JKCI yatua Hospitali ya ya Rufaa ya Polisi ngazi ya Mkoa Kilwa Road (KRPRRH) kutoa huduma za uchunguzi na matibabu ya moyo

Askari polisi wa kambi ya Kilwa Road, familia zao na wananchi wa Temeke wakiwa katika foleni ya kupatiwa huduma za uchunguzi wa awali wa magonjwa ya moyo wakati wa kambi maalumu ya siku mbili ya Mhe. Dkt. Samia Suluhu Hassan tiba mkoba iliyofanyika katika kambi hiyo katika kuadhimisha miaka 10 ya JKCI. 

Afisa Takwimu wa Taasisi ya Moyo Jakaya Kikwete (JKCI) Makrina Komba akimpima kiwango cha sukari kwenye damu askari polisi wakati wa kambi maalumu ya siku mbili ya Mhe. Dkt. Samia Suluhu Hassan tiba mkoba iliyokuwa ikifanywa na Taasisi hiyo katika kuadhimisha miaka 10 ya JKCI.

Afisa Uuguzi wa Hospitali ya Rufaa ya Polisi ngazi ya Mkoa Kilwa Road (KRPRRH) Gema Marandu akimpima shinikizo la damu mwananchi wa Temeke aliyefika katika kambi maalumu ya siku mbili ya uchunguzi wa magonjwa ya moyo ijulikanayo kama Mhe. Dkt. Samia Suluhu Hassan tiba Mkoba iliyokuwa ikifanywa na Taasisi ya Moyo Jakaya Kikwete (JKCI) katika kuadhimisha miaka 10 ya Taasisi hiyo.

Daktari wa Taasisi ya Moyo Jakaya Kikwete (JKCI) Nanta-Aimee Wambali akimsikiliza askari polisi wakati wa kambi maalumu ya siku mbili ya uchunguzi wa magonjwa ya moyo ijulikanayo kama Mhe. Dkt. Samia Suluhu Hassan tiba Mkoba iliyokuwa ikifanyika katika kambi ya Polisi ya Kilwa Road katika kuadhimisha miaka 10 ya JKCI.

Afisa Uuguzi wa Hospitali ya Rufaa ya Polisi ngazi ya Mkoa Kilwa Road (KRPRRH) Donatha Kisaka akimpima urefu na uzito mwananchi wa Temeke aliyefika katika kambi maalumu ya siku mbili ya uchunguzi wa magonjwa ya moyo ijulikanayo kama Mhe. Dkt. Samia Suluhu Hassan tiba Mkoba iliyokuwa ikifanywa na Taasisi ya Moyo Jakaya Kikwete (JKCI) katika kuadhimisha miaka 10 ya Taasisi hiyo.


Afisa lishe wa Taasisi ya Moyo Jakaya Kikwete (JKCI) Emmanuel Lingindo akimuelezea kuhusu lishe bora askari polisi aliyepatiwa huduma katika kambi maalumu ya siku mbili ya uchunguzi wa magonjwa ya moyo ijulikanayo kama Mhe. Dkt. Samia Suluhu Hassan tiba Mkoba iliyokuwa ikifanyika katika Kambi ya polisi ya Kilwa Road  katika kuadhimisha miaka 10 ya JKCI.

Picha na JKCI

********************************************************************************************************************

Askari Polisi, familia zao na wananchi 172 wamefanyiwa uchunguzi wa awali wa magonjwa ya moyo katika kambi maalumu ya siku mbili ya matibabu ya moyo ijulikanayo kama Mhe. Dkt. Samia Suluhu Hassan tiba mkoba.

Kambi hiyo imefanyika hivi karibuni katika Hospitali ya Rufaa ya Polisi ngazi ya Mkoa Kilwa Road (KRPRRH) katika kuadhimisha miaka 10 ya Taasisi ya Moyo Jakaya Kikwete (JKCI) tangu ilipoanzishwa mwezi Septemba mwaka 2015.

Akizungumza wakati wa kuhitimisha kambi hiyo Mganga Mfawidhi wa Hospitali ya Rufaa ya Polisi ngazi ya Mkoa Kilwa Road (KRPRRH) Dkt. Nyanda Lushina alisema hospitali hiyo imefanya ushirikiano na JKCI katika kutoa huduma za uchunguzi wa magonjwa ya moyo ili kwa pamoja waweze kuwafikishia huduma za kibingwa askari polisi, familia zao na wananchi wanaotibiwa katika hospitali hiyo.

“Hospitali yetu ilianzishwa kwaajili ya kuwatibu askari polisi na familia zao lakini sasa hivi imekuwa kimbilio la wananchi ambao wanatuzunguka, hivyo tukaona tufanye ushirikiano na JKCI ili tuwarahisishie kupata huduma za kibingwa za magonjwa ya moyo”, alisema Dkt. Nyanda

Upimaji huu umetoa nafasi kwa watumishi wetu wanaokuwa kazini muda mrefu na kusahau kufanya uchunguzi wa afya yakiwemo magonjwa ya moyo, lakini pia kupitia nafasi hii wananchi wanaotuzunguka wamepata nafasi ya kufahamu afya zao.

