juu watumishi wa umma iwe ni lazima kufanya vipimo hivi kwani itasaidia kuboresha afya za watumishi wa umma na kulinda nguvu kazi ya Taifa”, alisema Mugaha

Mugaha alisema ikiwa lazima kwa watumishi wa umma kupima na kujua namba zao hata jamii itachukua hatua ya kupima na kujua namba zao lakini pia watumishi watakuwa mstari wa mbele kuhakikisha familia zao nazo zinapima na kujilinda na magonjwa ya moyo.

“Magonjwa haya sio tu yanaigharimu Serikali bali pia yanazigharimu hata familia zetu kwani inapotokea familia ikakutana na changamoto za magonjwa ya moyo nguvu kazi katika familia inapungua, kipato cha familia kinaelekezwa katika kupata matibabu na kusababisha uchumi wa familia kushuka”, alisema Mugaha.





 

Comments

Post a Comment

Popular posts from this blog

Wanawake waaswa kulinda mioyo yao, kuepuka sukari na chumvi kupita kiasi

Image
Wahasibu wa Taasisi ya Moyo Jakaya Kikwete (JKCI) CPA. Ashura Ally na Edna Sanga wakifuatilia mada ya wakifuatilia mada ya    kumbukumbu gani umeiacha katika eneo lako la kazi kutokana na matendo yako mazuri uliyoyafanya iliyokuwa inatolewa katika mkutano wa Chama cha Wahasibu Wanawake Tanzania (TAWCA) unaofanyika jijini Arusha. Afisa Uuguzi wa Taasisi ya Moyo Jakaya Kikwete (JKCI) Idrisa Ndende akimpima kiwango cha sukari kwenye damu Mhasibu aliyefika katika banda la taasisi hiyo kwaajili ya kupata huduma za uchunguzi na matibabu ya moyo wakati wa    mkutano wa Chama cha Wahasibu Wanawake Tanzania (TAWCA) unaofanyika jijini Arusha. Mkurugenzi wa Fedha na Mipango wa Taasisi ya Moyo Jakaya Kikwete (JKCI) CPA. Agnes Kuhenga na Daktari Bingwa wa Magonjwa ya Moyo  Engerasia Kifai  wa taasisi hiyo  wakifuatilia mada ya  kumbukumbu gani umeiacha katika eneo lako la kazi kutokana na matendo yako mazuri uliyoyafanya iliyokuwa inatolewa  katika m...
Read more

Kutoka miaka 22 hadi kustaafu: Safari ya Lemmah yatoa somo kwa Watumishi wa Umma

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi mfano wa hundi ya zawadi ya kustaafu  aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI, Ghati Chacha. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi tuzo ya shukrani kutokana na mchango wake alioutoa katika taasisi hiyo aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah ambaye amestaafu kwa mujibu wa sheria wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI  Ghati Chacha. Mkurugenzi wa Utawala na Rasiliamali Watu wa Taasisi ya Moyo Jakaya Kikwete (JKCI) Ghati Chacha akimkabidhi cheti cha shukrani kutokan...
Read more