JKCI yawahimiza wagonjwa matumizi sahihi ya dawa

Mfamasia wa Taasisi ya Moyo Jakaya Kikwete (JKCI) Benitho Ng’ingo akitoa elimu ya matumizi  sahihi ya dawa kwa wagonjwa wanaotibiwa katika Taasisi hiyo ikiwa ni ni sehemu ya kuadhimisha siku ya Wafamasia Duniani inayofanyika  tarehe 25 Septemba.

Mfamasia wa Taasisi ya Moyo Jakaya Kikwete (JKCI) Rweyemamu Peter akiangalia dawa zinazotumiwa na mgonjwa anayetibiwa katika taasisi hiyo wakati akitoa elimu ya matumizi sahihi ya dawa ikiwa ni sehemu ya kuadhimisha siku ya Wafamasia Duniani inayofanyika  tarehe 25 Septemba.


Mkuu wa Idara ya Famasia wa Taasisi ya Moyo Jakaya Kikwete (JKCI) Wellu Kaali akiwa katika picha ya pamoja na baadhi ya wafamasia wa Taasisi hiyo mara baada ya kumaliza kutoa elimu ya matumizi  sahihi ya dawa kwa wagonjwa wanaotibiwa katika taasisi hiyo  ikiwa ni ni sehemu ya kuadhimisha siku ya Wafamasia Duniani inayofanyika  tarehe 25 Septemba.

Na JKCI

********************************************************************************************************************

Wagonjwa wanaotibiwa katika Taasisi ya Moyo Jakaya Kikwete (JKCI) wamehimizwa kuhusu matimizi sahihi ya dawa ili kujinga na madhara yanayoweza kutokea endapo watatumia dawa zao vibaya.

Rai hiyo imetolewa leo jijini Dar es Salaam na Mfamasia wa Taasisi ya Moyo Jakaya Kikwete (JKCI) Rweyemamu Peter wakati akitoa elimu ya matumizi sahihi ya dawa kwa wagonjwa ikiwa ni sehemu ya kuadhimisha siku ya Wafamasia Duniani inayofanyika tarehe 25 Septemba.

Rweyemamu alisema wagonjwa wanapaswa kujua namna bora ya kutumia dawa pamoja na kuzingatia masaa ya kumeza dawa kwa utaratibu maalumu uliowekwa na watalaamu wa afya.

“Ni muhimu kwa wagonjwa wetu kuzingatia utumiaji na utunzaji wa dawa kwa usahihi ili waweze kuepukana na madhara yanayoweza kujitokeza ikiwemo kupoteza maisha ama kupata ulemavu”, alisema Rweyemamu. 

Rweyemamu alisema wagonjwa wanaopata madhara mbalimbali kutokana na dawa wanatakiwa kutoa taarifa mapema kwa wafamasia eneo walilichukua dawa ama mfamasia yeyoye aliye karibu naye ili waweza kushauriwa cha kufanya na wakati mwingine kubadilishiwa dawa ili kulinda afya zao.

Nao baadhi ya ndugu wa wagonjwa wanaopatiwa huduma JKCI walishukuru kwa elimu waliyoipata kuhusu matumizi sahihi ya dawa na namna ya kuhifadhi dawa na kusisitiza elimu hiyo kuendelea kutolewa mara kwa mara ili kuwakumbusha wagonjwa na wanaowahudumia.

“Nimefurahi kupata elimu hii hapa JKCI kwani ni hospitali chache  zinazotoa elimu ya matumizi sahihi ya dama, mimi sikujua kama kuna baadhi ya dawa zikishafunguliwa kwa matumizi zinatakiwa kutumika kwa siku 28 tu na baada ya hapo hazitakiwi tena kutumika” alisema Dorothea Masusa mkazi wa Dar es Salaam.

Jumanne Ramadhani mkazi wa Geita alisema kutokana na changamoto alizokuwanazo mtoto wake ilikuwa ni muhimu kupata elimu hiyo ili asije akakosea kumpatia dawa na kumletea changamoto nyingine.

