Watu 1,005 wapimwa moyo na macho Arusha

Kaimu Mkurugenzi wa Taasisi ya Moyo Jakaya Kikwete – Hospitali ya Arusha Lutheran Medical Centre (JKCI – ALMC) Dkt. Godwin Kivuyo akimjulia hali mwananchi aliyefika katika kambi maalumu ya uchunguzi na matibabu ya magonjwa yasiyoambukiza iliyokuwa ikifanyika katika Hospitali ya JKCI-ALMC na kumalizika jana jijini Arusha.

Kaimu Mkurugenzi wa Taasisi ya Moyo Jakaya Kikwete – Hospitali ya Arusha Lutheran Medical Centre (JKCI – ALMC) Dkt. Godwin Kivuyo akizungumza na wananchi wa mkoa wa Arusha waliofika katika kambi maalumu ya uchunguzi na matibabu ya magonjwa yasiyoambukiza iliyokuwa ikifanyika katika Hospitali ya JKCI-ALMC na kumalizika jana jijini Arusha.

Afisa Uuguzi wa Taasisi ya Moyo Jakaya Kikwete – Hospitali ya Arusha Lutheran Medical Centre (JKCI - ALMC) Beatrice Mshana akimpima joto la mwili mwananchi wa mkoa wa Arusha aliyefika katika kambi maalumu ya uchunguzi na matibabu ya magonjwa yasiyoambukiza Iliyokuwa ikifanyika katika Hospitali ya JKCI-ALMC na kumalizika jana jijini Arusha.

Afisa Uuguzi wa Taasisi ya Moyo Jakaya Kikwete – Hospitali ya Arusha Lutheran Medical Centre (JKCI - ALMC) Farida Kessy akimpima uwiano wa urefu kwa uzito mkazi wa Arusha aliyefika katika kambi maalumu ya uchunguzi na matibabu ya magonjwa yasiyoambukiza iliyokuwa ikifanyika katika Hospitali ya JKCI-ALMC na kumalizika jana jijini Arusha.

Afisa huduma kwa wateja wa Taasisi ya Moyo Jakaya Kikwete – Hospitali ya Arusha Lutheran Medical Centre (JKCI - ALMC) Agness Kiwia akitoa elimu kuhusu magonjwa yasiyoambukiza kwa wakazi wa Arusha waliofika katika kambi maalumu ya uchunguzi na matibabu ya magonjwa yasiyoambukiza iliyokuwa ikifanyika katika Hospitali hiyo na kumalizika jana jijini Arusha.

Na JKCI

********************************************************************************************************************************

Jumla ya watu 1,005 wamepatiwa huduma za uchunguzi na matibabu ya magonjwa yasiyoambukiza ikiwemo magonjwa ya moyo na macho wakati wa kambi maalumu ya matibabu iliyomalizika jana mkoani Arusha

Kambi hiyo maalumu ilikuwa ikifanywa na wataalamu wa Taasisi ya Moyo Jakaya Kikwete – Hospitali ya Arusha Lutheran Medical Centre (JKCI–ALMC) na kudhaminiwa na GSM Foundation kwa lengo la kuwafikia wananchi wa Kanda ya Kaskazini na kusogeza huduma hizo karibu na wananchi.

Akizingumza wakati wa kufunga kambi hiyo Kaimu Mkurugenzi wa Taasisi ya Moyo Jakaya Kikwete – Hospitali ya Arusha Lutheran Medical Centre (JKCI–ALMC) Dkt. Godwin Kivuyo alisema idadi ya wagonjwa waliopatiwa huduma imevuka lengo lililowekwa hatua inayoonesha mwitikio mkubwa wa wananchi kutumia fursa zilizopo kupata huduma za afya.

“Kambi hii imekuwa na siku tano ambazo tulikuwa tumedhamiria kuona wagonjwa elfu moja angalau wagonjwa kati ya 150 hadi 200 kwa siku, mpaka leo tumeweza kuona wagonjwa 1,005 hivyo kufikia lengo tulilojiwekea”, alisema Dkt. Kivuyo.

