Kaimu Mkurugenzi Mtendaji wa Taasisi ya Moyo Jakaya Kikwete (JKCI) Dkt. Naizihijwa Majani akisalimiana na Mwenyekiti wa Kamati ya Kudumu ya Masuala Mtambuka kutoka Bunge la Jumuiya ya Afrika Mashariki (EALA) Mhe. Mary Mugyenyi wakati wa ziara ya kamati hiyo ilipotembelea JKCI kwaajili ya kuangalia huduma na miundombinu ya JKCI katika kuwahudumia wananchi wa Afrika Mashariki wenye changamoto za magonjwa ya moyo.

Kaimu Mkurugenzi Mtendaji wa Taasisi ya Moyo Jakaya Kikwete (JKCI) Dkt. Naizihijwa Majani akiwaelezea huduma zinazotolewa katika chumba cha wagonjwa mahututi na dharura (ICU) wajumbe wa Kamati ya Kudumu ya Masuala Mtambuka kutoka Bunge la Jumuiya ya Afrika Mashariki (EALA) walipotembelea Taasisi hiyo kwaajili ya kuangalia huduma na miundombinu ya JKCI katika kuwahudumia wananchi wa Afrika Mashariki wenye changamoto za magonjwa ya moyo.

Wajumbe wa Kamati ya Kudumu ya Masuala Mtambuka kutoka Bunge la Jumuiya ya Afrika Mashariki (EALA) wakiangalia maabara ya kisasa inayotumia akili unde (AI) kuchakata sampuli walipotembelea Taasisi ya Moyo Jakaya Kikwete (JKCI) kwaajili ya kuangalia huduma na miundombinu ya JKCI katika kuwahudumia wananchi wa Afrika Mashariki wenye changamoto za magonjwa ya moyo.

Mwenyekiti wa Kamati ya Kudumu ya Masuala Mtambuka kutoka Bunge la Jumuiya ya Afrika Mashariki (EALA) Mhe. Mary Mugyenyi akizungumza wakati wa ziara ya kamati hiyo ilipotembelea Taasisi ya Moyo Jakaya Kikwete (JKCI) kwaajili ya kuangalia huduma na miundombinu JKCI katika kuwahudumia wananchi wa Afrika Mashariki wenye changamoto za magonjwa ya moyo.

Kaimu Mkurugenzi Mtendaji wa Taasisi ya Moyo Jakaya Kikwete (JKCI) Dkt. Naizihijwa Majani, Mwenyekiti wa Kamati ya Kudumu ya Masuala Mtambuka kutoka Bunge la Jumuiya ya Afrika Mashariki (EALA) Mhe. Mary Mugyenyi, wabunge wa bunge la EALA na wafanyakazi wa JKCI wakiwa katika picha ya pamoja mara baada ya kumalizika kwa ziara ya wabunge hao kuangalia huduma na miundombinu ya JKCI katika kuwahudumia wananchi wa Afrika Mashariki wenye changamoto za magonjwa ya moyo.

Picha Na

***********************************************************************************************************

Wabunge wa Kamati ya Kudumu ya Masuala Mtambuka kutoka Bunge la Jumuiya ya Afrika Mashariki (EALA) wapongeza uwezo wa Taasisi ya Moyo Jakaya Kikwete (JKCI) katika kutoa huduma za kibingwa na ubingwa bobezi katika matibabu ya moyo.

Pongezi hizo zimetolewa na wabunge hao walipotembelea Taasisi hiyo kwaajili ya kuangalia miundombinu, uwekezaji na uwezo wake katika kutoa huduma za matibabu, mafunzo na kutumia teknolojia za kisasa katika kukabiliana na magonjwa ya moyo.

Akizungumza wakati wa ziara hiyo Kaimu Mkurugenzi Mtendaji wa Taasisi ya Moyo Jakaya Kikwete (JKCI) Dkt. Naizihijwa Majani alisema ziara ya wabunge hao imeonesha kujiridhisha kwao kutokana na utayari wa JKCI katika kutekeleza majukumu yake kama Kituo cha Umahiri Afrika Mashariki na Kati katika kutoa huduma bobezi za matibabu ya moyo

“Tutakapokamilisha ujenzi wa JKCI mpya inayojengwa Mloganzila yenye vitanda 600 uwezo wetu wa kuhudumia wananchi utakuwa mkubwa hivyo kutuwezesha kuhudumia hata wananchi wote kutoka Africa Mashariki kwakua tutakuwa na miundombinu ya kutosha”, alisema Dkt. Naizihijwa

Kwa upande wake Mwenyekiti wa Kamati ya Kudumu ya Masuala Mtambuka kutoka Bunge la Jumuiya ya Afrika Mashariki (EALA) Mhe. Mary Mugyenyi alisema wabunge wa kamati yake wamevutiwa na maendeleo yaliyofikiwa na JKCI katika kutoa huduma, mafunzo na matumizi ya teknolojia za kisasa yanayofanyika katika matibabu ya magonjwa ya moyo.

