JKCI yaweka msingi wa kuanza upandikizaji wa moyo nchini


 Kaimu Mkurugenzi Mtendaji wa Taasisi ya Moyo Jakaya Kikwete (JKCI) Dkt. Naizihijwa Majani, Mkurugenzi wa Huduma za Tiba kutoka Wizara ya Afya Dkt. Hamad Nyembea, Naibu Katibu Mkuu wa Umoja wa Nchi za Kiarabu Mhe. Balozi Mohand Salah Ladjouzi na kamati ya upandikizaji wa moyo ya JKCI wakiwa katika picha ya pamoja mara baada ya kumalizika kwa kikao cha utekelezaji wa mpango wa upandikizaji moyo kilichofanyika leo katika ukumbi wa mikutano wa JKCI.

Kaimu Mkurugenzi Mtendaji wa Taasisi ya Moyo Jakaya Kikwete (JKCI) Dkt. Naizihijwa Majani akizungumza wakati wa kikao cha utekelezaji wa mpango wa upandikizaji moyo kilichofanyika leo kwa kushirikiana na Wizara ya Afya pamoja na wataalamu kutoka nchini Misri na Kuwait.

Naibu Katibu Mkuu wa Umoja wa Nchi za Kiarabu Mhe. Balozi Mohand Salah Ladjouzi akizungumza wakati wa kikao cha utekelezaji wa mpango wa upandikizaji moyo unaotarajiwa kuanza katika Taasisi ya Moyo Jakaya Kikwete (JKCI) kwa kushirikiana na wataalamu kutoka nchini Misri na Kuwait.

Mkurugenzi wa Huduma za Tiba kutoka Wizara ya Afya Dkt. Hamad Nyembea akizungumza wakati wa kikao cha utekelezaji wa mpango wa upandikizaji moyo unaotarajiwa kuanza katika Taasisi ya Moyo Jakaya Kikwete (JKCI) kwa kushirikiana na wataalamu kutoka nchini Misri na Kuwait.

Baadhi ya wataalamu wa afya walioshiriki katika kikao cha utekelezaji wa mpango wa upandikizaji moyo unaotarajiwa kuanza katika Taasisi ya Moyo Jakaya Kikwete (JKCI) kwa kushirikiana na wataalamu kutoka nchini Misri na Kuwait wakifuatilia mada zilizokuwa zikiendelea.

    Picha Na JKCI

*******************************************************************************************************************

 Wataalamu wa Taasisi ya Moyo Jakaya Kikwete (JKCI) kwa kushirikiana na wenzao kutoka nchini Misri na Kuwait waanza maandalizi ya namna ya kutoa huduma za matibabu ya upandikizaji wa moyo nchini.

Hatua hiyo imelenga kuangalia namna ambavyo wataalamu hao watafikia malengo ikiwemo kuwekeza katika ujuzi wa wataalamu, kuandaa miongozo, na kuweka mazingira muhimu yatakayowezesha huduma kuanza kutolewa hapa nchini.

Akizungumza wakati wa kikao cha utekelezaji wa mpango wa upandikizaji moyo Mkurugenzi wa Huduma za Tiba kutoka Wizara ya Afya Dkt. Hamad Nyembea alisema Serikali imeanza kutekeleza mpango wa huduma ya upandikizaji wa moyo ikiwa ni sehemu ya jitihada za kuongeza huduma za kibingwa na ubingwa bobezi nchini katika kutekeleza Dira ya Taifa ya Maendeleo 2050.

“Dira ya Taifa ya Maendeleo 2050 imeelekeza ifikapo mwaka 2050 Tanzania iwe na uwezo wa kutosheleza kutoa huduma za kibingwa bobezi ndani ya nchi, kwa sasa tayari tunazo huduma nyingi kubwa hivyo tukaona ni wakati sasa kuanza taratibu za kuwezesha huduma za upandikizaji wa moyo kwa wagonjwa wanaohitaji huduma hizo”, alisema Dkt. Nyembea

Dkt Nyembea alisema Tanzania imekuwa ikisafirisha wagonjwa kwenda nje ya nchi kupata matibabu ya kupandikiza moyo ambapo gharama kwa mgonjwa mmoja ni kati ya shilingi milioni 200 hadi shilingi milioni 250 hivyo kama huduma hizo zitapatikana nchini gharama zake zitapungua hadi kufikia nusu yake.

“Upandikizaji wa moyo unahitaji utaalamu wa hali ya juu, vifaa vya kisasa pamoja na mazingira ya kufanya upasuaji huo, hivyo tukaona ni vyema kuwa na ushirikiano wa ndani na ushirikiano wa kimataifa kama ambavyo leo tumekutana na wataalamu hawa kutoka nchini Misri na Kuwait ambao watashirikiana nasi hadi tutakapotimiza lengo la kupandikiza moyo kwa wagonjwa waliopo nchini”, alisema Dkt. Nyembea

Kwa upande wake Kaimu Mkurugenzi Mtendaji wa Taasisi ya Moyo Jakaya Kikwete (JKCI) Dkt. Naizihijwa Majani alisema kuanzishwa kwa mpango huo ni hatua muhimu katika safari ya JKCI ya kupanua matibabu ya moyo na kuwafikia wagonjwa ambao kwa sasa wanakosa huduma hizo nchini.