Dkt. Kivuyo alisema kupitia kambi hiyo wataalamu wa JKCI – ALMC wameweza kufanya vipimo zaidi ya 800 kuchunguza magonjwa ya moyo na macho.

Kwa upande wake Mratibu kutoka GSM Foundation Julius Ndyakoha alisema GSM kufadhili kambi hiyo ni sehemu ya kurudisha kwa jamii, kuunga mkono jitihada zinazofanywa na JKCI pamoja na Serikali katika kuboresha upatikanaji wa huduma za afya nchini.

Julius alisema GSM Foundation itaendelea kushirikiana na wadau pamoja na taasisi zinazotoa huduma za afya ili kusaidia kufanikisha malengo ya kuongeza fursa ya upatikanaji wa matibabu kwa wananchi.

Leonila Baha mkazi wa Arusha mjini alisema utaratibu wa utoaji wa huduma katika kambi hiyo umesaidia kupunguza muda wa kusubiri licha ya idadi kubwa ya wananchi waliojitokeza.

“Kambi hii imekuwa na utaratibu mzuri, huduma zimetolewa kwa haraka, wataalamu wa afya walikuwepo wa kutosha na hakukuwa na kujuana ili mtu apate huduma hivyo kila mtu ameondoka akiwa ameridhika na huduma”, alisema Leonila.

Leonia alisema wananchi wanapaswa kujenga utamaduni wa kuchunguza afya zao mara kwa mara na kutopuuza fursa za kupata huduma za afya pale zinapojitokeza.


Comments

Post a Comment

Popular posts from this blog

Serikali yazindua kitabu safari ya upandikizaji wa moyo Tanzania, JKCI yaweka historia mpya ya huduma za kibobezi

Image
Waziri wa Afya Mhe. Mohamed Omary Mchengerwa (Mb) akionesha kitabu cha mwongozo wa upandikizaji moyo alichokizindua wakati wa hafla fupi ya kuzindua kitabu hicho iliyofanyika katika viwanja vya Taasisi ya Moyo Jakaya Kikwete (JKCI) iliyopo jijini Dar es Salaam. Waziri wa Afya Mhe. Mohamed Mchengerwa (Mb) akimkabidhi begi lenye vitendea kazi Mwenyekiti wa bodi ya wadhamini ya Taasisi ya Moyo Jakaya Kikwete (JKCI) Dkt. Hassan Mshinda baada ya kuzindua bodi hiyo katika viwanja vya JKCI iliyopo jijini Dar es Salaam. Waziri wa Afya Mhe. Mohamed Mchengerwa (Mb) akimkabidhi begi lenye vitendea kazi Mjumbe wa bodi ya wadhamini wa Taasisi ya Moyo Jakaya Kikwete (JKCI) Dkt. Delilah Kimambo baada ya kuzindua bodi hiyo katika viwanja vya JKCI iliyopo jijini Dar es Salaam. Waziri wa Afya Mhe. Mohamed Mchengerwa (Mb) akiwa katika picha ya pamoja na Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge, Mwenyekiti wa bodi ya wadhamini ya Taasisi ya Moyo Jakaya Kikwete (JKCI)...
Read more

Kutoka miaka 22 hadi kustaafu: Safari ya Lemmah yatoa somo kwa Watumishi wa Umma

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi mfano wa hundi ya zawadi ya kustaafu  aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI, Ghati Chacha. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi tuzo ya shukrani kutokana na mchango wake alioutoa katika taasisi hiyo aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah ambaye amestaafu kwa mujibu wa sheria wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI  Ghati Chacha. Mkurugenzi wa Utawala na Rasiliamali Watu wa Taasisi ya Moyo Jakaya Kikwete (JKCI) Ghati Chacha akimkabidhi cheti cha shukrani kutokan...
Read more