“Wananchi wa Afrika Mashariki wanapaswa kujua kwamba kwa sasa hawahitaji kwenda nchini India, Uturuki na maeneo mengine kutafuta matibabu ya moyo kwani Taasisi hii ni muhimu sana kwa Afrika Mashariki katika kutoa huduma hizo”, alisema Mhe. Mary.

Akielezea maendeleo katika sekta ya afya Mbunge wa Bunge la Jumuiya ya Afrika Mashariki (EALA) Mhe. Ansar Abubakary Kachwamba alisema Jumuiya ya Afrika Mashariki imeweka mpango wa kuanzisha vituo vya umahiri katika maeneo mbalimbali ambapo Tanzania imepewa jukumu la kuwa kituo cha umahiri katika kutoa huduma bingwa bobezi za matibabu ya moyo.

“Miaka kumi iliyopita kupata matibabu ya moyo hata upasuaji mdogo tu ilikuwa lazima ulipe mamilioni ya pesa ili uweze kwenda nchini India, Afrika Kusini au Uturuki kwa ajili ya matibabu, sasa matibabu hayo yanafanyika hapa JKCI, haya ni mafanikio makubwa kwa Tanzania na Afrika Mashariki”, alisema Mhe. Kachwamba.

Ziara ya Wabunge wa Kamati ya Kudumu ya Masuala Mtambuka kutoka Bunge la Jumuiya ya Afrika Mashariki (EALA) imetoa fursa kwa wabunge hao kuona namna Tanzania inavyotekeleza mpango wa Jumuiya ya Afrika Mashariki wa kuwa kituo cha umahiri katika kutoa huduma bingwa bobezi za matibabu ya moyo.

-          Mwisho -


Comments

Post a Comment

Popular posts from this blog

Serikali yazindua kitabu safari ya upandikizaji wa moyo Tanzania, JKCI yaweka historia mpya ya huduma za kibobezi

Image
Waziri wa Afya Mhe. Mohamed Omary Mchengerwa (Mb) akionesha kitabu cha mwongozo wa upandikizaji moyo alichokizindua wakati wa hafla fupi ya kuzindua kitabu hicho iliyofanyika katika viwanja vya Taasisi ya Moyo Jakaya Kikwete (JKCI) iliyopo jijini Dar es Salaam. Waziri wa Afya Mhe. Mohamed Mchengerwa (Mb) akimkabidhi begi lenye vitendea kazi Mwenyekiti wa bodi ya wadhamini ya Taasisi ya Moyo Jakaya Kikwete (JKCI) Dkt. Hassan Mshinda baada ya kuzindua bodi hiyo katika viwanja vya JKCI iliyopo jijini Dar es Salaam. Waziri wa Afya Mhe. Mohamed Mchengerwa (Mb) akimkabidhi begi lenye vitendea kazi Mjumbe wa bodi ya wadhamini wa Taasisi ya Moyo Jakaya Kikwete (JKCI) Dkt. Delilah Kimambo baada ya kuzindua bodi hiyo katika viwanja vya JKCI iliyopo jijini Dar es Salaam. Waziri wa Afya Mhe. Mohamed Mchengerwa (Mb) akiwa katika picha ya pamoja na Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge, Mwenyekiti wa bodi ya wadhamini ya Taasisi ya Moyo Jakaya Kikwete (JKCI)...
Read more

Kutoka miaka 22 hadi kustaafu: Safari ya Lemmah yatoa somo kwa Watumishi wa Umma

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi mfano wa hundi ya zawadi ya kustaafu  aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI, Ghati Chacha. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi tuzo ya shukrani kutokana na mchango wake alioutoa katika taasisi hiyo aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah ambaye amestaafu kwa mujibu wa sheria wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI  Ghati Chacha. Mkurugenzi wa Utawala na Rasiliamali Watu wa Taasisi ya Moyo Jakaya Kikwete (JKCI) Ghati Chacha akimkabidhi cheti cha shukrani kutokan...
Read more