Wafanyakazi 149 wa JKCI Hospitali ya Dar Group wapata ajira serikalini

Mkuu wa Kitengo cha Utawala wa Taasisi ya Moyo Jakaya Kikwete (JKCI) Joachim Asenga akitoa mafunzo ya wajibu wa mtumishi wa umma kwa wafanyakazi 149 waliokuwa  chini ya hospitali binafsi ya Tanzania Occupational Health Services (TOHS - Dar Group) kabla haijakabidhiwa kwa JKCI  Novemba  2022 ambao wote wamepata ajira serikalini Agosti mwaka huu.

Mchunguzi Mkuu Kiongozi kutoka Taasisi ya Kuzuia na Kupambana na Rushwa (TAKUKURU) mkoa wa Ilala Nerry Mwakyusa akitoa elimu ya madhara ya rushwa mahali pa kazi kwa wafanyakazi 149 waliokuwa  chini ya hospitali binafsi ya Tanzania Occupational Health Services (TOHS - Dar Group) kabla haijakabidhiwa kwa JKCI  Novemba  2022 ambao wote wamepata ajira serikalini Agosti mwaka huu. 


Mkuu wa Kitengo cha Uhusiano na Mawasiliano wa Taasisi ya Moyo Jakaya Kikwete (JKCI) Anna Nkinda akizungumza na wafanyakazi 149 waliokuwa  chini ya hospitali binafsi ya Tanzania Occupational Health Services (TOHS - Dar Group) kabla haijakabidhiwa kwa JKCI  Novemba  2022 ambao wote wamepata ajira serikalini Agosti mwaka huu.


Baadhi ya wafanyakazi  waliokuwa  chini ya hospitali binafsi ya Tanzania Occupational Health Services (TOHS - Dar Group) kabla haijakabidhiwa kwa Taasisi ya Moyo Jakaya Kikwete (JKCI)  Novemba  2022 ambao wote wamepata ajira serikalini Agosti mwaka huu wakifuatilia mada mbalimbali zilizokuwa zinatolewa katika mafunzo elekezi  ya siku tatu kwa watumishi waliopata ajira ya kudumu serikalini.

********************************************************************************************************************************************************************************************
Serikali kupitia Sekretarieti ya Ajira katika Utumishi wa Umma imewaajiri wafanyakazi 149 waliokuwa wafanyazi wa Hospitali ya Dar Group kabla haijakabidhiwa kwa Taasisi ya Moyo Jakaya Kikwete (JKCI) tarehe 15 Novemba  2022.

Kabla ya kukabidhiwa kwa Taasisi ya Moyo Jakaya Kikwete (JKCI) wafanyakazi hao walikuwa  chini ya hospitali binafsi ya Tanzania Occupational Health Services (TOHS - Dar Group).

Hayo yamesemwa leo na Kaimu Mkurugenzi wa Taasisi ya Moyo Jakaya Kikwete (JKCI) Hospitali ya Dar Group Idd Lemah wakati akifungua mafunzo elekezi  ya siku tatu kwa watumishi waliopata ajira ya kudumu serikalini.  

Lemah alisema serikali iliwapatia Hospitali ya Dar Group iliyopo wilayani Temeke kuwa sehemu ya JKCI. Kuwepo kwa hospitali hiyo kumetatua changamoto ya nafasi ambayo walikuwa wanakabiliana nayo kwa muda mrefu na kusaidia kuboresha huduma za matibabu wanazozitoa kwa  wananchi.

“Serikali ilitukabidhi hospitali hii ikiwa na  majengo, mali, watumishi na madeni. Baada ya kufanya jitihada mbalimbali kwa kushirikiana na Ofisi ya Rais Utumishi  tumeweza kuwaajiri wafanyakazi wote na leo tunatoa mafunzo haya  ili kuhakikisha wanazingatia sheria, taratibu, weledi na maadili ya utumishi wa  umma ikiwemo kuepekana na vitendo vya rushwa”.

“Tunaishukuru serikali ya awamu ya sita inayoongozwa na Mhe.Rais Dkt. Samia Suluhu Hassan kwa kuwajali wafanyakazi hawa na kuwapatia ajira ninaamini walivyokuwa wanatoa huduma bora wakati wako katika sekta binafsi wataendelea kutoa huduma hiyohiyo serikalini”, alisema Lemah.

Kwa upande wake Mkuu wa Kitengo cha Utawala wa Taasisi ya Moyo ya Jakaya Kikwete (JKCI) Joachim Asenga alisema mafunzo hayo ya siku tatu kwa wafanyakazi hao yamelenga kuwajengea  mbinu bora za  uwajibikaji katika kazi zao za kila siku.

“Kutolewa kwa mafunzo haya ni takwa la kisheria kwa watumishi waliopata ajira serikalini, watafundishwa mada mbalimbali zikiwemo za madhara ya rushwa mahali pa kazi, haki na wajibu wa mtumishi katika utumishi wa umma, na Usalama wa Taifa”, alisema Asenga.

