JKCI yapewa jukumu kuu: Kuinua huduma za moyo barani Afrika

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimpatia zawadi Balozi wa Tanzania nchini Zambia Mhe. Luteni Generali Mathew Edward Mkingule wakati mkutano na waandishi wa habari jana mjini Lusaka kuhusu kambi ya upasuaji wa moyo kwa watoto inayofanywa na wataalamu wa JKCI kwa kushirikiana na wenzao kutoka Shirika la Okoa Moyo wa Mtoto (SACH) la nchini Israel na Hospitali ya Taifa ya Moyo Zambia (NHH).

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimpatia zawadi Mkurugenzi wa Hospitali ya Taifa ya Moyo Zambia (NHH) Dkt. Chabwela Shumba wakati mkutano na waandishi wa habari jana mjini Lusaka kuhusu kambi ya upasuaji wa moyo kwa watoto inayofanywa na wataalamu wa JKCI kwa kushirikiana na wenzao kutoka Shirika la Okoa Moyo wa Mtoto (SACH) la nchini Israel na Hospitali ya Taifa ya Moyo Zambia (NHH).

Balozi wa Tanzania nchini Zambia Mhe. Luteni Generali Mathew Edward Mkingule akizungumza na waandishi wa habari jana mjini Lusaka wakati wa kambi maalumu ya upasuaji wa moyo kwa watoto inayofanywa na wataalamu wa Taasisi ya Moyo Jakaya Kikwete (JKCI) kwa kushirikiana na wenzao kutoka Shirika la Okoa Moyo wa Mtoto (SACH) la nchini Israel na Hospitali ya Taifa ya Moyo Zambia (NHH).

Mkurugenzi Mtendani wa Taasisi ya Moyo Jakaya Kikwete (JKCI) Dkt. Peter Kisenge akizungumza na waandishi wa habari jana mjini Lusaka wakati wa kambi maalumu ya upasuaji wa moyo kwa watoto inayofanywa na wataalamu wa Taasisi hiyo kwa kushirikiana na wenzao kutoka Shirika la Okoa Moyo wa Mtoto (SACH) la nchini Israel na Hospitali ya Taifa ya Moyo Zambia (NHH).

Daktari bingwa wa magonjwa ya moyo kwa watoto wa Taasisi ya Moyo Jakaya Kikwete (JKCI) Stella Mongela akielezea namna wanavyoshirikiana na madaktari wa Hospitali ya Taifa ya Moyo Zambia (NHH) kuwachunguza watoto wenye magonjwa ya moyo wakati na mkutano na waandishi wa habari jana mjini Lusaka kuhusu kambi maalumu ya upasuaji wa moyo kwa watoto inayoafanyika katika Hospitali ya NHH iliyopo Lusaka nchini Zambia.

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akizungumza na Mkurugenzi wa Hospitali ya Taifa ya Moyo Zambia (NHH) Dkt. Chabwela Shumba alipotembelea chumba cha uangalizi maalumu (ICU) wakati wa kambi maalumu ya siku sita ya upasuaji wa moyo kwa watoto inayofanywa na wataalamu wa JKCI kwa kushirikiana na wenzao kutoka Shirika la Okoa Moyo wa Mtoto (SACH) la nchini Israel na Hospitali ya Taifa ya Moyo Zambia (NHH).


Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge, Mkurugenzi wa Hospitali ya Taifa ya Moyo Zambia (NHH) Dkt. Chabwela Shumba na Mkurugenzi wa Shirika la Okoa Moyo wa Mtoto (SACH) la nchini Israel Samweli Fisher wakiunganisha mikono kuonyesha ushirikiano wakati wa kambi maalumu ya upasuaji wa moyo kwa watoto inayofanyika katika Hospitali ya NHH iliyopo Lusaka nchini Zambia.

