Wasimamizi wa maeneo ya kazi JKCI watakiwa kuwa walezi bora kwa watumishi

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akiwa katika picha ya pamoja na Wasimamizi wa maeneo mbalimbali ya kazi wa Taasisi hiyo wakati wa ufunguzi wa mafunzo ya siku mbili yanayofanyika katika Shule ya Uongozi ya Mwalimu Julius Nyerere iliyopo Kibaha mkoani Pwani.

Mkuu wa Kitengo cha Rasilimali Watu wa Taasisi ya Moyo Jakaya Kikwete (JKCI) Abdulrahman Muya akizungumza na wasimamizi wa maeneo mbalimbali ya kazi wa taasisi hiyo wakati wa ufunguzi wa mafunzo ya uongozi yaliyofanyika jana katika Shule ya Uongozi ya Mwalimu Julius Nyerere iliyopo Kibaha mkoani Pwani.


Baadhi ya wasimamizi wa maeneo mbalimbali ya kazi wa Taasisi ya Moyo Jakaya Kikwete (JKCI) wakisikiliza mada zilizokuwa zikiendelea wakati wa ufunguzi wa mafunzo ya uongozi uliofanyika jana katika Shule ya Uongozi ya Mwalimu Julius Nyerere iliyopo Kibaha mkoani Pwani.

Picha na  JKCI

************************************************************************************************************

Wasimamizi wa maeneo mbalimbali ya kazi wa Taasisi ya Moyo Jakaya Kikwete (JKCI) wametakiwa kuwa walezi bora kwa watumishi wanaowaongoza ili kuongeza mshikamano wa kikazi, kuimarisha utendaji na kuhakikisha huduma bora zinatolewa kwa wagonjwa.

Rai hiyo imetolewa jana na Mkurugenzi Mtendaji wa JKCI, Dkt. Peter Kisenge, wakati akifungua mafunzo ya siku mbili ya kuwajengea uwezo wasimamizi wa wa maeneo mbalimbali wa taasisi hiyo. Mafunzo hayo yanafanyika katika Shule ya Uongozi ya Mwalimu Julius Nyerere iliyopo Kibaha mkoani Pwani.

Dkt. Kisenge alisema wasimamizi wa vitengo hukutana na changamoto mbalimbali za kikazi kutoka kwa watumishi wanaowasimamia, hivyo ni muhimu wawe walezi na viongozi bora ili kuwasaidia watumishi kutatua changamoto hizo na kufanikisha malengo ya taasisi.

“Mafunzo haya ya uongozi niliona myapate kwani nyie ni sehemu ya viongozi wa taasisi yetu. Mkitoka hapa mkayafanyie kazi mtakayoelekezwa na kuyatengenezea mikakati mizuri ili kuboresha huduma zetu”, alisema Dkt. Kisenge.

Kwa upande wake Mkuu wa Utawala wa Shule ya Uongozi ya Mwalimu Julius Nyerere Priscilla Mkini alisema mafunzo hayo yataleta mabadiliko chanya katika utendaji kazi na kuimarisha mshirikiano kati ya wasimamizi na watumishi wanaowaongoza.

“Siku hizi mbili mkizitumia ipasavyo mtaweza kutimiza lengo lililowaleta hapa na kuwa viongozi bora kwa wengine”, alisema Mkini.

Akizungumza kwa niaba ya Mkurugenzi wa Utawala na Rasilimali Watu wa JKCI, Mkuu wa Kitengo cha Rasilimali Watu Abdulrahman Muya  alisema mafunzo hayo yamelenga kuwaunganisha wasimamizi wa vitengo ili kubadilishana uzoefu, kuimarisha mshirikiano na kupata ujuzi wa namna bora ya kuongoza watumishi.

Muya aliongeza kuwa washiriki wa mafunzo hayo watajifunza wajibu wao katika kusimamia rasilimali za umma, namna ya kutambua hisia za watu wanaowaongoza, uadilifu na kujenga ushirikiano kazini.

“Idara ya Utawala na Rasilimali Watu itaendelea kutoa mafunzo ya mara kwa mara kwa wafanyakazi ili kuimarisha utendaji. Ninaamini kwa pamoja tutaweza kufikia malengo tuliyojiwekea”, alisema Muya.


Comments

Post a Comment

Popular posts from this blog

Wateja wa CRDB kutibiwa JKCI kwa punguzo la asilimia 50%

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakisaini mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.    Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakibadilishana mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.   Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakimjulia hali mtoto aliyelazwa katika wodi ya watoto wenye magonjwa ya moyo kabla ya hafla fupi ya kusaini mkataba wa makubaliano ya ushirikiano bain...
Read more

Wanawake wa JKCI SACCOS wanaongoza kwa kumiliki hisa

Image
Mwenyekiti wa Chama cha kuweka akiba na mikopo (SACCOS) cha Taasisi ya Moyo Jakaya Kikwete (JKCI) Dkt. Tulizo Shem akizungumza na wanachama wa SACCOS hiyo wakati wa mkutano mkuu wa mwaka uliofanyika leo katika ukumbi wa Taasisi hiyo iliyopo Jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) na mgeni rasmi katika mkutano mkuu wa mwaka wa wanachama wa Chama cha kuweka akiba na mikopo (SACCOS) cha JKCI akiwapongeza wanachama hao kwa kuweka jitihada za kuboresha mfuko wa SACCOS leo wakati wa mkutano huo uliofanyika katika ukumbi wa JKCI iliyopo jijini Dar es Salaam Afisa Ushirika Halmashauri ya Jiji la Dar es Salaam Mihayo Malunde akielezea namna fedha zinazokusanywa na Chama cha kuweka akiba na mikopo (SACCOS) cha JKCI zinaweza kuongeza uchumi wa wanachama wakati wa mkutano mkuu wa mwaka wa wanachama wa SACCOS ya Taasisi ya Moyo Jakaya Kikwete (JKCI) uliofanyika leo katika ukumbi wa JKCI iliyopo jijini Dar es Salaam Mjumbe wa Chama cha kuweka akiba na mikop...
Read more

JKCI, MOI NA MNH waitwa Comoro kutoa huduma za matibabu ya kibingwa

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuonyesha Waziri wa Ulinzi wa Comoro Mhe. Yousoufa Mohamed Ali    sehemu ya kusubiria wagonjwa wa kliniki maalumu ya VIP alipotembelea taasisi hiyo leo kwaajili ya kuona huduma mbalimbali za matibabu ya moyo zinazotolewa. Waziri wa Ulinzi wa Comoro Mhe. Yousoufa Mohamed Ali akizungumza na viongozi wa wizara ya Afya, Taasisi ya Moyo Jakaya Kikwete (JKCI), Taasisi ya Tiba ya Mifupa na Ubongo Muhimbili (MOI) na  Hospitali ya Taifa Muhimbili (MNH)  alipozitembelea hospitali hizo leo kwaajili ya kuona namna ambavyo zitawatuma wataalamu wake   kwenda kutoa huduma za matibabu ya kibingwa kwa wananchi wa Comoro.   Waziri wa Ulinzi wa Comoro Mhe. Yousoufa Mohamed Ali akiagana na Naibu Katibu Mkuu wa Wizara ya Afya Mhandisi Ismail Rumatila mara baada ya kukutana na viongozi wa wizara hiyo, Taasisi ya Moyo Jakaya Kikwete (JKCI), Taasisi ya Tiba ya Mifupa na Ubongo Muhimbili (MOI) na...
Read more