Benki ya KCB yachangia shilingi milioni 20 matibabu ya watoto wenye magonjwa ya moyo

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akipokea hundi ya shilingi milioni 20 kutoka kwa Mkuu wa Kitengo cha Vihatarishi na Uzingatiaji benki ya Kenya Commercial (KCB) tawi la Tanzania Angelina Semioni jana wakati wa hafla fupi ya kuchangia matibabu ya watoto wenye magonjwa ya moyo iliyofanyika katika Taasisi hiyo iliyopo jijini Dar es Salaam. 

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akielezea namna wodi ya watoto wenye magonjwa ya moyo inavyotoa huduma wakati wa hafla fupi ya kukabidhi hundi ya shilingi milioni 20 iliyotolewa na benki ya Kenya Commercial (KCB) kwaajili ya watoto wenye magonjwa ya moyo wanaotibiwa katika Taasisi hiyo iliyopo jijini Dar es Salaam.

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akizungumza wakati wa hafla fupi ya kupokea hundi ya shilingi milioni 20 kutoka benki ya Kenya Commercial (KCB) tawi la Tanzania kwajili ya kuchangia matibabu ya watoto wenye magonjwa ya moyo wanaotibiwa katika Taasisi hiyo iliyopo jijini Dar es Salaam.

Mkuu wa Kitengo cha Vihatarishi na Uzingatiaji kutoka Benki ya Kenya Commercial (KCB) tawi la Tanzania Angelina Semion akizungumza wakati wa hafla fupi ya kukabidhi hundi ya shilingi milioni 20 kwaajili ya kuwasaidia watoto wenye magonjwa ya moyo wanaotibiwa katika Taasisi ya Moyo Jakaya Kikwete (JKCI) iliyopo jijini Dar es Salaam.


Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akiwa katika picha ya pamoja na wafanyakazi wa JKCI na wenzao kutoka Benki ya Kenya Commercial (KCB) tawi la Tanzania mara baada ya kumalizika kwa hafla fupi ya kukabidhi hundi ya shilingi milioni 20 kwaajili ya kuwasaidia watoto wenye magonjwa ya moyo wanaotibiwa na Taasisi hiyo iliyopo jijini Dar es Salaam.

Na JKCI

**************************************************************************************************

Benki ya Kenya Commercial (KCB) tawi la Tanzania imechangia kiasi cha Shilingi milioni 20 kusaidia matibabu ya watoto wenye magonjwa ya moyo wanaotibiwa katika Taasisi ya Moyo Jakaya Kikwete (JKCI).

Akizungumza wakati wa hafla fupi ya kupokea hundi kutoka benki hiyo Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge alisema benki hiyo imetumia falsafa ya Mhe. Rais Dkt. Samia Suluhu Hassan kwa kuwa na upendo na kuleta matumaini kwa watoto wenye uhitaji wa matibabu ya moyo.

“KCB wamefanya tendo jema la upendo kwa kuwapa watoto wenye magonjwa ya moyo matumaini na kuleta faraja katika familia zinazopitia changamoto ya kuuguza watoto hao kwa muda mrefu”, alisema Dkt. Kisenge

Dkt. Kisenge alisema changamoto kubwa inayoongeza idadi ya magonjwa ya moyo kwa watoto nchini ni pamoja na wazazi kutokuwa na uelewa kuhusu magonjwa hayo hivyo kuishi maisha yanayoweza sababisha magonjwa ya moyo ikiwemo kula lishe duni hasa wakati wa ujauzito, unywaji wa pombe uliokithiri, matumizi ya sigara, na wakati mwingine magonjwa hayo husababishwa na vina saba.

“Asilimia kubwa ya watoto wenye magonjwa ya moyo wanatoka katika falimia zisizokuwa na uwezo wa kugharamia matibabu, Serikali yetu imekuwa mstari wa mbele kuwasaidi watoto wenye magonjwa hayo kwa asilimia 70 na asilimia 30 iliyobaki inatolewa na Taasisi pamoja na wadau mbalimbali”, alisema Dkt. Kisenge

Dkt. Kisenge aliongezea kuwa JKCI ni Taasisi pekee yenye uwezo wa kuwafanyia upasuaji wa moyo watoto 400 ndani ya mwaka mmoja katika ukanda wa Afrika Mashariki na kati, na kuainisha kuwa gharama za matibabu hayo ugharimu kati ya shilingi milioni 8 hadi shilingi milioni 20 kwa mtoto mmoja.