Na JKCI

****************************************************************************************************

Taasisi ya Moyo Jakaya Kikwete (JKCI) imepewa wito wa kutumia utaalamu wake wa kibingwa kuendeleza hospitali mbalimbali barani Afrika zinazotoa huduma za matibabu ya moyo, hatua itakayosaidia kupunguza utegemezi wa bara hilo kupata huduma za matibabu nje ya Afrika na kuimarisha uwezo wa ndani wa kuhudumia wagonjwa.

Rai hiyo imetolewa jana jijini Lusaka na Balozi wa Tanzania nchini Zambia Mhe. Luteni Generali Mathew Edward Mkingule wakati akiongea na waandishi wa  habari kuhusu kambi maalumu ya upasuaji wa moyo kwa watoto inayofanywa na wataalamu wa JKCI  kwa kushirikiana na  Shirika la Save a Child’s Heart (SACH) la nchini Israel na Hospitali ya Taifa ya Moyo Zambia (NHH).

Mhe. Luteni Generali Mkingule alisema Taasisi ya Moyo Jakaya Kikwete (JKCI) na Hospitali ya Taifa ya Moyo Zambia (NHH) ni wakati wao sasa kushirikiana na kugawana ujuzi walionao kwa maslahi ya nchi zao na Afrika kwa ujumla.

“Afrika tunayoitaka ni ile ya mshikamano na ushirikiano, tusishindane bali tushirikishane na kubadilishana uzoefu, ujuzi na umahiri wetu kwa ajili ya ustawi wa watu wetu na maendeleo ya Afrika kwa ujumla”, alisema Mhe. Luteni General Mkingule

Aidha Mhe. Luteni General Mkingule alisema Serikali ya nchi hizo mbili inatambua na kuthamini kwa dhati msaada wanaopata kutoka nje ya nchi hususan kutoka Shirila la Okoa Moyo wa Mtoto (SACH) la nchini Israel kwani watoto hawana mipaka haijalishi wapo Afrika hivyo ni vizuri wakasaidiwa kwa pamoja na kuokoa maisha yao.

Kwa upande wake Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge alisema JKCI na NHH wamesaini makubaliano mwaka 2023 kwa ajili ya kutoa huduma za kibingwa bobezi za matibabu ya moyo kwa watoto na watu wazima, kutoa mafunzo kwa wataalamu wa afya na kufanya kambi maalumu za upasuaji wa moyo angalau mara mbili kwa mwaka.

“Tangu kusainiwa kwa makubaliano hayo JKCI imeshatoa mafunzo ya jinsi ya kuwahudumia wagonjwa wa dharura na mahututi kwa wauguzi 14 kutoka Hospitali ya Taifa ya Moyo ya Zambia, huku wanne wakiendelea na mafunzo hayo sasa”.

“Tumeshafanya kambi maalumu za upasuaji wa moyo kwa watoto nne katika hospitali hii kwa kushirikiana na SACH na wadau wengine wa kimataifa, na kwa sasa timu yetu ipo hapa kwaajili ya kambi maalumu ya tano. Takriban wananchi wa Zambia 100 wamepata huduma kupitia ushirikiano huu, ambapo kati yao asilimia 43 walifanyiwa upasuaji wa moyo”, alisema Dkt. Kisenge.

Dkt. Kisenge alisema kwa kipindi cha miaka 10 tangu kuanzishwa kwake JKCI imekuwa miongoni mwa Taasisi inayotoa huduma bingwa na bobezi za matibabu ya moyo Afrika Mashariki na Kusini mwa Jangwa la Sahara hivyo inatamani kuona Taasisi nyingine zinazotoa huduma hiyo hususani za umma zinapata mafanikio ambayo taasisi hiyo imepata.

Naye Mkurugenzi wa Hospitali ya Taifa ya Moyo Zambia (NHH) Dkt. Chabwela Shumba alisema JKCI na SACH ni Taasisi mbili za kipekee zilizoamua kuungana kwa pamoja kuokoa maisha ya watoto wenye magonjwa ya moyo waliopo nchini Zambia.

