JKCI yawafikia viongozi, yawafanyia uchunguzi wa afya wakati wa mkutano wa CEO Forum 2026

Daktari wa Taasisi ya Moyo Jakaya Kikwete (JKCI) Moris Budotela akimsomea majibu Meneja Uhusiano kwa Umma Hifadhi ya Ngorongoro Hamisi Dambaya wakati wa kambi maalumu ya uchunguzi wa afya inayofanyika katika kikao kazi cha wenyeviti wa bodi na watendaji wakuu wa taasisi, mashirika ya umma na wakala wa serikali (CEO Forum 2026) katika Kituo cha Kimataifa cha Mikutano (AICC) jijini Arusha.


Mtaalamu wa Maabara wa Taasisi ya Moyo Jakaya Kikwete (JKCI) Glory Mtui akichukua sampuli ya damu wakati wa kikao kazi cha wenyeviti wa bodi na watendaji wakuu wa taasisi, mashirika ya umma na wakala wa serikali (CEO Forum 2026) kinachofanyika katika Kituo cha Kimataifa wa Mikutano (AICC) jijini Arusha.

*************************************************************************************************************************

Viongozi na watendaji wakuu wa taasisi za umma nchini wanufaika na huduma za uchunguzi na matibabu ya magonjwa yasiyoambukiza zinazotolewa na wataalamu wa Taasisi ya Moyo Jakaya Kikwete (JKCI) katika kikao kazi cha wenyeviti wa bodi na watendaji wakuu wa taasisi, mashirika ya umma na wakala wa serikali (CEO Forum 2026).

Huduma hizo zinatolewa katika kambi maalumu inaofanyika katika Kituo cha Kimataifa cha Mikutano (AICC) ambapo washiriki wa kikao kazi hicho wanafanyiwa uchunguzi wa utendaji kazi wa moyo, vipimo vya figo, wingi wa mafuta kwenye damu na wingi wa sukari kwenye damu sambamba na kupewa elimu ya kujua namba zao.

Akizungumza na mwandishi wa habari hii Daktari Bingwa wa Magonjwa ya Dharura wa Taasisi ya Moyo Jakaya Kikwete – Hospitali ya Arusha Lutheran Medical Centre (JKCI-ALMC) Farida Abdallah alisema kambi huduma za uchunguzi wa afya kwa viongozi hao ni za muhimu kwani wakiwa na afya bora wataweza kutekeleza majukumu yao kwa weledi na kuleta maendeleo ya nchi.

“Tumepata fursa ya kuwahudumia wenyeviti wa bodi, wakurugenzi wa taasisi, mashirika ya umma na mashirika ya kiserikali nchini, viongozi hao wameendelea kufika katika kitengo cha uchunguzi wa magonjwa ya moyo kwaajili ya kujua namba zao”, alisema Dkt. Farida.

Dkt. Farida alisema sambamba na uchunguzi wa afya ya moyo wataalamu wa JKCI wameendelea kutoa elimu ya lishe bora kwa viongozi hao ili waweze kufahamu viashiria vya magonjwa ya moyo na namna ya kukabiliana na magonjwa hayo.

Kwa upande wake Meneja Uhusiano kwa Umma wa Hifadhi ya Ngorongoro Hamisi Dambaya alisema amefurahishwa na huduma aliyoipata kutoka kwa wataalamu wa JKCI kwani uchunguzi aliofanyiwa umemsaidia kupata taarifa sahihi kuhusu afya yake.

“Nimefanyiwa uchunguzi wa afya na kuhudumiwa vizuri, kikubwa nimefanyiwa vipimo vya moyo na kupata elimu ya kutosha kuhusu magonjwa hayo.  Watanzania wana kila sababu ya kufika katika Taasisi hii na kuchunguza afya zao”, alisema Dambaya.

Kambi hiyo inaendelea kutoa huduma za uchunguzi na elimu ya afya kwa washiriki wa mkutano wa CEO Forum 2026 ikiwa ni sehemu ya juhudi za kuhamasisha jamii kuhusu umuhimu wa kinga na utambuzi wa mapema wa magonjwa yasiyoambukiza.


Comments

Post a Comment

Popular posts from this blog

Serikali yazindua kitabu safari ya upandikizaji wa moyo Tanzania, JKCI yaweka historia mpya ya huduma za kibobezi

Image
Waziri wa Afya Mhe. Mohamed Omary Mchengerwa (Mb) akionesha kitabu cha mwongozo wa upandikizaji moyo alichokizindua wakati wa hafla fupi ya kuzindua kitabu hicho iliyofanyika katika viwanja vya Taasisi ya Moyo Jakaya Kikwete (JKCI) iliyopo jijini Dar es Salaam. Waziri wa Afya Mhe. Mohamed Mchengerwa (Mb) akimkabidhi begi lenye vitendea kazi Mwenyekiti wa bodi ya wadhamini ya Taasisi ya Moyo Jakaya Kikwete (JKCI) Dkt. Hassan Mshinda baada ya kuzindua bodi hiyo katika viwanja vya JKCI iliyopo jijini Dar es Salaam. Waziri wa Afya Mhe. Mohamed Mchengerwa (Mb) akimkabidhi begi lenye vitendea kazi Mjumbe wa bodi ya wadhamini wa Taasisi ya Moyo Jakaya Kikwete (JKCI) Dkt. Delilah Kimambo baada ya kuzindua bodi hiyo katika viwanja vya JKCI iliyopo jijini Dar es Salaam. Waziri wa Afya Mhe. Mohamed Mchengerwa (Mb) akiwa katika picha ya pamoja na Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge, Mwenyekiti wa bodi ya wadhamini ya Taasisi ya Moyo Jakaya Kikwete (JKCI)...
Read more

Kutoka miaka 22 hadi kustaafu: Safari ya Lemmah yatoa somo kwa Watumishi wa Umma

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi mfano wa hundi ya zawadi ya kustaafu  aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI, Ghati Chacha. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi tuzo ya shukrani kutokana na mchango wake alioutoa katika taasisi hiyo aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah ambaye amestaafu kwa mujibu wa sheria wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI  Ghati Chacha. Mkurugenzi wa Utawala na Rasiliamali Watu wa Taasisi ya Moyo Jakaya Kikwete (JKCI) Ghati Chacha akimkabidhi cheti cha shukrani kutokan...
Read more