RMO Geita aipongeza JKCI kwa kutoa huduma za kibingwa za matibabu ya moyo katika maonesho ya madini


Mganga Mkuu wa Mkoa wa Geita (RMO) Dkt. Omary Sukari akiwa katika picha ya pamoja na wataalamu wa Taasisi ya Moyo Jakaya Kikwete (JKCI) alipotembelea banda la taasisi hiyo leo lililopo katika Maonesho ya Nane ya Kitaifa ya Teknolojia ya Madini Geita kwaajili ya kuona huduma za upimaji na matibabu ya moyo zinazotolewa na wataalamu hao.


Mganga Mkuu wa Mkoa wa Geita (RMO) Dkt. Omary Sukari akisaini kitabu cha wageni alipotembelea banda la Taasisi ya Moyo Jakaya Kiwkete (JKCI) lililopo katika Maonesho ya Nane ya Kitaifa ya Teknolojiaya Madini yanayofanyika katika viwanja vya Maonesho vya Dkt. Samia Suluhu Hassan Geita kwaajili ya kuona huduma za kibingwa za uchunguzi na matibabu ya moyo zinazotolewa.

Afisa Masoko wa Taasisi ya Moyo Jakaya Kikwete (JKCI) Agnes Mndasha akimweleza Mkemia Uchenjuaji wa  dhahabu wa Chama cha Wachimbaji wa Madini Mkoa wa Geita (GEREMA)  John Ngeda huduma zinazotolewa na Taasisi hiyo wakati wa Maonesho ya Nane ya Kitaifa ya Teknolojia ya Madini yanayofanyika katika viwanja  vya Dkt. Samia Suluhu Hassan mjini Geita.

***********************************************************************************************************************************************************************************************************************

Mganga Mkuu wa Mkoa wa Geita (RMO) Dkt. Omary Sukari ameipongeza Taasisi ya Moyo Jakaya Kikwete (JKCI) kwa kutoa huduma za kibingwa za uchunguzi na matibabu ya moyo kwa wananchi wa Mkoa wa Geita na mikoa ya jirani.

Pongezi hizo amezitoa leo alipotembelea banda la JKCI lililopo katika maonesho ya nane ya kitaifa ya teknolojia ya madini yanayofanyika katika viwanja vya Maonesho vya Dkt. Samia Suluhu Hassan vilivyopo mjini Geita.

Dkt. Sukari alisema ujio wa taasisi hiyo mkoani Geita ni fursa kwa wananchi ya kupata huduma za ubingwa bobezi za matibabu ya moyo pamoja na elimu ya kuweza kuepukana na magonjwa hayo ambayo yamekuwa tishio kwa jamii.

“Taasisi hii imekuwa msaada mkubwa kwetu, mara nyingi wamekuwa wakitupatia huduma hizi kupitia Hospitali ya Rufaa ya Kanda Chato (CZRRH) pamoja na maonesho haya ya madini kwa kipindi cha miaka mitatu mfululizo”, alisema Dkt. Sukari.

Kwa upande wa wananchi waliotembelea banda la Taasisi hiyo waliomba huduma hizo zitolewe  mara kwa mara hata baada ya maonesho hayo kuamlizika ili kuwawezesha wananchi wanaoshindwa kufika kwenye maonesho hayo kupata huduma hizo wakati mwingine.

Justus Nkwabi mfanyakazi wa Geita Gold Mine (GGM) alisema kupitia maonesho hayo ameweza kuchunguza afya ya moyo wake katika misimu mitatu ambayo taasisi hiyo imetoa huduma katika maonesho ya madini na kupata ushauri ambao umemsaidia kulinda afya yake.

