Wizara ya Afya, JKCI na Children’s HeartLink waweka mikakati ya kuimarisha huduma za moyo kwa watoto nchini


Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akiwa katika picha ya pamoja na wadau wa sekta ya afya na viongozi kutoka Wizara ya Afya mara baada ya mkutano na wadau hao kuweka mikakati ya kitaifa kuimarisha huduma za matibabu ya moyo kwa watoto uliofanyika jana katika ukumbi wa Taasisi hiyo iliyopo jijini Dar es Salaam.

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akielezea namna Taasisi hiyo inavyotoa huduma kwa watoto wenye magonjwa ya moyo wakati wa mkutano na wadau wa afya kuweka mikakati ya kitaifa kuimarisha huduma za matibabu ya moyo kwa watoto uliofanyika jana katika ukumbi wa Taasisi hiyo iliyopo jijini Dar es Salaam.

 

Mkurugenzi wa huduma za tiba Wizara ya Afya Dkt. Hamad Nyembea akizungumza wakati wa mkutano na wadau wa afya kuweka mikakati ya kitaifa kuimarisha huduma za matibabu ya moyo kwa watoto uliofanyika jana katika ukumbi wa Taasisi ya Moyo Jakaya Kikwete (JKCI) iliyopo jijini Dar es Salaam.

Mkurugenzi Msaidizi Magonjwa Yasiyoambukiza kutoka Wizara ya Afya Dkt. Omary Ubuguyu akizungumza wakati wa mkutano na wadau wa afya kuweka mikakati ya kitaifa kuimarisha huduma za matibabu ya moyo kwa watoto uliofanyika jana katika ukumbi wa Taasisi ya Moyo Jakaya Kikwete (JKCI) iliyopo jijini Dar es Salaam.

Makamu wa Rais Mkakati wa Kimataifa na Utetezi Shirika la Children’s HeartLink Bistra Zheleva akielezea namna Shirika hilo litakavyoweka mikakati ya kusaidia watoto wenye magonjwa ya moyo waliopo nchini Tanzania wakati wa mkutano na wadau wa afya kuweka mikakati ya kitaifa kuimarisha huduma za matibabu ya moyo kwa watoto uliofanyika jana katika ukumbi wa Taasisi ya Moyo Jakaya Kikwete (JKCI) iliyopo jijini Dar es Salaam.

Wadau wa sekta ya afya wakiwa katika makundi kujadili mikakati ya kusaidia watoto wenye magonjwa ya moyo wakati wa mkutano na wadau wa afya kuweka mikakati ya kitaifa kuimarisha huduma za matibabu ya moyo kwa watoto uliofanyika jana katika ukumbi wa Taasisi ya Moyo Jakaya Kikwete (JKCI) iliyopo jijini Dar es Salaam.

Na JKCI

**************************************************************************************************

Serikali kupitia Wizara ya Afya, kwa kushirikiana na Taasisi ya Moyo Jakaya Kikwete (JKCI), Shirika la Children’s HeartLink na Shirika la Afya Duniani (WHO) waweka mikakati ya kitaifa kuimarisha huduma za matibabu ya moyo kwa watoto kuhakikisha kila mtoto mwenye ugonjwa huo anagundulika mapema, anapata matibabu kwa wakati na kuongeza nafasi ya kuishi.

Akizungumza wakati wa mkutano uliofanywa na wadau hao jana jijini Dar es Salaam Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge alisema ushirikiano huo umewakutanisha wataalamu na wadau hao ili kujadili njia bora za kuboresha huduma za moyo kwa watoto nchini na katika ukanda wa Afrika.

Dkt. Kisenge alisema mkutano huo umelenga kutengeneza mikakati ya kushirikiana na Serikali ili kuondoa vikwazo vinavyowafanya watoto kushindwa kupata matibabu kutokana na gharama, ikiwemo kuimarisha upatikanaji wa rasilimali fedha na kuendeleza ajenda ya bima ya afya kwa wote.

“Wadau hawa pia wamekusudia kubadilishana uzoefu na ujuzi kwa kutumia mafanikio yaliyopatikana JKCI kama mfano wa kuigwa katika nchi nyingine huku wakijenga uwezo wa wataalamu kupitia mafunzo ya kugundua mapema magonjwa ya moyo kwa watoto na kuimarisha tafiti zitakazosaidia kubaini sababu za magonjwa hayo pamoja na njia za kuyazuia”, alisema Dkt. Kisenge

Kwa upande wake Mkurugenzi wa Tiba Shirikishi wa Taasisi ya Moyo Jakaya Kikwete (JKCI) Dkt. Naizihijwa Majani alisema mkutano huo umekuwa jukwaa muhimu lililowakutanisha wadau wa sekta ya afya nchini pamoja na washirika wa maendeleo kutoka Marekani kwa lengo la kuandaa mpango madhubuti wa kitaifa wa kuhudumia watoto wenye magonjwa ya moyo.

