Watu 420 wapimwa moyo Manyara

Daktari bingwa wa magonjwa ya moyo wa Taasisi ya Moyo Jakaya Kikwete (JKCI) Johnstone Kayandabila akimpima kipimo cha kuangalia jinsi moyo unavyofanyakazi (Echocardiogram – ECHO) mwananchi wa Manyara aliyefika katika Hospitali ya Rufaa Mkoa wa Manyara (MRRH) kwa ajili ya kupima moyo wakati wa kambi maalum ya siku tano ya matibabu ya moyo iliyokuwa ikifanywa na wataalam wa afya wa JKCI kwa kushirikiana na wenzao wa MRRH na kumalizika leo Mkoani Manyara


Daktari wa Taasisi ya Moyo Jakaya Kikwete (JKCI) Janeth Mmari akimfanyia uchunguzi mwananchi wa Manyara aliyefika katika Hospitali ya Rufaa Mkoa wa Manyara (MRRH) kwa ajili ya kupima moyo wakati wa kambi maalum ya siku tano ya matibabu ya moyo iliyokuwa ikifanywa na wataalam wa afya wa JKCI kwa kushirikiana na wenzao wa MRRH na kumalizika leo Mkoani Manyara

Afisa Uuguzi wa Taasisi ya Moyo Jakaya Kikwete (JKCI) Mohamed Wamara akimpima kipimo cha kuangalia jinsi mfumo wa umeme wa moyo unavyofanya kazi (Electrocardiography – ECG) Glory Ifunya aliyefika katika Hospitali ya Rufaa Mkoa wa Manyara (MRRH) kwa ajili ya kupima moyo wakati wa kambi maalum ya siku tano ya matibabu ya moyo iliyokuwa ikifanywa na wataalam wa afya wa JKCI kwa kushirikiana na wenzao wa MRRH na kumalizika leo Mkoani Manyara


Baadhi wa wataalam wa afya wa Taasisi ya Moyo Jakaya Kikwete (JKCI) na wenzao wa Hospitali ya Rufaa Mkoa wa Manyara (MRRH) wakiwa katika picha ya pamoja baada ya kumalizika kwa kambi maalum ya siku tano ya matibabu ya moyo leo Mkoani Manyara. Jumla ya watu 420 wamefanyiwa uchunguzi na matibabu ya moyo katika kambi hiyo

**************************************************************************************************************************

Jumla ya watu 420 wamefanyiwa uchunguzi na matibabu ya magonjwa ya moyo katika kambi maalum ya siku tano iliyoanza tarehe 15 Mei 2023 na kumalizika leo katika Hospitali ya Rufaa Mkoa wa Manyara (MRRH).

Kambi hiyo iliyofanywa na wataalam wa afya wa Taasisi ya Moyo Jakaya Kikwete (JKCI) kwa kushirikiana na wenzao wa Hospitali ya Rufaa Mkoa wa Manyara (MRRH) imewahudumia watu wazima 390 na watoto 30.

Akizungumza wakati wa kufunga kambi hiyo Daktari bingwa wa magonjwa ya moyo wa Taasisi ya Moyo Jakaya Kikwete (JKCI) Johnstone Kayandabila alisema katika kambi hiyo wametoa rufaa kwa wagonjwa wa moyo 99 ambapo kati yao wagonjwa 10 walikuwa watoto na wagonjwa 89 walikuwa watu wazima ili waweze kufika Taasisi ya Moyo Jakaya Kikwete kwa ajili ya matibabu zaidi.

“Sababu za kutoa rufaa kwa wagonjwa hao ilikuwa ni pamoja na matatizo mbalimbali yanayotokana na athari za magonjwa ya shinikizo la juu la damu, sukari kuwa juu, mishipa ya damu kuziba pamoja na valvu za moyo kutokufanya kazi vizuri”,

“Magonjwa mengine tuliyokutana nayo wakati wa kambi hii ni matatizo ya mfumo wa umeme wa moyo kutokufanya kazi vizuri na magonjwa ya moyo ya kuzaliwa nayo kwa watoto yaani matundu kwenye moyo”, alisema Dkt. Johnstone

Aidha Dkt. Johnstone alitoa wito kwa wagonjwa waliopewa rufaa kufika JKCI ili waweze kupatiwa matibabu kwa haraka kupunguza athari zitakazoweza kujitokeza kama hawatapata matibabu kwa wakati.