“Hii ni mara yangu ya kwanza kupata elimu kuhusu matumizi sahihi ya dawa, kwakweli nimefaidika sana na nitahakikisha namlinda mtoto wangu kwa kufuata ushauri wa daktari na mfamasia katika kutumia dawa”, alisema Ramadhani.

Siku ya wafamasia duniani huadhimishwa kila mwaka ifikapo tarehe 25 Septemba ili kuikumbusha jamii kuhusu matumizi sahihi ya dawa na umuhimu wa wafamasia katika kusimamia utoaji wa dawa sahihi kwa wagonjwa.


Comments

Post a Comment

Popular posts from this blog

Wateja wa CRDB kutibiwa JKCI kwa punguzo la asilimia 50%

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakisaini mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.    Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakibadilishana mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.   Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakimjulia hali mtoto aliyelazwa katika wodi ya watoto wenye magonjwa ya moyo kabla ya hafla fupi ya kusaini mkataba wa makubaliano ya ushirikiano bain...
Read more

Wanawake wa JKCI SACCOS wanaongoza kwa kumiliki hisa

Image
Mwenyekiti wa Chama cha kuweka akiba na mikopo (SACCOS) cha Taasisi ya Moyo Jakaya Kikwete (JKCI) Dkt. Tulizo Shem akizungumza na wanachama wa SACCOS hiyo wakati wa mkutano mkuu wa mwaka uliofanyika leo katika ukumbi wa Taasisi hiyo iliyopo Jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) na mgeni rasmi katika mkutano mkuu wa mwaka wa wanachama wa Chama cha kuweka akiba na mikopo (SACCOS) cha JKCI akiwapongeza wanachama hao kwa kuweka jitihada za kuboresha mfuko wa SACCOS leo wakati wa mkutano huo uliofanyika katika ukumbi wa JKCI iliyopo jijini Dar es Salaam Afisa Ushirika Halmashauri ya Jiji la Dar es Salaam Mihayo Malunde akielezea namna fedha zinazokusanywa na Chama cha kuweka akiba na mikopo (SACCOS) cha JKCI zinaweza kuongeza uchumi wa wanachama wakati wa mkutano mkuu wa mwaka wa wanachama wa SACCOS ya Taasisi ya Moyo Jakaya Kikwete (JKCI) uliofanyika leo katika ukumbi wa JKCI iliyopo jijini Dar es Salaam Mjumbe wa Chama cha kuweka akiba na mikop...
Read more

JKCI, MOI NA MNH waitwa Comoro kutoa huduma za matibabu ya kibingwa

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuonyesha Waziri wa Ulinzi wa Comoro Mhe. Yousoufa Mohamed Ali    sehemu ya kusubiria wagonjwa wa kliniki maalumu ya VIP alipotembelea taasisi hiyo leo kwaajili ya kuona huduma mbalimbali za matibabu ya moyo zinazotolewa. Waziri wa Ulinzi wa Comoro Mhe. Yousoufa Mohamed Ali akizungumza na viongozi wa wizara ya Afya, Taasisi ya Moyo Jakaya Kikwete (JKCI), Taasisi ya Tiba ya Mifupa na Ubongo Muhimbili (MOI) na  Hospitali ya Taifa Muhimbili (MNH)  alipozitembelea hospitali hizo leo kwaajili ya kuona namna ambavyo zitawatuma wataalamu wake   kwenda kutoa huduma za matibabu ya kibingwa kwa wananchi wa Comoro.   Waziri wa Ulinzi wa Comoro Mhe. Yousoufa Mohamed Ali akiagana na Naibu Katibu Mkuu wa Wizara ya Afya Mhandisi Ismail Rumatila mara baada ya kukutana na viongozi wa wizara hiyo, Taasisi ya Moyo Jakaya Kikwete (JKCI), Taasisi ya Tiba ya Mifupa na Ubongo Muhimbili (MOI) na...
Read more