Spika wa Umoja wa Bunge la Visiwa vya Comoro apongeza uwekezaji wa Tanzania katika huduma za afya hususan matibabu ya moyo

Spika wa Umoja wa Bunge la Visiwa vya Comoro Mhe. Moustadroine Abdou akiwa katika picha ya pamoja na Kaimu Mkurugenzi wa Taasisi ya Moyo Jakaya Kikwete (JKCI) Dkt. Angela Muhozya alipotembelea Kliniki ya JKCI Oysterbay kwaajili ya kuona huduma zinazotolewa pamoja na kupata matibabu.


Spika wa Umoja wa Bunge la Visiwa vya Comoro Mhe. Moustadroine Abdou akizungumza na waandishi wa habari mara baada ya kupata  huduma za matibabu hivi karibuni katika Taasisi yo Moyo Jakaya Kikwete (JKCI) Kliniki ya Oysterbay hivi karibuni.

Picha na Hamis Mussa

***************************************************************************************************

Spika wa Umoja wa Bunge la Visiwa vya Comoro Mhe. Moustadroine Abdou ameipongeza Serikali ya Tanzania kwa kuwekeza kikamilifu katika sekta ya afya na kuimarisha huduma za kibingwa hususan matibabu ya moyo.

Ametoa pongezi hizo hivi karibuni alipotembelea Taasisi ya Moyo Jakaya Kikwete (JKCI) kupitia Kliniki yake ya Oysterbay ambako alishuhudia huduma zinazotolewa na pia kupata matibabu.

Mheshimiwa Moustadroine alisema amevutiwa na miundombinu ya kisasa iliyowekezwa katika taasisi hiyo, akibainisha kuwa inakidhi viwango vya kimataifa katika kutoa huduma za matibabu ya kibingwa.

“Nimefurahi leo nimetembelea JKCI Kliniki ya Oysterbay na kujionea namna ambavyo Serikali ya Tanzania imewekeza katika vifaa vya kisasa vya matibabu ya moyo na kuwasomesha wataalamu. Nimepata huduma bora na kugundua kuwa wataalamu wa afya hapa ni marafiki wazuri wa wagonjwa”, alisema.

Kwa upande wake Kaimu Mkurugenzi wa JKCI Dkt. Angela Muhozya alisema taasisi hiyo imeendelea kutoa huduma za kibingwa kwa Watanzania na wageni kutoka mataifa mbalimbali jambo linaloonesha dhamira ya Serikali ya Tanzania katika kuokoa maisha na kupunguza rufaa za wagonjwa kwenda nje ya nchi.

“Tunajivunia kuona viongozi wa kimataifa wakitembelea JKCI na kushuhudia huduma tunazotoa. Lengo letu ni kuhakikisha wananchi wa Tanzania na jirani wanapata huduma bora za moyo kwa gharama nafuu na mazingira rafiki”, alisema Dkt. Anjela.

Aliongeza kuwa taasisi hiyo itaendelea kusomesha wataalamu na kuwekeza katika teknolojia za kisasa ili kuhakikisha huduma zinabaki kuwa za kiwango cha juu kimataifa.

Kwa mujibu wa Spika Moustadroine, Tanzania imeweka mfano bora wa uwekezaji katika afya ambao unaweza kuigwa na mataifa mengine barani Afrika.

Comments

Post a Comment

Popular posts from this blog

Wateja wa CRDB kutibiwa JKCI kwa punguzo la asilimia 50%

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakisaini mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.    Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakibadilishana mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.   Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakimjulia hali mtoto aliyelazwa katika wodi ya watoto wenye magonjwa ya moyo kabla ya hafla fupi ya kusaini mkataba wa makubaliano ya ushirikiano bain...
Read more

Wanawake wa JKCI SACCOS wanaongoza kwa kumiliki hisa

Image
Mwenyekiti wa Chama cha kuweka akiba na mikopo (SACCOS) cha Taasisi ya Moyo Jakaya Kikwete (JKCI) Dkt. Tulizo Shem akizungumza na wanachama wa SACCOS hiyo wakati wa mkutano mkuu wa mwaka uliofanyika leo katika ukumbi wa Taasisi hiyo iliyopo Jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) na mgeni rasmi katika mkutano mkuu wa mwaka wa wanachama wa Chama cha kuweka akiba na mikopo (SACCOS) cha JKCI akiwapongeza wanachama hao kwa kuweka jitihada za kuboresha mfuko wa SACCOS leo wakati wa mkutano huo uliofanyika katika ukumbi wa JKCI iliyopo jijini Dar es Salaam Afisa Ushirika Halmashauri ya Jiji la Dar es Salaam Mihayo Malunde akielezea namna fedha zinazokusanywa na Chama cha kuweka akiba na mikopo (SACCOS) cha JKCI zinaweza kuongeza uchumi wa wanachama wakati wa mkutano mkuu wa mwaka wa wanachama wa SACCOS ya Taasisi ya Moyo Jakaya Kikwete (JKCI) uliofanyika leo katika ukumbi wa JKCI iliyopo jijini Dar es Salaam Mjumbe wa Chama cha kuweka akiba na mikop...
Read more

JKCI, MOI NA MNH waitwa Comoro kutoa huduma za matibabu ya kibingwa

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuonyesha Waziri wa Ulinzi wa Comoro Mhe. Yousoufa Mohamed Ali    sehemu ya kusubiria wagonjwa wa kliniki maalumu ya VIP alipotembelea taasisi hiyo leo kwaajili ya kuona huduma mbalimbali za matibabu ya moyo zinazotolewa. Waziri wa Ulinzi wa Comoro Mhe. Yousoufa Mohamed Ali akizungumza na viongozi wa wizara ya Afya, Taasisi ya Moyo Jakaya Kikwete (JKCI), Taasisi ya Tiba ya Mifupa na Ubongo Muhimbili (MOI) na  Hospitali ya Taifa Muhimbili (MNH)  alipozitembelea hospitali hizo leo kwaajili ya kuona namna ambavyo zitawatuma wataalamu wake   kwenda kutoa huduma za matibabu ya kibingwa kwa wananchi wa Comoro.   Waziri wa Ulinzi wa Comoro Mhe. Yousoufa Mohamed Ali akiagana na Naibu Katibu Mkuu wa Wizara ya Afya Mhandisi Ismail Rumatila mara baada ya kukutana na viongozi wa wizara hiyo, Taasisi ya Moyo Jakaya Kikwete (JKCI), Taasisi ya Tiba ya Mifupa na Ubongo Muhimbili (MOI) na...
Read more