JKCI yapeleka huduma za moyo ndani ya Treni ya SGR kwa mara ya kwanza

Afisa Uuguzi wa Taasisi ya Moyo Jakaya Kikwete (JKCI) Yvone Mushi akimsomea majibu ya kipimo cha shinikizo la damu (BP) abiria aliyesafiri na treni ya mwendokasi (SGR) wakati wa kambi maalumu ya uchunguzi na matibabu ya magonjwa ya moyo inayofanyika katika treni hiyo katika kuadhimisha siku ya moyo duniani ambayo uadhimishwa kila ifikapo tarehe 29 mwezi Septemba.

Afisa Uuguzi wa Taasisi ya Moyo Jakaya Kikwete (JKCI) Agnes Lugendo akimuuliza maswali ya ufahamu abiria aliyesafiri na treni ya mwendokasi (SGR) wakati wa kambi maalumu ya uchunguzi na matibabu ya magonjwa ya moyo inayofanyika katika treni hiyo katika kuadhimisha siku ya moyo duniani ambayo uadhimishwa kila ifikapo tarehe 29 mwezi Septemba.

Fundi sanifu wa moyo wa Taasisi ya Moyo Jakaya Kikwete (JKCI) Yatimuni Mushi akimpima jinsi moyo unavyofanya kazi (Echocardiography – ECHO) abiria aliyesafiri na treni ya mwendokasi (SGR) wakati wa kambi maalumu ya uchunguzi na matibabu ya magonjwa ya moyo inayofanyika katika treni hiyo katika kuadhimisha siku ya moyo duniani ambayo uadhimishwa kila ifikapo tarehe 29 mwezi Septemba.

Daktari wa Taasisi ya Moyo Jakaya Kikwete (JKCI) Joel Joel akizungumza na abiria aliyesafiri na treni ya mwendokasi (SGR) wakati wa kambi maalumu ya uchunguzi na matibabu ya magonjwa ya moyo inayofanyika katika treni hiyo katika kuadhimisha siku ya moyo duniani ambayo uadhimishwa kila ifikapo tarehe 29 mwezi Septemba.

Daktari wa Taasisi ya Moyo Jakaya Kikwete (JKCI) Samweli Msigwa akimsikiliza abiria aliyesafiri na treni ya mwendokasi (SGR) mara baada ya kufanyiwa vipimo vya moyo wakati wa kambi maalumu ya uchunguzi na matibabu ya magonjwa ya moyo inayofanyika katika treni hiyo katika kuadhimisha siku ya moyo duniani ambayo uadhimishwa kila ifikapo tarehe 29 mwezi Septemba.


Afisa Uuguzi wa Taasisi ya Moyo Jakaya Kikwete (JKCI) Yvone Mushi akimpima shinikizo la damu (BP) abiria aliyesafiri na treni ya mwendokasi (SGR) wakati wa kambi maalumu ya uchunguzi na matibabu ya magonjwa ya moyo inayofanyika katika treni hiyo katika kuadhimisha siku ya moyo duniani ambayo uadhimishwa kila ifikapo tarehe 29 mwezi Septemba.

Na JKCI

********************************************************************************************************************

Kwa mara ya kwanza huduma za uchunguzi na matibabu ya magonjwa ya moyo zimeanza kutolewa ndani ya treni ambapo wasafiri wanaotumia treni ya mwendokasi (SGR) ufanyiwa uchunguzi wa magonjwa hayo wakati wa safari.

Huduma hiyo inatolewa kupitia kambi maalumu ya siku saba inayofanywa na Wataalamu wa Taasisi ya Moyo Jakaya Kikwete (JKCI) kwa kushirikiana na Shirika la Reli Tanzania (TRC) ikiwa ni sehemu ya kuadhimisha siku ya moyo duniani ambayo uadhimishwa kila ifikapo tarehe 29 mwezi Septemba.

Akizungumza wakati wa kambi hiyo daktari wa Taasisi ya Moyo Jakaya Kikwete (JKCI) Dkt. Samweli Msigwa alisema huduma hizo zinatolewa kwa abiria wanaosafiri na treni ya SGR ikiwa ni sehemu ya kuisogozea jamii huduma za kibingwa karibu.

Dkt. Samweli alisema jamii imekuwa ikitumia muda mwingi kufanya shughuli mbalimbali na kukosa muda wa kupima afya zao lakini kupitia kambi hiyo abiria wa SGR wamejitokeza kwa wingi kufanya uchunguzi wa afya.