Akizungumza wakati akitoa mada ya madhara ya rushwa mahali pa kazi Mchunguzi Mkuu kiongozi kutoka Taasisi ya Kuzuia na Kupambana na Rushwa (TAKUKURU) mkoa wa Ilala Nerry Mwakyusa alisema kutolewa kwa  mafunzo kuhusiana na rushwa kutawasaidia  waajiriwa wapya kutambua madhara ya rushwa mahali pa kazi na jinsi ya kuiepuka.

“Dhana ya kwamba wale wanaotoa rushwa ya fedha ndiyo wanaoweza kupata huduma katika sekta ya afya ni kinyume cha sheria na inaweza kusababisha vifo kwa watu watakaoshindwa  kutoa fedha kwani watachelewa kupata huduma ambayo ingeokoa maisha yao”, alisema Nerry.

Nao wafanyakazi  waliohudhuria mafunzo hayo walishukuru kwa nafasi waliyoipata ya kupata ajira Serikalini na kuahidi kuendelea kutoa huduma bora kwa wagonjwa na wananchi wanaowahudumia.

“Tunashukuru tangu tumekabidhiwa kwa JKCI maslahi yetu yameboreshwa na tumeajiriwa serikalini, tutaendelea kutoa huduma za kizalendo kuhakikisha matokeo makubwa yanaonekana na kuifanya hospitali hii kuwa ya mfano wa kuigwa” alishukuru Daktari Bingwa wa magonjwa yatakanayo na kazi Elias Birago.

“Kabla sijaajiriwa serikalini ilinilazimu kila baada ya muda fulani kujaza fomu za mkataba wa ajira kitu ambacho kilikuwa kinaniletea mawazo kwani kuna wakati unafikiria kama unaweza kupata mkataba au la.  Ninashukuru kwa ajra niliyoipata na ninaahidi kufanya kazi kwa bidii na kutoa huduma bora zaidi”, alisema  Afisa Tehama Mary Vyabula.

 


Comments

Post a Comment

Popular posts from this blog

Wateja wa CRDB kutibiwa JKCI kwa punguzo la asilimia 50%

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakisaini mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.    Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakibadilishana mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.   Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakimjulia hali mtoto aliyelazwa katika wodi ya watoto wenye magonjwa ya moyo kabla ya hafla fupi ya kusaini mkataba wa makubaliano ya ushirikiano bain...
Read more

Wanawake wa JKCI SACCOS wanaongoza kwa kumiliki hisa

Image
Mwenyekiti wa Chama cha kuweka akiba na mikopo (SACCOS) cha Taasisi ya Moyo Jakaya Kikwete (JKCI) Dkt. Tulizo Shem akizungumza na wanachama wa SACCOS hiyo wakati wa mkutano mkuu wa mwaka uliofanyika leo katika ukumbi wa Taasisi hiyo iliyopo Jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) na mgeni rasmi katika mkutano mkuu wa mwaka wa wanachama wa Chama cha kuweka akiba na mikopo (SACCOS) cha JKCI akiwapongeza wanachama hao kwa kuweka jitihada za kuboresha mfuko wa SACCOS leo wakati wa mkutano huo uliofanyika katika ukumbi wa JKCI iliyopo jijini Dar es Salaam Afisa Ushirika Halmashauri ya Jiji la Dar es Salaam Mihayo Malunde akielezea namna fedha zinazokusanywa na Chama cha kuweka akiba na mikopo (SACCOS) cha JKCI zinaweza kuongeza uchumi wa wanachama wakati wa mkutano mkuu wa mwaka wa wanachama wa SACCOS ya Taasisi ya Moyo Jakaya Kikwete (JKCI) uliofanyika leo katika ukumbi wa JKCI iliyopo jijini Dar es Salaam Mjumbe wa Chama cha kuweka akiba na mikop...
Read more

JKCI, MOI NA MNH waitwa Comoro kutoa huduma za matibabu ya kibingwa

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuonyesha Waziri wa Ulinzi wa Comoro Mhe. Yousoufa Mohamed Ali    sehemu ya kusubiria wagonjwa wa kliniki maalumu ya VIP alipotembelea taasisi hiyo leo kwaajili ya kuona huduma mbalimbali za matibabu ya moyo zinazotolewa. Waziri wa Ulinzi wa Comoro Mhe. Yousoufa Mohamed Ali akizungumza na viongozi wa wizara ya Afya, Taasisi ya Moyo Jakaya Kikwete (JKCI), Taasisi ya Tiba ya Mifupa na Ubongo Muhimbili (MOI) na  Hospitali ya Taifa Muhimbili (MNH)  alipozitembelea hospitali hizo leo kwaajili ya kuona namna ambavyo zitawatuma wataalamu wake   kwenda kutoa huduma za matibabu ya kibingwa kwa wananchi wa Comoro.   Waziri wa Ulinzi wa Comoro Mhe. Yousoufa Mohamed Ali akiagana na Naibu Katibu Mkuu wa Wizara ya Afya Mhandisi Ismail Rumatila mara baada ya kukutana na viongozi wa wizara hiyo, Taasisi ya Moyo Jakaya Kikwete (JKCI), Taasisi ya Tiba ya Mifupa na Ubongo Muhimbili (MOI) na...
Read more