Watoto 28 wafanyiwa upasuaji wa moyo, Serikali yaokoa milioni 270

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akikabidhi tuzo ya shukrani kiongozi wa timu ya watalaamu kutoka King Salman Humanitarian Aid and Relief Center nchini Saudi Arabia Aijohara Hamza wakati wa hafla fupi ya kufunga kambi ya upasuaji wa moyo kwa watoto iliyofanyika JKCI. Taasisi hiyo iliishukuru King Salman Humanitarian Aid and Relief Center kutokana na ushirikiano walionao wa kutoa mafunzo kwa wataalamu wa afya na matibabu ya moyo kwa watoto.


Mkurugenzi wa Idara ya Mashariki ya Kati kutoka Wizara ya Mambo ya Nje na Ushirikiano wa Afrika Mashariki Balozi Abdallah Kilima akimkabidhi zawadi mratibu wa  kambi ya upasuaji wa moyo kwa watoto kutoka King Salman Humanitarian Aid and Relief Center Alharthi Hamazah Abdulaziz wakati wa hafla fupi ya kufunga kambi ya upasuaji wa moyo kwa watoto iliyofanyika JKCI. Watoto 28 walifanyiwa upasuaji wa moyo katika kambi hiyo.

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi zawadi Naibu Balozi wa Saudi Arabia Abdallah Kashani wakati wa hafla fupi ya kufunga kambi ya upasuaji wa moyo kwa watoto iliyofanywa na wataalamu wa JKCI kwa kushirikiana na wenzao wa King Salman Humanitarian Aid and Relief Center kutoka Saudi Arabia. Watoto 28 walifanyiwa upasuaji wa moyo katika kambi hiyo.

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge, Mkurugenzi wa Idara ya Mashariki ya Kati wa Wizara ya Mambo ya Nje na Ushirikiano wa Afrika Mashariki Balozi Abdallah Kilima, Naibu Balozi wa Saudi Arabia nchini Tanzania Abdallah Kashani na watalaamu kutoka King Salman Humanitarian Aid and Relief Center wakiwa katika picha ya pamoja mara baada ya kumalizika kwa hafla fupi ya kufunga kambi ya upasuaji wa moyo kwa watoto iliyofanyika JKCI.

**********************************************************************************************************************************************************************************************************

Serikali imeokoa kiasi cha shilingi milioni 270 kupitia kambi maalumu ya upasuaji wa moyo kwa watoto iliyofanywa na wataalamu wa Taasisi ya Moyo Jakaya Kikwete (JKCI) kwa kushirikiana na wenzao kutoka King Salman Humanitarian Aid and Relief Center nchini Saudi Arabia.

Akizungumza wakati wa kuhitimisha kambi hiyo hivi karibuni jijini Dar es Salaam Mkurugenzi Mtendaji wa JKCI Dkt. Peter Kisenge alisema mafanikio hayo yametokana na uhusiano mzuri uliopo kati ya Tanzania na Saudi Arabia chini ya uongozi mahili wa Raisi wa Jamhuri ya Muungano wa Tanzania Mhe. Dkt. Samia Suluhu Hassan.

Dkt. Kisenge ambaye pia ni daktari bingwa wa magonjwa ya moyo alisema kwa muda wa siku nane wamefanya upasuaji wa moyo kwa watoto waliokuwa na matatizo ya matundu kwenye moyo, kurekebisha vyumba vya moyo na mishipa ya damu ya moyo na kuokoa maisha yao.

“Watoto wote wanaendelea vizuri wataruhusiwa siku chache zijazo baada ya hali zao kuimarika, tunawashukuru wenzetu wa kituo cha King Salman Humanitarian Aid and Relief cha nchini Saudi Arabia licha ya kutoa huduma ya upasuaji wa moyo wamekuja pia na vifaa tiba ambavyo vimetumika katika matibabu ya watoto hawa”,alisema Dkt. Kisenge.

Kwa upande wake Naibu Balozi wa Saudi Arabia nchini Tanzania Abdallah Kashani aliishukuru serikali ya Tanzania kwa ushirikiano wanaowapa na kuahidi kuendelea kutoa ushirikiano katika Taasisi ya Moyo Jakaya Kikwete ( JKCI) kwa watoto wenye matatizo ya moyo kama sehemu muhimu ya kutoa huduma za kibinadamu kwa jamii.

Akizungumza kwa niaba ya Waziri wa Mambo ya Nje na Ushirikiano wa Afrika Mashariki Mhe. Balozi Mahmoud Thabit Kombo, Mkurugenzi wa Idara ya Mashariki ya Kati Balozi Abdallah Kilima alisema serikali inaunga mkono jitihada zinazofanywa na wataalamu wa upasuaji wa moyo kutoka nchini Saudi Arabia.

 “Shukrani ziende kwa mfalme wa Saudi Arabia na madaktari ambao wamekuwa tayari kuja Tanzania kufanya upasuaji wa moyo kwa watoto upasuaji ambao ni mgumu kufanyika na kuchukuwa muda mrefu lakini tumeona kuna upasuaji umechukuwa muda mfupi na tunashuhudia mafanikio makubwa”, alisema Balozi Kilima.