Kwa upande wake Mkuu wa kitengo cha Vihatarishi na Uzingatiaji kutoka Benki ya Kenya Commercial (KCB) tawi la Tanzania Angelina Semioni alisema KCB imepata fursa ya kugusa maisha ya watoto wenye magonjwa ya moyo wanaohitaji kufanyiwa upasuaji wa moyo.

“Leo KCB imekabidhi msaada wa shilingi milioni 20 kugharamia upasuaji wa moyo kwa watoto wanaotoka katika familia zisizokuwa na uwezo kwa kugharamia matibabu pamoja na kuhakikisha watoto hao wanapata matibabu endelevu”, alisema Angelina

Angelina alisema KCB inaungana na jamii katika kusaidia matibabu kwani wanaamini kuwa kila mtoto anastahili fursa ya kuishi hivyo wakaona waweze kuwezesha uwezo wa kifedha utakaowezesha kuokoa maisha.

“Kwetu sisi mchango huu una maana kubwa kuliko thamani ya fedha tunayoitoa, kila mtoto atakayefanyiwa upasuaji tunaamini atakuwa na mafanikio makubwa na tutaweza kupata maendeleo endelevu kama taifa kupitia watoto hawa tunaowasidia leo”, alisema Angelina

Nao wazazi wa watoto wenye magonjwa ya moyo wanaotibiwa na Taasisi hiyo wamewashukuru wadau mbalimbali wanaoendelea kuchangia gharama za matibabu ili kuwezesha watoto wao kufanyiwa upasuaji wa moyo.

Anna Gaspari mzazi wa mtoto mwenye magonjwa ya moyo alisema baada ya kufika katika Taasisi hiyo na mtoto wake kufanyiwa uchunguzi na kutakiwa kufanyiwa upasuaji wa moyo alipewa gharama za shilingi milioni 10 ambazo hakuwa na uwezo wa kulipia.

“Sikuwa na uwezo wa kulipia gharama za matibabu ili mwanangu aweze kufanyiwa upasuaji wa kubadilisha valvu za moyo lakini kupitia kitengo cha ustawi wa jamii mtoto wangu amefanyiwa upasuaji wa moyo kupitia fedha zinazotolewa na wadau kusaidia upasuaji wa moyo kwa watoto”, alisema Anna

Comments

Post a Comment

Popular posts from this blog

Kutoka miaka 22 hadi kustaafu: Safari ya Lemmah yatoa somo kwa Watumishi wa Umma

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi mfano wa hundi ya zawadi ya kustaafu  aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI, Ghati Chacha. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi tuzo ya shukrani kutokana na mchango wake alioutoa katika taasisi hiyo aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah ambaye amestaafu kwa mujibu wa sheria wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI  Ghati Chacha. Mkurugenzi wa Utawala na Rasiliamali Watu wa Taasisi ya Moyo Jakaya Kikwete (JKCI) Ghati Chacha akimkabidhi cheti cha shukrani kutokan...
Read more

Wanawake waaswa kulinda mioyo yao, kuepuka sukari na chumvi kupita kiasi

Image
Wahasibu wa Taasisi ya Moyo Jakaya Kikwete (JKCI) CPA. Ashura Ally na Edna Sanga wakifuatilia mada ya wakifuatilia mada ya    kumbukumbu gani umeiacha katika eneo lako la kazi kutokana na matendo yako mazuri uliyoyafanya iliyokuwa inatolewa katika mkutano wa Chama cha Wahasibu Wanawake Tanzania (TAWCA) unaofanyika jijini Arusha. Afisa Uuguzi wa Taasisi ya Moyo Jakaya Kikwete (JKCI) Idrisa Ndende akimpima kiwango cha sukari kwenye damu Mhasibu aliyefika katika banda la taasisi hiyo kwaajili ya kupata huduma za uchunguzi na matibabu ya moyo wakati wa    mkutano wa Chama cha Wahasibu Wanawake Tanzania (TAWCA) unaofanyika jijini Arusha. Mkurugenzi wa Fedha na Mipango wa Taasisi ya Moyo Jakaya Kikwete (JKCI) CPA. Agnes Kuhenga na Daktari Bingwa wa Magonjwa ya Moyo  Engerasia Kifai  wa taasisi hiyo  wakifuatilia mada ya  kumbukumbu gani umeiacha katika eneo lako la kazi kutokana na matendo yako mazuri uliyoyafanya iliyokuwa inatolewa  katika m...
Read more