“Nimekuwa mfuatiliaji mzuri wa afya yangu tangu nilipoanza kufanya vipimo vya moyo mwaka 2023 kupitia Taasisi hii inavyoshiriki kwenye maonesho ya madini mara ya kwanza, kwakweli wananisaidia sana kila mwaka napata fursa ya kuchunguza afya yangu”, alisema Justus

 Rajabu Shukuru mkazi wa Geita aliwashukuru wataalamu wa JKCI kwa kumpa elimu kuhusu magonjwa ya moyo kwani awali hakuwa na ufahamu wa kutosha kuhusu magonjwa hayo na namna ya kujikinga asiyapate.

“Nawashukuru sana wataalamu hawa wa JKCI, wamenifikia muda muafaka na kuniwezesha kufanya uchunguzi wa afya yangu, nimepata majibu mazuri kuwa moyo wangu uko salama, naomba na wananchi wengine waje wapate huduma hizi katika banda hili”, alisema Rajabu.

Comments

Post a Comment

Popular posts from this blog

Wateja wa CRDB kutibiwa JKCI kwa punguzo la asilimia 50%

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakisaini mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.    Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakibadilishana mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.   Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakimjulia hali mtoto aliyelazwa katika wodi ya watoto wenye magonjwa ya moyo kabla ya hafla fupi ya kusaini mkataba wa makubaliano ya ushirikiano bain...
Read more

Wanawake wa JKCI SACCOS wanaongoza kwa kumiliki hisa

Image
Mwenyekiti wa Chama cha kuweka akiba na mikopo (SACCOS) cha Taasisi ya Moyo Jakaya Kikwete (JKCI) Dkt. Tulizo Shem akizungumza na wanachama wa SACCOS hiyo wakati wa mkutano mkuu wa mwaka uliofanyika leo katika ukumbi wa Taasisi hiyo iliyopo Jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) na mgeni rasmi katika mkutano mkuu wa mwaka wa wanachama wa Chama cha kuweka akiba na mikopo (SACCOS) cha JKCI akiwapongeza wanachama hao kwa kuweka jitihada za kuboresha mfuko wa SACCOS leo wakati wa mkutano huo uliofanyika katika ukumbi wa JKCI iliyopo jijini Dar es Salaam Afisa Ushirika Halmashauri ya Jiji la Dar es Salaam Mihayo Malunde akielezea namna fedha zinazokusanywa na Chama cha kuweka akiba na mikopo (SACCOS) cha JKCI zinaweza kuongeza uchumi wa wanachama wakati wa mkutano mkuu wa mwaka wa wanachama wa SACCOS ya Taasisi ya Moyo Jakaya Kikwete (JKCI) uliofanyika leo katika ukumbi wa JKCI iliyopo jijini Dar es Salaam Mjumbe wa Chama cha kuweka akiba na mikop...
Read more

JKCI, MOI NA MNH waitwa Comoro kutoa huduma za matibabu ya kibingwa

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuonyesha Waziri wa Ulinzi wa Comoro Mhe. Yousoufa Mohamed Ali    sehemu ya kusubiria wagonjwa wa kliniki maalumu ya VIP alipotembelea taasisi hiyo leo kwaajili ya kuona huduma mbalimbali za matibabu ya moyo zinazotolewa. Waziri wa Ulinzi wa Comoro Mhe. Yousoufa Mohamed Ali akizungumza na viongozi wa wizara ya Afya, Taasisi ya Moyo Jakaya Kikwete (JKCI), Taasisi ya Tiba ya Mifupa na Ubongo Muhimbili (MOI) na  Hospitali ya Taifa Muhimbili (MNH)  alipozitembelea hospitali hizo leo kwaajili ya kuona namna ambavyo zitawatuma wataalamu wake   kwenda kutoa huduma za matibabu ya kibingwa kwa wananchi wa Comoro.   Waziri wa Ulinzi wa Comoro Mhe. Yousoufa Mohamed Ali akiagana na Naibu Katibu Mkuu wa Wizara ya Afya Mhandisi Ismail Rumatila mara baada ya kukutana na viongozi wa wizara hiyo, Taasisi ya Moyo Jakaya Kikwete (JKCI), Taasisi ya Tiba ya Mifupa na Ubongo Muhimbili (MOI) na...
Read more