Dkt. Naizihijwa alisema kupitia uzoefu wa washirika hao Tanzania itaweza kuimarisha mfumo wa utoaji wa huduma ili kuhakikisha watoto wanaohitaji matibabu wanayapata kwa haraka, kwa ubora na kwa uhakika bila kujali mahali walipo.

Naye Mkurugenzi Msaidizi Magonjwa Yasiyoambukiza kutoka Wizara ya Afya Dkt. Omary Ubuguyu alisema mkutano huo umejikita katika kujadili magonjwa ya moyo ya kuzaliwa nayo pamoja na yale yanayotokea baada ya kuzaliwa ambayo mara nyingi hayapewi kipaumbele vya kutosha.

Dkt. Ubuguyu alisema baada ya mkutano huo wadau hao wametoka na maazimio matatu muhimu ikiwemo kuweka mikakati ya pamoja ya kupata rasilimali fedha, wataalamu na vifaa vya tiba kuanzia ngazi ya jamii hadi hospitali za rufaa, kuboresha mifumo ya kugundua wagonjwa ya moyo katika hatua za awali ili watoto waweze kupata huduma mapema, na kuunda timu ya uratibu itakayosimamia utekelezaji wa maazimio yote yaliyofikiwa.

Akihitimisha Makamu wa Rais Mkakati wa Kimataifa na Utetezi Shirika la Children’s HeartLink Bistra Zheleva alisema shirika hilo limekuja Tanzania kushirikiana na Wizara ya Afya na JKCI katika kupanua huduma za magonjwa ya moyo kwa watoto na magonjwa ya moyo ya kuzaliwa nayo.

Bistra alisema lengo kuu la ushirikiano huo ni kuhakikisha huduma za moyo zinawafikia watoto wote nchini kwa wakati ili kila mtoto mwenye ugonjwa wa moyo apate matibabu stahiki, aishi maisha yenye afya na aweze kufikia uwezo wake kamili.

“Kupitia ushirikiano huu tuliouanzisha na Tanzania tumepata nafasi kubwa ya kujenga mfumo imara na endelevu wa huduma za moyo kwa watoto ambao unaweza kuwa mfano kwa nchi nyingine Barani Afrika”, alisema Bistra


Comments

Post a Comment

Popular posts from this blog

Kutoka miaka 22 hadi kustaafu: Safari ya Lemmah yatoa somo kwa Watumishi wa Umma

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi mfano wa hundi ya zawadi ya kustaafu  aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI, Ghati Chacha. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi tuzo ya shukrani kutokana na mchango wake alioutoa katika taasisi hiyo aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah ambaye amestaafu kwa mujibu wa sheria wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI  Ghati Chacha. Mkurugenzi wa Utawala na Rasiliamali Watu wa Taasisi ya Moyo Jakaya Kikwete (JKCI) Ghati Chacha akimkabidhi cheti cha shukrani kutokan...
Read more

Wanawake waaswa kulinda mioyo yao, kuepuka sukari na chumvi kupita kiasi

Image
Wahasibu wa Taasisi ya Moyo Jakaya Kikwete (JKCI) CPA. Ashura Ally na Edna Sanga wakifuatilia mada ya wakifuatilia mada ya    kumbukumbu gani umeiacha katika eneo lako la kazi kutokana na matendo yako mazuri uliyoyafanya iliyokuwa inatolewa katika mkutano wa Chama cha Wahasibu Wanawake Tanzania (TAWCA) unaofanyika jijini Arusha. Afisa Uuguzi wa Taasisi ya Moyo Jakaya Kikwete (JKCI) Idrisa Ndende akimpima kiwango cha sukari kwenye damu Mhasibu aliyefika katika banda la taasisi hiyo kwaajili ya kupata huduma za uchunguzi na matibabu ya moyo wakati wa    mkutano wa Chama cha Wahasibu Wanawake Tanzania (TAWCA) unaofanyika jijini Arusha. Mkurugenzi wa Fedha na Mipango wa Taasisi ya Moyo Jakaya Kikwete (JKCI) CPA. Agnes Kuhenga na Daktari Bingwa wa Magonjwa ya Moyo  Engerasia Kifai  wa taasisi hiyo  wakifuatilia mada ya  kumbukumbu gani umeiacha katika eneo lako la kazi kutokana na matendo yako mazuri uliyoyafanya iliyokuwa inatolewa  katika m...
Read more