JKCI yaonyesha matumaini kwa wazazi wa watoto wenye shida ya moyo Sinyanga


Daktari Bingwa wa Magonjwa ya Moyo kwa watoto wa Taasisi ya Moyo Jakaya Kikwete (JKCI) Nuru Letara akimpima kipimo cha kuangalia jinsi moyo unavyofanya kazi mtoto aliyefika katika Hospitali ya Rufaa ya Mkoa Shinyanga (SRRH) kwa ajili ya kupata huduma za uchunguzi na matibabu ya moyo wakati wa kambi maalum ya siku tano ya Tiba Mkoba ya Mhe. Dkt. Samia Suluhu Hassan Outreach Services inayofanyika katika Hospitali hiyo.

Baadhi ya wazazi wakiwa na watoto wao wakisubiri kupata huduma ya upimaji na matibabu ya moyo kwa watoto wakati wa kambi maalum ya siku tano ya Tiba Mkoba ya Mhe. Dkt. Samia Suluhu Hassan Outreach Services inayofanywa na wataalamu wa Taasisi ya Moyo Jakaya Kikwete (JKCI) kwa kushirikiana na wenzao wa Hospitali ya Rufaa ya Mkoa Shinyanga (SRRH).

******************************************************************************************************************************

Changamoto ya kiuchumi kwa jamii imekuwa ni kikwazo kwa baadhi watoto  kuendelea na matibabu ya moyo hali iliyosababisha kuchelewa kupata matibabu ambayo yangeokoa maisha yao.

Hayo yamesemwa jana na daktari bingwa wa magonjwa ya moyo kwa watoto wa Taasisi ya Moyo Jakaya Kikwete (JKCI) Nuru Letara wakati akizungumza na waandishi wa habari katika kambi maalum ya matibabu ya moyo yanayofanyika katika Hospitali ya Rufaa ya Mkoa Shinyanga (SRRH).

Dkt. Nuru alisema wazazi na walezi wengi wanakutana na changamoto mbalimbali za kiuchumi zinazopelekea kushindwa kuwapeleka watoto wao hospitali kupata  matibabu.

“Changamoto zipo nyingi ila changamoto kubwa ni hali duni ya uchumi ambayo inasababisha wazazi na walezi kukosa nauli vilevile kukosa pesa ya kulipia gharama za matibabu, lakini tunapokutana nao tunawatia moyo na kuwasaodia”, alisema Dkt. Nuru.

Dkt. Nuru alisema miongoni mwa wagonjwa waliopewa rufaa katika kambi hiyo ni mtoto aliyegendulika kuwa  na tatizo la moyo kwenye kambi  ya matibabu ya moyo iliyofanywa na wataalamu wa JKCI mwaka mmoja uliopita lakini hakuweza kwenda kufanyiwa upasuaji  kutokana na changamoto za kifedha.

“Katika kambi hii tumempa dawa za awali za kutumia pia tumempa barua ya rufaa ya kuja kutibiwa JKCI. Kila kitu kikienda sawa atafanyiwa  upasuaji wa ,oyo mwanzoni mwa mwezi Septemba mwaka huu katika kambi maalumu ya madaktari kutoka nchini Saudi Arabia”, alisema Dkt. Nuru.

Dkt. Nuru pia aliwaomba wazazi kujua afya za watoto wao kwa kujua dalili za magonjwa ya moyo ili waweze kupata matibabu mapema.

 “Watoto wengine hupata shida ya kupumua, hukosa nguvu ya kunyonya, hutokwa jasho wakiwa wananyonya na wakati mwingine ngozi hubadilika rangi na kuonekana ya bluu, dalili hizi zikionekana mapema zinahitaji kuchunguzwa hospitalini ili kuokoa maisha yao”,  alisema Dkt. Nuru.

Kwa upande wake Bibi wa mtoto mwenye tatizo la moyo Monica Stephano mkazi wa Ushetu alisema  waligundua hali hiyo mtoto akiwa na umri wa miezi sita lakini walishindwa kuendelea na matibabu kutokana na gharama kubwa walizoshindwa kuzimudu.

“Tulifurahi kusikia kwamba madaktari bingwa kutoka Taasisi ya Moyo Jakaya Kikwete wanakuja Shinyanga, tumepata matumaini mapya na tunashukuru kwamba sasa mjukuu wangu ana nafasi ya kufanyiwa upasuaji kwa kusaidiwa kulipiwa matibabu hayo”.