Dkt. Nyanda aliomba mbeleni JKCI wawe na mahusiano na vituo vya afya vya Polisi vilivyopo katika kila mkoa waweze kufikisha huduma za kibingwa za moyo na kuhakikisha kuwa afya za askari polisi zipo vizuri katika kulinda usalama wa nchi.

Kwa upande wake daktari kutoka Taasisi ya Moyo Jakaya Kikwete (JKCI) Daud Gwilenza alisema JKCI inatimiza miaka 10 kwa kutoa huduma za uchunguzi wa magonjwa ya moyo kwa makundi mbalimbali yakiwemo askari polisi, wanafunzi na jamii kwa ujumla.

“Mwitikio katika kambi hii umekuwa mkubwa, askari polisi wamejitokeza kwa wingi na walikuwa tayari kufanyiwa uchunguzi ambapo tumeweza kuwaelimisha kuhusu afya ya moyo na waliokuwa tayari tumewapima moyo”, alisema Dkt. Daud

Dkt. Daud alisema katika kambi hiyo askari polisi, familia zao na wananchi wameweza kupimwa kipimo cha kuangalia jinsi moyo  unavyofanya kazi (Echocardiography), shinikizo la damu, sukari kwenye damu, uwiano wa urefu na uzito pamoja na vipimo vya damu.

Naye mwananchi aliyepata huduma katika kambi hiyo ambaye hakutaka jina lake lifahamike alisema huduma za uchunguzi wa moyo zifanyike mara kwa mara katika Hospitali ya Rufaa ya Polisi ngazi ya Mkoa Kilwa Road (KRPRRH) kuwasaidia wananchi wengi wa maeneo ya Temeke wanaoitumia hospitali hiyo.

“Hospitali ya Rufaa ya Polisi ngazi ya Mkoa Kilwa Road (KRPRRH) inatusaidia sana sisi wananchi wa Temeke, tukiweza kupata huduma za kibingwa kama hizi za moyo itatusaidia kupata huduma kirahisi na kwa haraka pale zinapohitajika”, alisema mwananchi huyo.


Comments

Post a Comment

Popular posts from this blog

Wateja wa CRDB kutibiwa JKCI kwa punguzo la asilimia 50%

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakisaini mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.    Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakibadilishana mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.   Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakimjulia hali mtoto aliyelazwa katika wodi ya watoto wenye magonjwa ya moyo kabla ya hafla fupi ya kusaini mkataba wa makubaliano ya ushirikiano bain...
Read more

Wanawake wa JKCI SACCOS wanaongoza kwa kumiliki hisa

Image
Mwenyekiti wa Chama cha kuweka akiba na mikopo (SACCOS) cha Taasisi ya Moyo Jakaya Kikwete (JKCI) Dkt. Tulizo Shem akizungumza na wanachama wa SACCOS hiyo wakati wa mkutano mkuu wa mwaka uliofanyika leo katika ukumbi wa Taasisi hiyo iliyopo Jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) na mgeni rasmi katika mkutano mkuu wa mwaka wa wanachama wa Chama cha kuweka akiba na mikopo (SACCOS) cha JKCI akiwapongeza wanachama hao kwa kuweka jitihada za kuboresha mfuko wa SACCOS leo wakati wa mkutano huo uliofanyika katika ukumbi wa JKCI iliyopo jijini Dar es Salaam Afisa Ushirika Halmashauri ya Jiji la Dar es Salaam Mihayo Malunde akielezea namna fedha zinazokusanywa na Chama cha kuweka akiba na mikopo (SACCOS) cha JKCI zinaweza kuongeza uchumi wa wanachama wakati wa mkutano mkuu wa mwaka wa wanachama wa SACCOS ya Taasisi ya Moyo Jakaya Kikwete (JKCI) uliofanyika leo katika ukumbi wa JKCI iliyopo jijini Dar es Salaam Mjumbe wa Chama cha kuweka akiba na mikop...
Read more

JKCI, MOI NA MNH waitwa Comoro kutoa huduma za matibabu ya kibingwa

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuonyesha Waziri wa Ulinzi wa Comoro Mhe. Yousoufa Mohamed Ali    sehemu ya kusubiria wagonjwa wa kliniki maalumu ya VIP alipotembelea taasisi hiyo leo kwaajili ya kuona huduma mbalimbali za matibabu ya moyo zinazotolewa. Waziri wa Ulinzi wa Comoro Mhe. Yousoufa Mohamed Ali akizungumza na viongozi wa wizara ya Afya, Taasisi ya Moyo Jakaya Kikwete (JKCI), Taasisi ya Tiba ya Mifupa na Ubongo Muhimbili (MOI) na  Hospitali ya Taifa Muhimbili (MNH)  alipozitembelea hospitali hizo leo kwaajili ya kuona namna ambavyo zitawatuma wataalamu wake   kwenda kutoa huduma za matibabu ya kibingwa kwa wananchi wa Comoro.   Waziri wa Ulinzi wa Comoro Mhe. Yousoufa Mohamed Ali akiagana na Naibu Katibu Mkuu wa Wizara ya Afya Mhandisi Ismail Rumatila mara baada ya kukutana na viongozi wa wizara hiyo, Taasisi ya Moyo Jakaya Kikwete (JKCI), Taasisi ya Tiba ya Mifupa na Ubongo Muhimbili (MOI) na...
Read more