“Siku ya leo tunaanzisha safari yetu ya mafanikio, kwa kipindi cha miaka 11 tumeendelea kukua na kuwa Taasisi tegemezi Tanzania na nje ya mipaka ya Tanzania, safari hii itatufanya tuendelee kutambulika, kusaidia wagonjwa na kutimiza malengo ya Dira ya Taifa ya Maendeleo 2050”, alisema Dkt. Naizihijwa

Dkt. Naizihijwa alisema JKCI umeliona kundi moja la wagonjwa ambao bado hawajalifikia, kundi hilo ni la wagonjwa ambao mioyo yao imeshindwa kufanya kazi kabisa hivyo wakaona ni wakati sasa wa kutatua changamoto za wagonjwa hao kwa kuanzisha huduma ya kupandikiza moyo nchini.

“Huduma hii si ndogo, tunapoelekea kuanza kutoa huduma ya upandikizaji wa moyo tunapaswa kuwa sehemu ya kuwahudumia wagonjwa kutoka Afrika Mashariki, Afrika ya Kati na Afrika Magharibi kwani kwa sasa upande wa Afrika huduma hizi zinatolewa Afrika Kusini, Misri na maeneo mengine machache”, alisema Dkt. Naizihijwa

Naye Naibu Katibu Mkuu wa Umoja wa Nchi za Kiarabu Mhe. Balozi Mohand Salah Ladjouzi alisema ushirikiano kati ya Tanzania na wadau wa nchi za Kiarabu umelenga kuwajenga uwezo wataalamu kutoka nchini Tanzania kupitia mafunzo ya vitendo kuboresha ujuzi wa kitabibu.

“Kwa pamoja hatutawasaidia tu wagonjwa wanaohitaji huduma za kupandikizwa moyo bali pia kutoa mafunzo ya vitendo yatakayowawezesha wataalamu wa ndani kuendeleza ujuzi huo”, alisema Mhe. Balozi Ladjouzi.

Hatua hiyo inaweka msingi wa safari mpya ya JKCI kuelekea kuanzisha huduma ya upandikizaji wa moyo nchini huku maandalizi yakilenga kuhakikisha wataalamu, vifaa, mifumo ya kisheria na mazingira muhimu ya huduma vinakuwa tayari kabla ya kuanza kwa matibabu hayo.

-      Mwisho -

 

 

Comments

Post a Comment

Popular posts from this blog

Serikali yazindua kitabu safari ya upandikizaji wa moyo Tanzania, JKCI yaweka historia mpya ya huduma za kibobezi

Image
Waziri wa Afya Mhe. Mohamed Omary Mchengerwa (Mb) akionesha kitabu cha mwongozo wa upandikizaji moyo alichokizindua wakati wa hafla fupi ya kuzindua kitabu hicho iliyofanyika katika viwanja vya Taasisi ya Moyo Jakaya Kikwete (JKCI) iliyopo jijini Dar es Salaam. Waziri wa Afya Mhe. Mohamed Mchengerwa (Mb) akimkabidhi begi lenye vitendea kazi Mwenyekiti wa bodi ya wadhamini ya Taasisi ya Moyo Jakaya Kikwete (JKCI) Dkt. Hassan Mshinda baada ya kuzindua bodi hiyo katika viwanja vya JKCI iliyopo jijini Dar es Salaam. Waziri wa Afya Mhe. Mohamed Mchengerwa (Mb) akimkabidhi begi lenye vitendea kazi Mjumbe wa bodi ya wadhamini wa Taasisi ya Moyo Jakaya Kikwete (JKCI) Dkt. Delilah Kimambo baada ya kuzindua bodi hiyo katika viwanja vya JKCI iliyopo jijini Dar es Salaam. Waziri wa Afya Mhe. Mohamed Mchengerwa (Mb) akiwa katika picha ya pamoja na Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge, Mwenyekiti wa bodi ya wadhamini ya Taasisi ya Moyo Jakaya Kikwete (JKCI)...
Read more

Kutoka miaka 22 hadi kustaafu: Safari ya Lemmah yatoa somo kwa Watumishi wa Umma

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi mfano wa hundi ya zawadi ya kustaafu  aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI, Ghati Chacha. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi tuzo ya shukrani kutokana na mchango wake alioutoa katika taasisi hiyo aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah ambaye amestaafu kwa mujibu wa sheria wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI  Ghati Chacha. Mkurugenzi wa Utawala na Rasiliamali Watu wa Taasisi ya Moyo Jakaya Kikwete (JKCI) Ghati Chacha akimkabidhi cheti cha shukrani kutokan...
Read more