JKCI yagusa mioyo ya wanachama 125 wa TAWCA kupitia upimaji wa afya Jijini Arusha

 Mwenyekiti wa Chama cha Wahasibu Wanawake Tanzania (TAWCA) CPA. Mary Mabiti akimkabidhi jana Mkuu wa Kitengo cha Fedha na Uhasibu wa Taasisi ya Moyo Jakaya Kikwete (JKCI) CPA. Ashura Ally tuzo ya shukrani ya utoaji wa huduma za upimaji wa magonjwa ya moyo kwa wanachama wa chama hicho waliohudhuria mkutano wa TAWCA unaofanyika jijini Arusha. Katika mkutano huo JKCI ilitoa bila malipo huduma ya upimaji wa magonjwa ya moyo kwa wanachama 125.

Mkuu wa Kitengo cha Fedha na Uhasibu wa Taasisi ya Moyo Jakaya Kikwete (JKCI) CPA. Ashura Ally akigawa vipeperushi vya kutoa elimu ya magonjwa ya moyo jana kwa wanachama wa Chama cha Wahasibu Wanawake Tanzania (TAWCA) waliofika katika banda la JKCI kwaajili ya kupata huduma za upimaji wa magonjwa ya moyo inayotolewa katika mkutano wa TAWCA jijini Arusha.


Afisa Lishe wa Taasisi ya Moyo Jakaya Kikwete (JKCI) Neema Matemba akitoa elimu ya lishe bora kwa mwanachama wa Chama cha Wahasibu Wanawake Tanzania (TAWCA) aliyeshiriki mkutano wa chama hicho unaofanyika jijini Arusha. Katika mkutano huo JKCI ilitoa bila malipo huduma ya upimaji wa magonjwa ya moyo kwa wanachama 125.


Mhasibu wa Taasisi ya Moyo Jakaya Kikwete (JKCI) Edna Sanga akiwaeleza huduma zinazotolewa na JKCI wanachama wa Chama cha Wahasibu Wanawake Tanzania (TAWCA) aliyefika katika banda la taasisi hiyo jana kwaajili ya kupata huduma za uchunguzi wa magonjwa ya moyo zinazotolewa na wataalamu wa taasisi hiyo  katika mkutano wa TAWCA  unaofanyika jijini Arusha.

*****************************************************************************************************************************************************************************************************************

Wataalamu wa Taasisi ya Moyo Jakaya Kikwete (JKCI) wamefanya upimaji wa magonjwa ya moyo kwa wanachama 125 wa Chama cha Wahasibu Wanawake Tanzania (TAWCA) wanaoshiriki mkutano wa chama hicho unaofanyika jijini Arusha.

Mbali na upimaji huo unaofanyika bila malipo JKCI pia ilitoa elimu kuhusu namna ya kujikinga na magonjwa ya moyo, ulaji wa lishe bora na matumizi sahihi ya dawa za moyo kwa wagonjwa.

Akizungumza na waandishi wa habari jana Daktari Bingwa wa Magonjwa ya Moyo na Mkuu wa Kitengo cha Vipimo vya Moyo wa JKCI, Dkt. Engerasia Kifai  alisema mwitikio umekuwa mkubwa jambo linaloonyesha wananchi wengi sasa hivi wanaelewa umuhimu wa kupima afya zao mara kwa mara.

“Tumewafanya vipimo vya sukari, shinikizo la damu, urefu na uzito wa mwili, pamoja na vipimo vya kuangalia jinsi moyo unavyofanya kazi na mfumo wa umeme wa moyo (ECG). Tunafurahi kuona watu wamejitokeza kwa wingi, hii ni hatua muhimu katika kujikinga na magonjwa ya moyo”.

“Kati ya watu 125 tuliowafanyia vipimo sita tumewaanzishia dawa za shinikizo la juu la damu na wanne ambao walikuwa wanashida ya moyo tumewabadilishia dawa za kutumia na kuwapa dawa ambao zinaendana na matatizo waliyonayo ambazo naamini zitawasaidia”,  alisema Dkt. Kifai.

Dkt. Kifai aliwaomba wananchi kujitokeza kwa wingi pale watakaposikia taasisi hiyo inafanya upimaji wa magonjwa ya moyo kwa wananchi kwani huduma hiyo inatolewa bila malipo ikiwa na lengo la kusogeza kwa karibu huduma za kibingwa za matibabu ya moyo kwa wananchi.

“Wiki hii na wiki ijayo kuna wataalamu wenzetu wanafanya upimaji katika maonesho ya madini yanayofanyika mkoani Geita,  na katika kuadhimisha siku ya moyo duniani tarehe 29 Septemba tutafanya upimaji  Dar es Salaam  katika hospitali yetu ya Dar Group iliyopo TAZARA. Ninawaomba wananchi mjitokeze kwa wingi kupima afya za mioyo yenu kwani  huduma hii tunaitoa bila malipo yoyote yale”, alisisitiza Dkt. Kifai.