Naye Mganga Mfadhiwi Hospitali ya Rufaa Mkoa wa Manyara Dkt. Catherine Magali amewapongeza madaktari bingwa wa moyo kutoka JKCI kwa kutoa huduma kwa wananchi wa Manyara kwani huduma hizo ni muhimu kufanyika mara kwa mara.

“Kuwapata watu 99 rufaa  kwa wiki moja sio kazi ndogo, mmefanya kazi ya ziada kwani watu hawa wangeendelea kuishi tu huku bila ya kujua yakuwa walihitaji matibabu ya haraka kuokoa maisha yao”, alisema Dkt. Catherine

Dkt. Catherine ambaye pia ni bingwa wa magonjwa ya wanawake MRRH alisema mwanzo wa ushirikiano uliojengwa katika kambi hiyo uendelee hata pale Hospitali ya Rufaa Mkoa wa Manyara itakapowahitaji tena mabingwa hao kutoka JKCI wasisite kushirikiana nao.

Comments

Post a Comment

Popular posts from this blog

Wataalamu wa JKCI kufanya upasuaji wa moyo nchini Zambia

Image
Balozi wa Tanzania nchini Zambia Mhe. Luteni Generali Mathew Edward Mkingule akiwa katika picha ya pamoja na wataalamu wa Taasisi ya Moyo Jakaya Kikwete (JKCI) katika uwanja wa ndege wa kimataifa wa Julius Nyerere (JNIA) kabla ya wataalamu hao kuanza safari  ya  kuelekea katika hospitali ya Taifa ya Moyo ya nchini Zambia kwaajili ya kufanya upasuaji wa moyo kwa watoto. Shirika la Okoa Moyo wa Mtoto (Save a Child’s Heart – SACH) la nchini Israel ndilo lililowezesha kufanyika kwa kambi hiyo ya upasuaji nchini Zambia. Balozi wa Tanzania nchini Zambia Mhe. Luteni  Generali Mathew  Edward  Mkingule akizungumza na wataalamu wa Taasisi ya Moyo Jakaya Kikwete (JKCI) leo katika uwanja wa ndege wa kimatifa wa Julius Nyerere  (JNIA)  kabla ya kuanza safari yao ya kwenda katika hospitali ya Taifa ya Moyo ya nchini Zambia kwaajili ya kufanya upasuaji wa moyo kwa watoto.  Shirika la Okoa Moyo wa Mtoto (Save a Child’s Heart – SACH) la nchini Israel ndilo lililowezesha kufanyika kwa kambi hiyo ya upa
Read more

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w
Read more

JKCI yamshukuru Rais Dkt.Samia kwa kuwapa magari

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akikata utepe wakati wa kuzindua magari mawili yaliyotolewa na Rais wa Jamhuri ya Muungano wa Tanzania Mhe. Dkt. Samia Suluhu Hassan kwaajili ya kutoa huduma kwa wagonjwa wanaotibiwa JKCI. Kushoto ni Mkurugenzi Mtendaji wa JKCI Dkt. Peter Kisenge. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akiwa ndani ya gari la kuhudumia wagonjwa lililotolewa na Rais wa Jamhuri ya Muungano wa Tanzania Mhe. Dkt. Samia Suluhu Hassan na kuzinduliwa leo na Kaimu Mwenyekiti wa Bodi ya Wadhamini ya Taasisi hiyo Asha Izina. Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa Habari mara baada ya uzinduzi wa magari mawili yaliyotolewa na Rais wa Jamhuri ya Muungano wa Tanzania Mhe. Dkt. Samia Suluhu Hassan kwaajili ya kutoa huduma kwa wagonjwa wanaotibiwa katika Taasisi hiyo iliyopo jijini Dar es Salaam. ***************
Read more