“Tumeanza kuona mafanikio ya kambi hii mapema leo ikiwa ni siku ya kwanza, abiria wanaosafiri na Treni ya SGR wamefurahishwa na uwepo wetu, wamejitokeza kwa wingi kupima afya zao na hii inaonesha kuwa uhitaji ni mkubwa”, alisema Dkt. Samweli

Kwa upande wao abiria wanaosafiri na Treni ya SGR wameishukuru Taasisi ya Moyo Jakaya Kikwete (JKCI) na Shirika la Reli Tanzania (TRC) kuona umuhimu wa kuwafikishia huduma hizo wakati wa safari kwani ni kweli kutokana na shughuli mbalimbali za maisha wamekuwa wakishindwa kufika hospitali kwaajili ya kufanya uchunguzi wa afya.

Mwifadhi Mrisho akiwa katika treni hiyo kuelekea Mkoani Morogoro alisema huduma za uchunguzi wa afya ni za nadra hivyo zinapojitokeza ni fursa kwa jamii kujua afya zao, kupata elimu ya namna ya kujikinga na magonjwa mbalimbali yakiwemo magonjwa ya moyo.

“Natamani zoezi hili liwe endelevu kila tukipanda treni tukutane na huduma za uchunguzi wa afya kwani mnatusaidia sana na kuokoa maisha yetu”, alisema Mwifadhi

Mwifadhi alisema huduma hizo angeenda kuzipata hospitalini angetumia muda mwingi na gharama kubwa lakini kupitia kambi hiyo amefanyiwa vipimo vya moyo bila gharama.

Naye Askofu wa Kanisa la Anglikana Dayosisi ya Mpwapwa Luzineth Kingamkoni ameuomba uongozi wa Shirika la Reli Tanzania (TRC) kuweka huduma za uchunguzi wa matibabu ya moyo katika treni zake zote ili kila mwananchi afikiwe na huduma hizo.

“Nawaomba wasafiri wenzangu wawe tayari kupima afya zao kwani wataalamu wanatoa huduma bora, rahisi, na inatuwezesha kukagua afya zetu na kuwa salama”, alisema Askofu Luzineth


Comments

Post a Comment

Popular posts from this blog

Serikali yazindua kitabu safari ya upandikizaji wa moyo Tanzania, JKCI yaweka historia mpya ya huduma za kibobezi

Image
Waziri wa Afya Mhe. Mohamed Omary Mchengerwa (Mb) akionesha kitabu cha mwongozo wa upandikizaji moyo alichokizindua wakati wa hafla fupi ya kuzindua kitabu hicho iliyofanyika katika viwanja vya Taasisi ya Moyo Jakaya Kikwete (JKCI) iliyopo jijini Dar es Salaam. Waziri wa Afya Mhe. Mohamed Mchengerwa (Mb) akimkabidhi begi lenye vitendea kazi Mwenyekiti wa bodi ya wadhamini ya Taasisi ya Moyo Jakaya Kikwete (JKCI) Dkt. Hassan Mshinda baada ya kuzindua bodi hiyo katika viwanja vya JKCI iliyopo jijini Dar es Salaam. Waziri wa Afya Mhe. Mohamed Mchengerwa (Mb) akimkabidhi begi lenye vitendea kazi Mjumbe wa bodi ya wadhamini wa Taasisi ya Moyo Jakaya Kikwete (JKCI) Dkt. Delilah Kimambo baada ya kuzindua bodi hiyo katika viwanja vya JKCI iliyopo jijini Dar es Salaam. Waziri wa Afya Mhe. Mohamed Mchengerwa (Mb) akiwa katika picha ya pamoja na Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge, Mwenyekiti wa bodi ya wadhamini ya Taasisi ya Moyo Jakaya Kikwete (JKCI)...
Read more

Kutoka miaka 22 hadi kustaafu: Safari ya Lemmah yatoa somo kwa Watumishi wa Umma

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi mfano wa hundi ya zawadi ya kustaafu  aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI, Ghati Chacha. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi tuzo ya shukrani kutokana na mchango wake alioutoa katika taasisi hiyo aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah ambaye amestaafu kwa mujibu wa sheria wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI  Ghati Chacha. Mkurugenzi wa Utawala na Rasiliamali Watu wa Taasisi ya Moyo Jakaya Kikwete (JKCI) Ghati Chacha akimkabidhi cheti cha shukrani kutokan...
Read more