Raia wa Malawi avutiwa na huduma bora za moyo JKCI, atoa shukrani za dhati


Mkuu wa Kitengo cha Uhusiano na Mawasiliano wa Taasisi ya Moyo Jakaya Kikwete (JKCI) Anna Nkinda akizungumza na mgonjwa kutoka nchini Malawi Dinnot-Phiri aliyetibiwa katika taasisi hiyo hivi karibuni ambaye alishukuru kwa huduma bora za matibabu ya moyo alizozipata. Kushoto ni Mratibu wa Utalii Tiba wa taasisi hiyo Salome Mbunga.

Mkuu wa Kitengo cha Uhusiano na Mawasiliano wa Taasisi ya Moyo Jakaya Kikwete (JKCI) Anna Nkinda akimpa zawadi mgonjwa kutoka nchini Malawi Dinnot-Phiri aliyetibiwa katika taasisi hiyo hivi karibuni ambaye alishukuru kwa huduma bora za matibabu ya moyo alizozipata.

***********************************************************************************************************************************************************************

 Mkazi wa Blantyre nchini Malawi Enita Dinnot-Phiri ameishukuru Taasisi ya Moyo ya Jakaya Kikwete (JKCI) kwa kutoa huduma bora za kiwango cha kimataifa za matibabu ya kibingwa ya moyo kwa watanzania na wasio watanzania .

Shukrani hizo amezitoa hivi karibuni wakati akizungumza na waandishi wa habari kuhusu kufurahishwa kwake na huduma za matibabu ya moyo alizozipata katika taasisi hiyo.

Enita alisema mara baada ya kugundulika kuwa na tatizo la moyo alipewa nafasi ya kuchagua nchi ya kwenda kutibiwa ikiwemo India lakini yeye alichagua kwenda Tanzania katika Taasisi ya Moyo ya Jakaya Kikwete (JKCI) mahali ambapo amepata matibabu ya kiwango cha juu.

“Nilifika hapa Jumamosi iliyopita  na nilijua kwamba huenda nikapatiwa matibabu siku za kazi yaani kuanzia Jumatatu, lakini baada tu ya kupokelewa kutoka Airport nilianza kupatiwa matibabu ambayo kwakweli sikutarajia kuyapata nimefurahi sana”.

“Namshukuru Mungu nimepata matibabu na nimeruhusiwa, ninawapongeza wafanyakazi  wote wa taasisi hii  kwa moyo wao wa ukarimu na upendo kwani kazi yao wanayoifanya ya kuokoa maisha ya watu ni kubwa na wanastahili kupewa pongezi”, alishukuru Enita.

Kwa upande wake Daktari Bingwa wa Magonjwa ya Moyo wa Taasisi ya Moyo Jakaya Kikwete (JKCI) Dickson Minja alisema walimpokea Enita kutoka nchini Malawi ambaye alikuwa na changamoto ya moyo iliyohitaji kupata huduma ya matibabu ya haraka.

Dkt. Minja alisema kutokana na uhitaji wa haraka wa huduma ya matibabu kwa mgonjwa huyo siku ya Jumapili kwa kutumia mtambo wa Cathlab walimfanyia upasuaji wa moyo wa bila kupasua kifua ambao ulikwenda vizuri bila ya changamoto yoyote.

“Ninawaomba wananchi wenye matatizo ya moyo wafike katika taasisi yetu ili wapate matibabu kwa wakati kwani muda wote hata siku za sikukuu tunatoa huduma za matibabu ya viwango vya ubora wa kimataifa hii ni kutokana na uwekezaji mkubwa uliofanywa na serikali yetu kupitia Rais wa Jamhuri ya Muungano wa Tanzania Mhe. Dkt. Samia Suluhu Hassan.

Comments

Post a Comment

Popular posts from this blog

Wateja wa CRDB kutibiwa JKCI kwa punguzo la asilimia 50%

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakisaini mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.    Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakibadilishana mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.   Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakimjulia hali mtoto aliyelazwa katika wodi ya watoto wenye magonjwa ya moyo kabla ya hafla fupi ya kusaini mkataba wa makubaliano ya ushirikiano bain...
Read more

Wanawake wa JKCI SACCOS wanaongoza kwa kumiliki hisa

Image
Mwenyekiti wa Chama cha kuweka akiba na mikopo (SACCOS) cha Taasisi ya Moyo Jakaya Kikwete (JKCI) Dkt. Tulizo Shem akizungumza na wanachama wa SACCOS hiyo wakati wa mkutano mkuu wa mwaka uliofanyika leo katika ukumbi wa Taasisi hiyo iliyopo Jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) na mgeni rasmi katika mkutano mkuu wa mwaka wa wanachama wa Chama cha kuweka akiba na mikopo (SACCOS) cha JKCI akiwapongeza wanachama hao kwa kuweka jitihada za kuboresha mfuko wa SACCOS leo wakati wa mkutano huo uliofanyika katika ukumbi wa JKCI iliyopo jijini Dar es Salaam Afisa Ushirika Halmashauri ya Jiji la Dar es Salaam Mihayo Malunde akielezea namna fedha zinazokusanywa na Chama cha kuweka akiba na mikopo (SACCOS) cha JKCI zinaweza kuongeza uchumi wa wanachama wakati wa mkutano mkuu wa mwaka wa wanachama wa SACCOS ya Taasisi ya Moyo Jakaya Kikwete (JKCI) uliofanyika leo katika ukumbi wa JKCI iliyopo jijini Dar es Salaam Mjumbe wa Chama cha kuweka akiba na mikop...
Read more

JKCI, MOI NA MNH waitwa Comoro kutoa huduma za matibabu ya kibingwa

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuonyesha Waziri wa Ulinzi wa Comoro Mhe. Yousoufa Mohamed Ali    sehemu ya kusubiria wagonjwa wa kliniki maalumu ya VIP alipotembelea taasisi hiyo leo kwaajili ya kuona huduma mbalimbali za matibabu ya moyo zinazotolewa. Waziri wa Ulinzi wa Comoro Mhe. Yousoufa Mohamed Ali akizungumza na viongozi wa wizara ya Afya, Taasisi ya Moyo Jakaya Kikwete (JKCI), Taasisi ya Tiba ya Mifupa na Ubongo Muhimbili (MOI) na  Hospitali ya Taifa Muhimbili (MNH)  alipozitembelea hospitali hizo leo kwaajili ya kuona namna ambavyo zitawatuma wataalamu wake   kwenda kutoa huduma za matibabu ya kibingwa kwa wananchi wa Comoro.   Waziri wa Ulinzi wa Comoro Mhe. Yousoufa Mohamed Ali akiagana na Naibu Katibu Mkuu wa Wizara ya Afya Mhandisi Ismail Rumatila mara baada ya kukutana na viongozi wa wizara hiyo, Taasisi ya Moyo Jakaya Kikwete (JKCI), Taasisi ya Tiba ya Mifupa na Ubongo Muhimbili (MOI) na...
Read more