Naye  Kiongozi wa Timu ya watalaamu kutoka Kituo cha King Salman Humanitarian Aid and Relief cha nchini Saud Arabia Aijohara Hamza alisema mafanikio waliyoyapata ya kuwatibu watoto yametokana na ushirikiano mzuri wanaoupata kutoka kwa watalaamu wenzao wa JKCI na uwekezaji mkubwa unaofanywa na serikali ya Tanzania katika taasisi hiyo.

“Tunamshukuru Mungu tumefanikiwa kuwafanyiwa upasuaji wa moyo watoto 28 na wote wametoka salama kwani ni furaha yetu sisi kuona tunaokoa maisha ya watoto  na kurudisha tabasamu kwenye familia zao”,  alisema Dkt. Aijohara.

Wazazi wa watoto ambao wametibiwa katika kambi hiyo waliwashukuru  wataalamu hao kwa kuokoa maisha ya watoto wao baada ya kuteseka kwa muda mrefu na ugonjwa wa moyo uliokuwa unawasumbua.

“Mtoto wangu aligundulika kuwa na matatizo ya moyo miaka miwili iliyopita na niliambiwa matibabu yake yatagharimu kiasi cha shilingi milioni tisa lakini nimelipia shilingi milioni moja fedha zingine nimepata msamaha wa matibabu na mtoto amefanyiwa upasuaji na anaendelea vizuri”, alisema Mwaija Juma.

“Namshukuru Mungu mwanangu amepona peke yangu nisingeweza kabisa kumudu gharama za matibabu lakini nawashukuru madakatari, wauguzi na wataalamu wote wa afya  kwa kurejesha furaha kwangu na kwa mtoto wangu”,  alisema Asha Omar.

Comments

Post a Comment

Popular posts from this blog

Wateja wa CRDB kutibiwa JKCI kwa punguzo la asilimia 50%

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakisaini mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.    Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakibadilishana mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.   Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakimjulia hali mtoto aliyelazwa katika wodi ya watoto wenye magonjwa ya moyo kabla ya hafla fupi ya kusaini mkataba wa makubaliano ya ushirikiano bain...
Read more

Wanawake wa JKCI SACCOS wanaongoza kwa kumiliki hisa

Image
Mwenyekiti wa Chama cha kuweka akiba na mikopo (SACCOS) cha Taasisi ya Moyo Jakaya Kikwete (JKCI) Dkt. Tulizo Shem akizungumza na wanachama wa SACCOS hiyo wakati wa mkutano mkuu wa mwaka uliofanyika leo katika ukumbi wa Taasisi hiyo iliyopo Jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) na mgeni rasmi katika mkutano mkuu wa mwaka wa wanachama wa Chama cha kuweka akiba na mikopo (SACCOS) cha JKCI akiwapongeza wanachama hao kwa kuweka jitihada za kuboresha mfuko wa SACCOS leo wakati wa mkutano huo uliofanyika katika ukumbi wa JKCI iliyopo jijini Dar es Salaam Afisa Ushirika Halmashauri ya Jiji la Dar es Salaam Mihayo Malunde akielezea namna fedha zinazokusanywa na Chama cha kuweka akiba na mikopo (SACCOS) cha JKCI zinaweza kuongeza uchumi wa wanachama wakati wa mkutano mkuu wa mwaka wa wanachama wa SACCOS ya Taasisi ya Moyo Jakaya Kikwete (JKCI) uliofanyika leo katika ukumbi wa JKCI iliyopo jijini Dar es Salaam Mjumbe wa Chama cha kuweka akiba na mikop...
Read more

JKCI, MOI NA MNH waitwa Comoro kutoa huduma za matibabu ya kibingwa

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuonyesha Waziri wa Ulinzi wa Comoro Mhe. Yousoufa Mohamed Ali    sehemu ya kusubiria wagonjwa wa kliniki maalumu ya VIP alipotembelea taasisi hiyo leo kwaajili ya kuona huduma mbalimbali za matibabu ya moyo zinazotolewa. Waziri wa Ulinzi wa Comoro Mhe. Yousoufa Mohamed Ali akizungumza na viongozi wa wizara ya Afya, Taasisi ya Moyo Jakaya Kikwete (JKCI), Taasisi ya Tiba ya Mifupa na Ubongo Muhimbili (MOI) na  Hospitali ya Taifa Muhimbili (MNH)  alipozitembelea hospitali hizo leo kwaajili ya kuona namna ambavyo zitawatuma wataalamu wake   kwenda kutoa huduma za matibabu ya kibingwa kwa wananchi wa Comoro.   Waziri wa Ulinzi wa Comoro Mhe. Yousoufa Mohamed Ali akiagana na Naibu Katibu Mkuu wa Wizara ya Afya Mhandisi Ismail Rumatila mara baada ya kukutana na viongozi wa wizara hiyo, Taasisi ya Moyo Jakaya Kikwete (JKCI), Taasisi ya Tiba ya Mifupa na Ubongo Muhimbili (MOI) na...
Read more