Dkt. Shumba alisema katika kambi hiyo wataalamu hao wanafanya upasuaji wa moyo wa kisasa kwa watoto ambao wataalamu wa Hospitali hiyo wasingeweza kufanya hivyo ingepelekea watoto hao kupelekwa nje ya Zambia kwaajili ya matibabu.

“Katika kambi hii tumewafanyia uchunguzi watoto zaidi ya 30 ambapo watoto 10 watafanyiwa upasuaji wa moyo wa kufungua kifua na watoto 20 watafanyiwa upasuaji wa moyo kwa njia ya tundu dogo kupitia mtambo wa Cathlab, alisema Dkt. Shumba.



Comments

Post a Comment

Popular posts from this blog

Wateja wa CRDB kutibiwa JKCI kwa punguzo la asilimia 50%

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakisaini mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.    Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakibadilishana mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.   Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakimjulia hali mtoto aliyelazwa katika wodi ya watoto wenye magonjwa ya moyo kabla ya hafla fupi ya kusaini mkataba wa makubaliano ya ushirikiano bain...
Read more

Wanawake wa JKCI SACCOS wanaongoza kwa kumiliki hisa

Image
Mwenyekiti wa Chama cha kuweka akiba na mikopo (SACCOS) cha Taasisi ya Moyo Jakaya Kikwete (JKCI) Dkt. Tulizo Shem akizungumza na wanachama wa SACCOS hiyo wakati wa mkutano mkuu wa mwaka uliofanyika leo katika ukumbi wa Taasisi hiyo iliyopo Jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) na mgeni rasmi katika mkutano mkuu wa mwaka wa wanachama wa Chama cha kuweka akiba na mikopo (SACCOS) cha JKCI akiwapongeza wanachama hao kwa kuweka jitihada za kuboresha mfuko wa SACCOS leo wakati wa mkutano huo uliofanyika katika ukumbi wa JKCI iliyopo jijini Dar es Salaam Afisa Ushirika Halmashauri ya Jiji la Dar es Salaam Mihayo Malunde akielezea namna fedha zinazokusanywa na Chama cha kuweka akiba na mikopo (SACCOS) cha JKCI zinaweza kuongeza uchumi wa wanachama wakati wa mkutano mkuu wa mwaka wa wanachama wa SACCOS ya Taasisi ya Moyo Jakaya Kikwete (JKCI) uliofanyika leo katika ukumbi wa JKCI iliyopo jijini Dar es Salaam Mjumbe wa Chama cha kuweka akiba na mikop...
Read more

JKCI, MOI NA MNH waitwa Comoro kutoa huduma za matibabu ya kibingwa

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuonyesha Waziri wa Ulinzi wa Comoro Mhe. Yousoufa Mohamed Ali    sehemu ya kusubiria wagonjwa wa kliniki maalumu ya VIP alipotembelea taasisi hiyo leo kwaajili ya kuona huduma mbalimbali za matibabu ya moyo zinazotolewa. Waziri wa Ulinzi wa Comoro Mhe. Yousoufa Mohamed Ali akizungumza na viongozi wa wizara ya Afya, Taasisi ya Moyo Jakaya Kikwete (JKCI), Taasisi ya Tiba ya Mifupa na Ubongo Muhimbili (MOI) na  Hospitali ya Taifa Muhimbili (MNH)  alipozitembelea hospitali hizo leo kwaajili ya kuona namna ambavyo zitawatuma wataalamu wake   kwenda kutoa huduma za matibabu ya kibingwa kwa wananchi wa Comoro.   Waziri wa Ulinzi wa Comoro Mhe. Yousoufa Mohamed Ali akiagana na Naibu Katibu Mkuu wa Wizara ya Afya Mhandisi Ismail Rumatila mara baada ya kukutana na viongozi wa wizara hiyo, Taasisi ya Moyo Jakaya Kikwete (JKCI), Taasisi ya Tiba ya Mifupa na Ubongo Muhimbili (MOI) na...
Read more