“Tumefika hapa mtoto amepimwa lakini tundu kwenye moyo wake bado lipo na anatakiwa kufanyiwa upasuaji, nimefurahi sana na  Mungu awazidishie pale walipotoa wote waliochangia  matibabu ya moyo kwa watoto wanaotoka katika familia zenye uwezo mdogo kiuchuni”,  alisema Bibi Monica.

Naye mkazi wa Kishapu Lucas Marwa ambaye mtoto wake alipata huduma katika kambi hiyo alisema changamoto walizokuwa wakizipitia ni kutokupata majibu sahihi kila walipokwenda hospitalini, lakini sasa wamepata majibu mazuri na mwelekeo wa matibabu kutoka kwa madaktari bingwa wa moyo wa Taasisi ya Moyo Jakaya Kikwete (JKCI).

“Madaktari wa Taasisi ya Moyo Jakaya Kikwete (JKCI) wametupa mwanga mpya, tunaomba wadau mbalimbali waendelee kusaidia huduma hizi kwani zinagusa maisha ya familia nyingi”, alisema Marwa.

Comments

Post a Comment

Popular posts from this blog

Wateja wa CRDB kutibiwa JKCI kwa punguzo la asilimia 50%

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakisaini mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.    Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakibadilishana mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.   Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakimjulia hali mtoto aliyelazwa katika wodi ya watoto wenye magonjwa ya moyo kabla ya hafla fupi ya kusaini mkataba wa makubaliano ya ushirikiano bain...
Read more

Wanawake wa JKCI SACCOS wanaongoza kwa kumiliki hisa

Image
Mwenyekiti wa Chama cha kuweka akiba na mikopo (SACCOS) cha Taasisi ya Moyo Jakaya Kikwete (JKCI) Dkt. Tulizo Shem akizungumza na wanachama wa SACCOS hiyo wakati wa mkutano mkuu wa mwaka uliofanyika leo katika ukumbi wa Taasisi hiyo iliyopo Jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) na mgeni rasmi katika mkutano mkuu wa mwaka wa wanachama wa Chama cha kuweka akiba na mikopo (SACCOS) cha JKCI akiwapongeza wanachama hao kwa kuweka jitihada za kuboresha mfuko wa SACCOS leo wakati wa mkutano huo uliofanyika katika ukumbi wa JKCI iliyopo jijini Dar es Salaam Afisa Ushirika Halmashauri ya Jiji la Dar es Salaam Mihayo Malunde akielezea namna fedha zinazokusanywa na Chama cha kuweka akiba na mikopo (SACCOS) cha JKCI zinaweza kuongeza uchumi wa wanachama wakati wa mkutano mkuu wa mwaka wa wanachama wa SACCOS ya Taasisi ya Moyo Jakaya Kikwete (JKCI) uliofanyika leo katika ukumbi wa JKCI iliyopo jijini Dar es Salaam Mjumbe wa Chama cha kuweka akiba na mikop...
Read more

JKCI, MOI NA MNH waitwa Comoro kutoa huduma za matibabu ya kibingwa

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuonyesha Waziri wa Ulinzi wa Comoro Mhe. Yousoufa Mohamed Ali    sehemu ya kusubiria wagonjwa wa kliniki maalumu ya VIP alipotembelea taasisi hiyo leo kwaajili ya kuona huduma mbalimbali za matibabu ya moyo zinazotolewa. Waziri wa Ulinzi wa Comoro Mhe. Yousoufa Mohamed Ali akizungumza na viongozi wa wizara ya Afya, Taasisi ya Moyo Jakaya Kikwete (JKCI), Taasisi ya Tiba ya Mifupa na Ubongo Muhimbili (MOI) na  Hospitali ya Taifa Muhimbili (MNH)  alipozitembelea hospitali hizo leo kwaajili ya kuona namna ambavyo zitawatuma wataalamu wake   kwenda kutoa huduma za matibabu ya kibingwa kwa wananchi wa Comoro.   Waziri wa Ulinzi wa Comoro Mhe. Yousoufa Mohamed Ali akiagana na Naibu Katibu Mkuu wa Wizara ya Afya Mhandisi Ismail Rumatila mara baada ya kukutana na viongozi wa wizara hiyo, Taasisi ya Moyo Jakaya Kikwete (JKCI), Taasisi ya Tiba ya Mifupa na Ubongo Muhimbili (MOI) na...
Read more