Kwa upande wake Mkurugenzi wa Chama cha Wahasibu Wanawake Tanzania (TAWCA) CPA. Tumaini Lawrence aliishukuru Taasisi ya Moyo Jakaya Kikwete kwa huduma ya upimaji na ushauri wa jinsi ya kuepukana na magonjwa ya moyo wanayoitoa kwa wanachama wa chama hicho na  kuomba ushirikiano uliopo kati yao uendelee.

“Wanawake wanakabiliwa na majukumu mengi ya kifamilia na mara nyingine hukosa muda wa kupima afya zao, wanaweza kuwa na dalili za ugonjwa fulani lakini wakaona ni sawa na kutokwenda hospitali kwa wakati.Tunaishukuru JKCI kwa huduma mnayoitoa tunaomba mshirikiane nasi ili wanawake wengi zaidi wapate fursa ya kupima na kujua afya zao mapema”.

“Kwa wanachama ambao hawajafanikiwa kupima ninawaomba watenge muda wakapime kwa kuwa afya ya moyo ni kipaumbele cha kila mmoja wetu”, alisema CPA. Tumaini.

Baadhi ya washiriki wa mkutano huo walieleza kufurahishwa na mpangilio mzuri wa utoaji wa huduma na kusema kuwa imewapa uelewa na hamasa ya kuendelea kujali afya zao.

Huduma hiyo ni sehemu ya juhudi za JKCI za kuhamasisha jamii kujikinga na magonjwa ya moyo kupitia upimaji wa mapema, utoaji wa elimu ya afya na ushauri wa kitabibu.

Comments

Post a Comment

Popular posts from this blog

Wateja wa CRDB kutibiwa JKCI kwa punguzo la asilimia 50%

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakisaini mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.    Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakibadilishana mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.   Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakimjulia hali mtoto aliyelazwa katika wodi ya watoto wenye magonjwa ya moyo kabla ya hafla fupi ya kusaini mkataba wa makubaliano ya ushirikiano bain...
Read more

Wanawake wa JKCI SACCOS wanaongoza kwa kumiliki hisa

Image
Mwenyekiti wa Chama cha kuweka akiba na mikopo (SACCOS) cha Taasisi ya Moyo Jakaya Kikwete (JKCI) Dkt. Tulizo Shem akizungumza na wanachama wa SACCOS hiyo wakati wa mkutano mkuu wa mwaka uliofanyika leo katika ukumbi wa Taasisi hiyo iliyopo Jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) na mgeni rasmi katika mkutano mkuu wa mwaka wa wanachama wa Chama cha kuweka akiba na mikopo (SACCOS) cha JKCI akiwapongeza wanachama hao kwa kuweka jitihada za kuboresha mfuko wa SACCOS leo wakati wa mkutano huo uliofanyika katika ukumbi wa JKCI iliyopo jijini Dar es Salaam Afisa Ushirika Halmashauri ya Jiji la Dar es Salaam Mihayo Malunde akielezea namna fedha zinazokusanywa na Chama cha kuweka akiba na mikopo (SACCOS) cha JKCI zinaweza kuongeza uchumi wa wanachama wakati wa mkutano mkuu wa mwaka wa wanachama wa SACCOS ya Taasisi ya Moyo Jakaya Kikwete (JKCI) uliofanyika leo katika ukumbi wa JKCI iliyopo jijini Dar es Salaam Mjumbe wa Chama cha kuweka akiba na mikop...
Read more

JKCI, MOI NA MNH waitwa Comoro kutoa huduma za matibabu ya kibingwa

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuonyesha Waziri wa Ulinzi wa Comoro Mhe. Yousoufa Mohamed Ali    sehemu ya kusubiria wagonjwa wa kliniki maalumu ya VIP alipotembelea taasisi hiyo leo kwaajili ya kuona huduma mbalimbali za matibabu ya moyo zinazotolewa. Waziri wa Ulinzi wa Comoro Mhe. Yousoufa Mohamed Ali akizungumza na viongozi wa wizara ya Afya, Taasisi ya Moyo Jakaya Kikwete (JKCI), Taasisi ya Tiba ya Mifupa na Ubongo Muhimbili (MOI) na  Hospitali ya Taifa Muhimbili (MNH)  alipozitembelea hospitali hizo leo kwaajili ya kuona namna ambavyo zitawatuma wataalamu wake   kwenda kutoa huduma za matibabu ya kibingwa kwa wananchi wa Comoro.   Waziri wa Ulinzi wa Comoro Mhe. Yousoufa Mohamed Ali akiagana na Naibu Katibu Mkuu wa Wizara ya Afya Mhandisi Ismail Rumatila mara baada ya kukutana na viongozi wa wizara hiyo, Taasisi ya Moyo Jakaya Kikwete (JKCI), Taasisi ya Tiba ya Mifupa na Ubongo Muhimbili (MOI) na...
Read more